DOSECHO 23:9 - Wanaadi A'deddu

⁹ Jooje cöneewodoicha’to yaawä. Yaawä anejjacoomo jaadiseeo, ñanno judhío owaanomannamo, cönammöicho; cönä’döa’to: —Määdhä dhanwa conemjönö iiñö’jödö ’je’da na. Wanaadi amoodedö’da ca cöna’deuwöichö jääcä chäwwä, anejja Wanaadi nanontädö jeiñe mma. Yääje yeiya’jäcä Wanaadi chu’de’täjai’cha caato; quee cönä’döa’to Paudo jäcä.

DOSECHO 23:9 ပူးပေါင်းရင်းမြစ်များ

MAADOCO 2:16

Yaawä judhío owaanomannamo, jaadiseeo mmaja, cöneenea’to ñanno jadäiñe Jesuuquidiito wääwashinchädö. Tönwanno cönä’döa’to Jesuuquidiito nowaanomaadö wwäiñe: —¿Ane’que’nei mmaja odhoowanoomaneichomo nääwashinchannea acu’shänä jödaatai i’jummannamo jadä mmädä, conemjönö dönnamo jadä mmaja? quee cönä’döa’to.

DUUCA 23:22

Yaawä aaduwaawädeeto ai Pidaato cöna’deuwöi chäwwäiñe: —¿Ane’cäämö jo’tädööje? ¿Äshono yää conemjönö iiñö’jödö? Tämamje’da dajaane na, conemjönö iiñö’jödö töweye yeichöjöönö. Imaaminchadö’jo mmaane wishaaca’de; quee Pidaato cönä’döaacä.

DUUCA 23:4

Yaawä Pidaato cönä’döaacä Wanaadi wwä töwa’deuwaamo edhaajotoncomo wwäiñe, soto wwäiñe mmaja: —Conemjönö määdhä nödö’jödö aneejodö’da weiya; quee cönä’döaacä.

DUUCA 5:30

Yaawä jaadiseeocoomo, judhío owaanomannamo mmaja, ñanno jaadiseeoje mmaja cönä’ja’todö, Jesuuquidiito nowaanomaadö jäcäiñe cönenta’me’ca’to; cönä’döa’to: —¿Ane’que’nei mmaja määwashinchaato dea acu’shänä jödaatai i’jummannamo jadäiñe, conemjönö dönnamo jadäiñe mmaja? quee cönä’döa’to.

JUAN 12:29

Yäätoncomo soto cöneeta’to a’deu; yeetötöömadö nönge cöne’ta’to. Anejjacoomo mmaane cönä’döa’to: —¿Amoode’da na’deuwöi chäwwä? quee.

DOSECHO 11:17

Epíiditu Santo Wanaadi cuntui chäwwäiñe, ñanno judhíojöncomo wwäiñe, cöwwäiñe Cajiichaana Jesuuquidiito ecamjödaawä cuntuichöje mmaja. Edääje tö’tajä’aqueene yaawä: ¿Aaquene mmaja Wanaadi woijatooje yeichaame wanincha’mecöödö deeade’ ? quee tö’tajä’aqueene; quee cönä’döaacä Peedhodo chäwwäiñe.

DOSECHO 22:6

“Yaawä ääma tai öötädaawä, Damaacu ña ä’döjai wä’jaaquene anunnaque yeichö; jadheedä caju ñanno tawaanato cöne’duccai yaawodheecäcä.

DOSECHO 22:7

Nono jo ye’duccane yaawä; a’deu wetaaquene: “Saudo, Saudo, ¿ane’cotoojo cuyuunacaanä?” quee cönäätaacä.

DOSECHO 23:29

Yoowanääcä wödööne yaawä töwäätunnäichomo jäcä mma yääje ya’deuwödööcomo. Ijo’tädööje emaatojo ’je’da cönä’jaacä, jedeesoje tödöötojo ’je’da mmaja.

DOSECHO 23:8

Ñanno saadhuseeo aneecamjö’da naato yäämaajo jonno waadoncanä, amoode töweiye yeichö aneecamjö’da mmaja, soto täcaatoque yeichö aneecamjö’da mmaja. Jaadiseeo mmaane tameedä yää töneecanö’e.

DOSECHO 25:25

Öwö mmaane iiñödö aneedantä’da weiyaqueene yää ijo’tädööje emaatojo. Töwö dea cöne’catäi acu’shänä Awuutu döiña töötotoojo; yääje yeijäcä ñäädä wwadäädä wenno’ja’de.

DOSECHO 26:31

Töudäje cöntonto yaawä yää jäcä töwa’deuwödööcomo wetä. Edääje cönä’döa’to tönwannoje dea: —Määdhä dhanwa conemjönö iiñö’jödö ’je’da na. Emaatojo ’je’da na; jedeesoje’jödöödä eijai’cha na; quee cönä’döa’to.

DOSECHO 27:23

Edä coijaichawä amoode näänejoi öwwä, Waanadiiyö anoonö, ñäädä shootoije waadö.

DOSECHO 5:39

Dha’da ’quene Wanaadi woijato yeiya’jäcä änwanno acoichajoojai’cha maato mädä. Odhoowadäädäiñe eichäcä, Wanaadi jäcä mma conemjönö männöto’no; quee cönä’döaacä Camaadiyeede chäwwäiñe.

DOSECHO 9:4

Yaawä Saudo cöne’duccai nono jo; a’deu cönäätaacä chäwwä: —Saudo, Saudo, ¿ane’cotoojo cuyuunacaanä? quee cönäätaacä.

1 CODINTIYO 10:22

¿Cajiichaana Jesuuquidiito tö’neiñe tödööjodö ca mädä cöwwäiñe? ¿Töwö cho’jodhe’cä ca caato, mädääje tödöödö wetä cöwwäiñe?