DOSECHO 23:1 - Wanaadi A'deddu

¹ Paudo cöneene’ma’to ñanno äcamma’jonnamo. Töwö cönä’döaacä chäwwäiñe: —Jimmä, aashicha weichö que töweiye wäänene Wanaadi owaadäädä, eduuwa waadö jona tödööene; quee Paudo cönä’döaacä.

DOSECHO 23:1 ပူးပေါင်းရင်းမြစ်များ

MATEO 5:22

Öwö mmaane yääje wä’döa äwwäiñe: Ñäädä töweichacoono euwö’sato, nätääcamma’jaja’de. Näädä töweichacoono chiimajä’nei nätääcamma’jaja’de äcamma’jonnamo wwä. Ñäädä töweichacoono eunei wa’to nwaca töötädö nijumma.

DOSECHO 22:1

—Änwanno jimmä, inchoncomo mmaja, etaatäcä eduuwa äwwäiñe wa’deuwödö; quee cönä’döaacä Paudo

DOSECHO 22:30

Yää jenamma naadöje suddau edhaajotoncomo aashicha jeene eta’se cönä’jaacä cone’da judhíocoomo weichö Paudo jäcä. Yääje yeijäcä cadheena que Paudo cöni’wadööcai. Tameedä Wanaadi wwä töwa’deuwaamo edhaajotoncomo töwö cöni’jummaicho yaawä, tameedä äcamma’jonnamo mmaja. Yaawä Paudo cömja’cai; dhantawäiñe cönnöi.

DOSECHO 22:5

Wanaadi wwä töwa’deuwaamo edhaajotoncomo, tameedä inchoncomo mmaja dhowaanäcäiñe na yääje wei’jödö. Tönwanno dea jajeeda imennaajä cuntuicho öwwä cöjimmotoncomo judhío Damaacu ñancomo wwadäädä immenno’jocoomo. Damaacu ña öötädö cönä’jaacä yaawä quedeiyentecoomo ujiiye, Jeduusadén ña eneejödööcomo wetä yaawä, imaaminchadööcomo wetä.

DOSECHO 23:15

Yääje yeijäcä änwanno mmaja, anejjacoomo äcamma’jonnamo mmaja, suddau edhaajotoncomo wwadäädä adhaanonööcomo anontätääcä, Paudo eneejödö wetä. “Aashicha jeene ecamma’jo’se ñaa na;” quee caichäcä’de chäwwäiñe. Yaawä ñaa niiñoshincha’de, yä’dödööje dea mma ñaa emaiye; quee cönä’döa’to ñanno dhanwaacomo.

DOSECHO 23:20

Ñäädä mude’cä’cä cönä’döaacä chäwwä: —Jenamma judhíocoomo äcamma’jonnamo wwadäädä Paudo nadääjaato’de äwwä, ecamma’jo’satooje mmädä.

DOSECHO 23:28

Yoowanääcä tödö’se wä’jaaquene; ¿ane’cäämo jo’tädööje cone’da naicho chääjäcä? quee tö’tajä’aqueene. Yääje yeijäcä äcamma’jonnamo döiñaiñe wadääne.

DOSECHO 23:6

Töwö Paudo dhowaanäcä cönä’jaacä dhantai ñanno äcämma’jonnamo saadhuseeoje yeichöcoomo, dhantai jaadiseeoje yeichöcoomo mmaja. Yääje yeijäcä töwö cönä’döaacä chäwwäiñe: —Änwanno jimmä, jaadiseeo öwö, jaadiseeo nnedö mmaja. Eduuwa maamincha’se maato yäämaajo jonno waadoncanä töneecanö’e weijäcä; quee cönä’döaacä.

DOSECHO 24:16

Yääje yeijäcä yoowadäädä töweiye wäänene conemjönö tödöödö queiñe Wanaadi jäcä, soto jäcä jeiñe mma.

DOSECHO 6:15

Yaawä tameedä ñanno cajiichaanacoomo, anejjacoomo yaatajiima’como mmaja, cöneene’ma’to Eteewa jedö; Wanaadi amoodedö jedö nönge ijeedö cönä’jaacä.

1 CODINTIYO 4:4

yoowanääcä’da yeijäcä coone’nadiiyö. Yääje yeichaame conemjönö ’je’da ätä’täjai’cha wa. Cajiichaanaane yemmenca.

2 CODINTIYO 1:12

Ta’cwaiñe ñaa weneene, aashicha tötö’tajä’e ñaa weneene dea ñaa owaanäcä yeijäcä aashicha töwei’jödö, chäänönge töwei’jödö mmaja, edä nono de’woncomo antawäiñe, änwanno adhantawäiñe mmaja. Ñaa sejjedö que’da mädääje ñaa cönä’jaacä; Wanaadiiñe ñaa ’wa’täne.

2 CODINTIYO 4:2

Tameedä chäänönge’da weiñä töjo’ma na ñaa wwä, yääjönö wa’cä wäänejoonä mmaja. Ätäncu’tä’da mmaja ñaa na dea, Wanaadi a’deddu äncamjiyaaca’da mmaja. Chäänöngato mmaane töneecammajä’e ñaa weneene. Mädääje täcaadö tönnöe ñaa weneene Wanaadi owaadäädä; tameedä soto ñaa weichö chö’tammecöiyeto yaawä.

2 TIIMOTEO 1:3

Äjääcä Wanaadi wwä wa’deuwödö waadäi aashicha töwa’deuwe wäänene Wanaadi wwä, ano, coijai mmaja, ñäädä aashicha tö’tajäätödö yeiyancädä dhanoonöje waadö, yaadai’chomo cönä’ja’todööje mmaja.

EEWEDEO 13:18

Wanaadi wwä adha’deutäcä ñaa joi; ñaa owaanäcä na chäänönge tötö’tajäätödö weichö. Chäänönge töwei’she ñaa weneene tameedä töweichö jäcä.

1 PEEDHODO 3:16

Conemjönö ’je’da ätö’tajäätödööcomo nei’ñojo, ñanno mijiichojootäiye, Quidiito jadä chäänönge aweichaameiñe jönaawä adheementännamo.