DOSECHO 24:24 - Wanaadi A'deddu

²⁴ Yääje mma yaawä äächädä anooto ’jeje Jeedi cöneejä töjiiñamo Duduusiida jadä; judhío cönä’jaacä ñäädä ijiiñamo. Paudo cöna’dejjaicho yaawä ecamma’jodö wetä Jesuuquidiito jadä weiñä jäcä.

DOSECHO 24:24 ပူးပေါင်းရင်းမြစ်များ

MAADOCO 6:20

Juan tönnontä Edoodhe weijäcä. Töwö Edoodhe dhowaanäcä cönä’jaacä aashicha Juan weichö, chäänöngatooje yeichö mmaja. Yääje yeijäcä Edoodhía wwä töneewontä cönä’jaacä. Towaanäcä’da Juan necammajäätödö wäätataame Edoodhe eta’se dea töweiye cönä’jaacä.

DUUCA 19:3

Töwö Saqueeo Jesuuquidiito ene’se cönä’jaacä; eneejai’chaane cönä’jaacä, nonoojoiyaasa töweijäcä, jooje soto weichomjäcä mmaja.

DUUCA 23:8

Jesuuquidiito töwwä eneea’jäcä, Edoodhe jooje cöna’cwainchai, ene’se töwei’jödö weijäcä. Jooje chääcadö töneeta töwei’jödö weijäcä, töwö ene’se cönä’jaacä täneemö tödöödö chäwwä.

DOSECHO 16:31

Yaawä Paudo cönä’döa’to chäwwä: —Cajiichaana Jesuuquidiito ecaanö’cä; töwääwanaaca eijai ma yaawä, äwä’jimmä’tädö mmaja; quee cönä’döa’to.

DOSECHO 20:21

Öwö töneecammajä’e wä’jaaquene judhío wwäiñe, judhíojöncomo wwäiñe mmaja Wanaadi owaadäädä tötö’tajäätödööcomo sha’duminchajai yeichöcoomo, Cajiichaana Jesuuquidiito ecaanö’jai yeichöcoomo mmaja.

DOSECHO 24:25

Yaawä Paudo cöneecammajäätöi chäwwäiñe chäänönge weiñä jäcä, towaadäädä weiñä jäcä mmaja, wätämmencajootojo anootoi’chädö jäcä mmaja. Yaawä Jeedi cönääcatoncai; cönä’döaacä Paudo wwä: —Chääwa’cä na; äjääne eduuwa. Aneedawä anooto awääde mana’dejja’de, täde weichö woije; quee cönä’döaacä.

DOSECHO 26:22

töwäädä Wanaadi ö’wa’täneene’. Yääje yeijäcä eduuwa naadö jona tödööene ejääduqueejö’da wa; Wanaadi a’deddu ecammajäätödööje dea wäänene tameedä soto wwäiñe, mudeeshi wwäiñe, inchoncomo wwä mmaja. Anejja jäcä aneecammajäätö’da wa, ñanno Wanaadi wa’deuwödö ecammannamo necammajäätö’jocoomo nönge deaane, Moisé necammajäätö’jödö nönge mmaja, yää töweeja’dä’emö jäcä.

CAADATA 2:16

Yääje yeichaame cowaanäcäiñe na Wanaadi jadoonoje soto ä’döjai’cha yeichö jenaado’jä waanontänä Moisé nimennä’jödö tödöödö que, Jesuuquidiito ecamjödö que mmaane. Yääje yeijäcä ñaa, judhíocoomo mmaja Jesuuquidiito ñaa cöneecamjöi Wanaadi jadoonoje töwä’dödö wetä yaawä yää ecamjödö que, jenaado’jä waanontänä tödöödö que’daane. Anejja Wanaadi jadoonoje ä’döjai’cha na jenaado’jä waanontänä tödöödö que.

CAADATA 2:20

Quidiito jadä wäämane cuduusa jäcä. Öwööjönööne nudä wa eduuwa, Quidiitoone na do’taca. Mädä eduuwa waadö Wanaadi nnedö ecamjödö que wa, ñäädä jummanei, jääcäinchädä cönäämaichö.

CAADATA 3:2

Edääje yeichö mma eta’se wa: ¿Ane’cäämö jäcäinchädä Wanaadi cuntui äwwäiñe Epíiditu Santo, jenaado’jä waanontänä tödöödö jäcäinchädä ’ja, Wanaadi a’deddu etaajä ecamjödö jäcäinchädääne?

1 JUAN 5:1

Ñäädä Jesuuquidiito Äwaanacaaneije yeichö ecaanö’nei, Wanaadi nnedö ñäädä. Ñäädä Yuumö ijummanei iiñacoomo mmaja nijummaato dea.

JUUDHA 1:3

Jimmä umjummadö, cöwääwanaacadööcomo jäcä äwwadäädäiñe imennä’se wä’jaaquennö’je, yaawääne’ tujunne’cä jeene öwwä cöntö’taacä äwäätuujadööcomooje imennädö. Edääje äwäätuuja’seiñe wa: Töweewänä’tääne adheewänä’tätääcä aashichaato wätunnä jäcäinchädä, yää Wanaadi sotoi wwäiñe tooniye yeichöödäje cönä’tuichö.

APOOCADIISI 14:12

Yääje yeijäcä ecamjödööje dea Wanaadi sotoi eijai ñaato, aashicha tönshinchä mmaja, tameedä ñanno Wanaadi waanontädö tödönnamo, Jesuuquidiito ecaanö’nnamo dea; quee cönä’döaacä ñäädä aaduwaawoto amoode.