DOSECHO 24:18 - Wanaadi A'deddu

¹⁸ Yaawä waatamoichadö’jo yää tödöödöje wä’jaaquene Wanaadi weichojo taca; wanna’da soto jaadä cönä’ja’to; ewoodoicha’da mmaja wä’jaaquennea. Yaawä iiña weichö anejjacoomo judhío Aasiya ñancomo yeejodööneto.

DOSECHO 24:18 ပူးပေါင်းရင်းမြစ်များ

JUAN 18:21

¿Ane’que’nei öwö cäcamma’jaanä? Etannamo’jödööne ecamma’jocooto; tönwanno dhowaanäcäiñe na öwö wa’deuwö’jödö; quee cönä’döaacä Jesuuquidiito.

DOSECHO 2:9

Eetä töweiye naato Paadatiiya ñancomo, Meediya ñancomo mmaja, Edan ñancomo mmaja, Meesopootaamiya ñancomo mmaja, Judheea ñancomo mmaja, Caapadoosiya ñancomo mmaja, Ponto ñancomo mmaja, Aasiya ñancomo mmaja.

DOSECHO 21:24

Chääjadäiñe aamoichacä. Amäädä ejeemacä’de yaawä chääjetö, tuju’jocoomo töcaiyeto yää ’jeje. Yaawä soto dhowaanäcäiñe na’de chäänönge’da yeichö yää äjääcä töwääta weneenedö. Tönwanno dhowaanäcäiñe na’de yaawä jenaado’jo waanontänä woije tönnöe aweichö.

DOSECHO 24:12

Ätäccujäätö’da wä’jaaquene soto jadäiñe. Wanaadi weichojo tacancomo onwodoichajootäiñe’da wä’jaaquento, we’jummatoojo tacancomo mmaja, jataawoncomo mmaja.

DOSECHO 26:21

Yää jo’tädööje judhíocoomo yaajäiñeto Wanaadi weichojo taca; yeema’se cönä’ja’to,

DOSECHO 6:9

Yaawä anejjacoomo judhío we’jummato’como tacancomo Eteewa jadä cönäätäccujä’a’to. Ñanno cönä’ja’to tanontäjä’aamo wätu’ca’como. Sideene ñancomo mmaja cönäätäccujä’a’to dea Eteewa jadä, Aadejantidía ñancomo mmaja, Sidiisiya ñancomo mmaja.