DOSECHO 23:21 - Wanaadi A'deddu

²¹ Maneecamjöi’che dha’dedducoomo. Aacä sotooto de’wä shootoichomo naato iiñoshinchännamo. Tönwanno ya’deuwö’jocoomo na ääwashinchä’da töweichöcoomo jäcä töwwäiñe Paudo emaadö wa’cä. Awa’deuwödö mma niyoomo’caato eduuwa; quee cönä’döaacä Paudo jonö.

DOSECHO 23:21 ပူးပေါင်းရင်းမြစ်များ

DUUCA 11:54

Tönwanno cone’da a’deudeme’jo’se cönä’ja’to, yää ’jeje chääjäcä cone’da töwa’deuwödööcomo wetä.

DOSECHO 20:19

Ajaadäiñe weichö Cajiichaana Jesuuquidiito woije töweiye wä’jaaquene, anejja e’jodhe tö’tajä’ancädä’da. Jooje waamodö que Cajiichaana tadaawaajui tönnöe wä’jaaquene, jooje wäntunamjödö que mmaja, yää judhíocoomo maaminchatä yei’jocoomo.

DOSECHO 23:22

Yaawä suddau edhaajotoncomo cönenno’jai ñäädä mude’cäcä. —Anejja wwä maneecammajäätöi’che mädä; quee cönä’döaacä chäwwä.

DOSECHO 25:3

Tönwanno chäwwä cöne’catoicho Jeduusadén ña Paudo ene’jotoojo, ääma tai yeejödö ema’se töweichomjäcä.

DOMAANO 9:3

Quidiito jonno töwä’sancwa wei’she tötö’tajä’e wäänene aneedawä, jimmä nwacancomooje, ñanno öwö wä’jimmä’tädö, yääje eijai yeiya’jäcä.

2 CODINTIYO 11:26

Weiñäje töwäämannä’e wäänene dea; jooje töwäämaichajä’e wäänene, tuna wwä, tämeena’como wwä mmaja, jimmä mmädä wwä mmaja, anejjacoomo wwä mmaja. Jataawä weichawä mmaja töwäämaichajo wäänene, jata ’jemjönö aca weichawä mmaja, dama ’cwai öötädaawä mmaja. Quedeiyenteja’como wätä’tädööcomo wwä mmaja töwäätä’maminchajo wäänene dea.