Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




DOSECHO 22:3 - Wanaadi A'deddu

3 —Judhío öwö; Taadoso ña yennune, yää Sidiisiya ñano jataawä. Eetä Jeduusadén ña yennejencane. Camaadiyeede cönä’jaacä yoowanoomaneije. Töwö yoowanoomane tameedä cadai’choncomo wätunnäi jäcä. Weichöje Wanaadi tumjumma wäänene, yeewanö jadäädä, eduuwa maatoodöje dea.

အခန်းကိုကြည့်ပါ။ ကော်ပီ




DOSECHO 22:3
27 ပူးပေါင်းရင်းမြစ်များ  

Ñäädä acoono cönä’jaacä Madíaje chäätö. Ñäädä Madía cönaatajiimai Jesuuquidiito o’wawä, chäwwä ecammajäätödö etaadö wetä.


Aaduwaawä anoototo ai cöneedantoicho yaawä Wanaadi weichojo taca, owaanomannamo jadäiñe yaatajiimaajä, ñeecammajäätödööcomo etaajätöödöje, ecamma’jojäätödööcomooje mmaja.


Soto cöntonto yaawä ene. Jesuuquidiito döiña töwä’döa’comjäcä ñäädä odo’sha ’jano’jödö cöneedantoicho töwonque, shuucu, Jesuuquidiito o’wawä. I’jeta’da cönä’jaacä yaawä. Tönwanno tösaade cönä’ja’to yaawä.


Yää ’jeje Waanawé cöntämä Taadoso ña, Saudo ujiiye. Yaawä edanta’jäcä Antiyooquía ña cönaadäi.


Tönwanno jajeeda cönaadojoicho chäwwäiñe, edääjato imennaajä: “Ñaa anonta’como, ansiyaano mmaja, eetoncomo quedeiyentecoomo mmaja, ñaa nimenna äwwadäädäiñe, änwanno quedeiyente judhíojöncomo, Antiyooquía ñancomo, Siidiya ñancomo mmaja, Sidiisiya ñancomo mmaja.


Siidiya chäcä cönäämannäjöicho, Sidiisiya chäcä mmaja, quedeiyentecoomo jädu’tancädäiñe.


Yää eta’jäcä aashicha ñanno cöna’deuwa’to yaawä Wanaadi jäcä. Tönwanno cönä’döa’to Paudo wwä: —Eneecä’ma, jooje naatoodö judhío quedeiyentecoomo, Moisé waanontä’jödö tödönnamo.


Yaawä Paudo cönä’döaacä chäwwä: —Judhío dajaane öwö, Taadoso ñano, yää Sidiisiya ñano jata täneejucaato. Yääje yeijäcä ya’deuwö’ñojo canno soto wwäiñe; quee cönä’döaacä Paudo.


Yää jajeeda a’de’tädö’jo acu’shänä wwä töwö Paudo cöneecamma’joi yaawä: —¿Äshano amäädä? quee cönä’döaacä. Yaawä Sidiisiya ñanooje yeichö eta’jäcä acu’shäna cönä’döaacä chäwwä:


Töwö Paudo dhowaanäcä cönä’jaacä dhantai ñanno äcämma’jonnamo saadhuseeoje yeichöcoomo, dhantai jaadiseeoje yeichöcoomo mmaja. Yääje yeijäcä töwö cönä’döaacä chäwwäiñe: —Änwanno jimmä, jaadiseeo öwö, jaadiseeo nnedö mmaja. Eduuwa maamincha’se maato yäämaajo jonno waadoncanä töneecanö’e weijäcä; quee cönä’döaacä.


Tönwanno dhowaanäcäiñe mmaja na dea mude’cäje weichö jonnoto’jödöödä jaadiseeoje wei’jödö. Ñanno jaadiseeo ñanno judhío wätunnäichomo tönoiñe tödönnamo, anejjacoomo e’jodhe’cä. Tönwanno dea ecammajai ñaato yääje wei’jödö.


“Jenaadä öwö mmaja tötö’tajä’e wä’jaaquene Jesuuquidiito Naasade ñano sotoi maminchadööcomo aashicha yeiyaatäi.


Yaawä äcamma’jonnamo antawäiñe cönä’jaacä jaadiseeo, Camaadiyeede täätö. Töwaanojo’ne töwö cönä’jaacä jenaado’jä waanontänä owaanomaadö jäcä. Tameedä soto tönoiñe töneene cönä’ja’to. Ñäädä Camaadiyeede cönammöi yaawä; anonta’como jödo’na cömja’canö’joicho a’dhe.


Yaawä anejjacoomo judhío we’jummato’como tacancomo Eteewa jadä cönäätäccujä’a’to. Ñanno cönä’ja’to tanontäjä’aamo wätu’ca’como. Sideene ñancomo mmaja cönäätäccujä’a’to dea Eteewa jadä, Aadejantidía ñancomo mmaja, Sidiisiya ñancomo mmaja.


Yaawä Saudo quedeiyente maminchadööcomooje dea cönä’jaacä, tämaane’jödöödä. Töwö cöntämä Wanaadi wwä töwa’deuwaamo edhaajotoncomo döiña.


Yaawä Cajiichaana cönä’döaacä chäwwä: —Ääma’täcä; äjääne Juudha mmai chaca, yää Sa’donnato Ääma taawä naichö. Ecamma’jocä Saudo Taadoso ñano jäcä; töwö Wanaadi wwä wa’deunäje na.


Yaawä Saudo ema’se yeichöcoomo eta’jäcä quedeiyentecoomo cönaadoicho Seesadeea ña; yäätonno Taadoso ña cönenno’jaicho.


¿Yääje yeiya’jäcä ca Wanaadi iisadaaediitacoomo cöneetömaicho? Ng’jn, aneetöma’daane. Öwö waadö naane’, iisadaaediita, Aawadán atöödö, Wemjamín weichö.


¿Eewedeeo ca tönwanno? Öwö mmaja Eewedeeoje wa dea. ¿Iisadaaeedä weichö ca tönwanno dea? Öwö mmaja. ¿Aawadán atö’jödö ca tönwanno? Öwö mmaja Aawadán atöödöje wa dea.


Anejjacoomo jimmä öwö wa’co’como dea e’jodheiñe tönnöe wä’jaaquene judhío weichö, yaadai’chomo jano wätunnäichomo jooje töneecanö’e wei’jödö weijäcä.


Yää ’jeje wötääne Siidiya ña, Sidiisiya ña mmaja.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ