DOSECHO 24:5 - Wanaadi A'deddu

⁵ Määdhä dhanwa aquimmatä weneene; tameedä yeichö wa’cä judhíocoomo töni’jedäiñe weneene. Töwö dea ñanno naasadeenocoomo edhaajotoncomooje na.

DOSECHO 24:5 ပူးပေါင်းရင်းမြစ်များ

MATEO 10:25

Ñäädä towaanomaamö towaanomaanei weichö nönge töwä’dödö mma ijummajai ñai, cho’jodheene’daane. Chäänönge mmaja dhanoonö, tädhaajä weichö jäcä daja. Ñanno soto Caajuushawaaje chäädhajootoncomo cöne’toicho; töwaacö’je mma shootoi cone’da e’täjai ñaato.

MATEO 2:23

Iiña töwä’döa’jäcä Naasade ña cöneejata’täi. Yää cöneeja’dätäi Wanaadi wa’deuwödö ecammannamo wä’dö’jocoomo nönge yeichö wetä, yää: “Naasade ñanooje Äwaanacaanei nätä’täja’de;” quee yä’dö’jocoomo naichö.

MAADOCO 1:24

—¿Ane’cotoojo ñaa aquiima’se mannea, Jesuuquidiito, Naasade ñano? ¿Ñaa acoichajo ca meejä? Yoowanääcä dajaane ma, Wanaadi anoonö aashichaatoje aweichö; quee cönä’döaacä ñäädä odo’sha ’jano.

DUUCA 23:19

Ñäädä Wadaawa cönä’jaacä jedeesoje yääwaacajo’jödö acu’shänä tu’de’tä’jödö weijäcä töwwä yää jataawä, soto ema’jödö weijäcä mmaja.

DUUCA 23:2

Iiña cönaajäntoicho yaawä ementädö; cönä’döa’to: —Määdhä ñaa cöneedantäi soto i’jedäädöcoomoje. Töwö chäwwäiñe jödaata äntujo’da acu’shänä wwä. Äwaanacaaneije töwäätä’tä weneene, cajiichaanaje mmaja; quee cönä’döa’to.

DUUCA 23:25

Jedeesoje yeichö jonno töwö cunu’cajoi ñäädä acu’shänä tu’de’tänei’jödö, soto emaanei’jödö. Jesuuquidiito mmaane yoijeiñe mma cönnöi.

DUUCA 23:5

Tönwanno jooje’cä mma cöna’deuwa’to yaawä; cönä’döa’to: —Tameedä Judheea ñancomo töni’jedäiñe weneene töwwä owaanomaadö que, Caadideea ña yaajäntä’jödö sadä tödööene; quee cönä’döa’to ñanno Wanaadi wwä töwa’deuwaamo edhaajotoncomo.

DOSECHO 15:5

Anejjacoomo jaadiseeo quedeiyentecoomo cönammöicho yaawä; cönä’döa’to: —Ñanno judhíojöncomo quedeiyente siicunsidaadoje tödööjojai caato, Moisé waanontä’jödö chäwwäiñe tödööjojai caato dea; quee cönä’döa’to.

DOSECHO 21:28

töcä’de cöna’deuwa’to; cönä’döa’to: —Änwanno iisadaaediitacoomo, ñaa ’wa’tätääcä. Määdhä dhanwa tameedä jata weichö wa’cä cone’da soto tönoowanoomaiñe weneene judhío jäcäiñe, jenaado’jä waanontänä jäcä mmaja, Wanaadi weichojo jäcä mmaja. Eduuwa Wanaadi weichojo taca judhíojöncomo namonno’joicho; mädääje Wanaadi weichojo nichoone’ma; quee cönä’döa’to ñanno Paudo jäcä.

DOSECHO 22:22

Määtä mma ñanno soto cöneeta’to Paudo wa’deuwödö; cönaajäntoicho yaawä töcä’tömjätöödöcoomo: —Tämamje na; määdhä nöngato nudä eijai’cha na; quee cönä’döa’to.

DOSECHO 24:14

Edääje mmaane wäänene: Yaadaichö Wanaadiyööcomo woije wäänene, eduuwaato weichojo wä’dödö nönge, yää chäänöngemjönööje töne’tä weneenetoodö. Öwö wecaanö’a tameedä jenaado’jä waanontänä, Wanaadi wa’deuwödö ecammannamo nimenno’jocoomo mmaja.

DOSECHO 24:4

Jooje adhaaquimma’se’da wa; a’dhe mma ñaa wa’deuwödö etaacä.

DOSECHO 25:7

Paudo wä’döa’jäcä ñanno judhío Jeduusadén ñancomo wä’döa’como cönaawodhentoicho yaawä. Tönwanno jooje Paudo cöneementa’to conemjönö jäcä; chäänöngato jaiñoone a’que cönä’jaacä dha’dedducoomo.

DOSECHO 26:5

Tönwanno dhowaanäcäiñe mmaja na dea mude’cäje weichö jonnoto’jödöödä jaadiseeoje wei’jödö. Ñanno jaadiseeo ñanno judhío wätunnäichomo tönoiñe tödönnamo, anejjacoomo e’jodhe’cä. Tönwanno dea ecammajai ñaato yääje wei’jödö.

DOSECHO 28:22

Eta’se ñaa na äwäätunnäi. Tacaade ñaa wwä na tameedä yeichö wa’cä cone’da töwa’deuwe yeichöcoomo mädä eduuwaatoje weichojo jäcä; quee cönä’döa’to.

DOSECHO 5:17

Yaawä Wanaadi wwä töwa’deuwaamo edhaajotoncomo, ijimmotoncomo saadhuseeo mmaja, tö’neiñe cönä’ja’to.

DOSECHO 6:13

Tönwanno Eteewa ementännamo cöneejodöicho; ñanno cönä’döa’to: —Määdhä dhanwa cone’da töwa’deuwe weneene Wanaadi weichojo amääajä jäcä, jenaado’jä waanontänä jäcä mmaja.

1 CODINTIYO 11:19

¿Aashicha jönca mädääje ätö’taato, töwä’tu’de’tä? ¿Mädääje ca chäänöngato quedeiyente töweichö töneenejo nai, töjimmä jadäiñe aashicha oojodö’da töweichö que?

1 CODINTIYO 4:13

Cone’da ñaa jäcä ya’deuwödaawäiñe aashicha dea ñaa weneene chääjäcäiñe. Eduuwa naadö jona tödööene i’she’jödö nönge ñaa dötä weneeneto, ema’jödööje mmaja.

1 PEEDHODO 2:19

Aashicha töweiye nai Wanaadi jäcäinchädä jönaawä tämentädö aashicha shinchädö.