DOSECHO 22:25 - Wanaadi A'deddu

²⁵ Yaawä taiju’jätöödö wetä tömööa’jäcä Paudo cönä’döaacä suddau wwä: —¿Mädääje ca domaano tödöödö töweiye nai, ecamma’jodö’jo’da mmädä aiju’jätöödö? quee cönä’döaacä Paudo.

DOSECHO 22:25 ပူးပေါင်းရင်းမြစ်များ

MATEO 10:17

Äädai’chätääcä’de soto jäcäiñe. Tönwanno ayu’ato’de äcamma’jonnamo wwäiñe. Töwe’jummato’como taca adhaiju’jä’ato’de.

MATEO 27:54

Nono wätu’medö eneea’jäcä, tameedä yääje yeeja’dätäädö eneea’jäcä suddau edhaajotoncomo wwä, Jesuuquidiito edai’chännamo wwäiñe mmaja, tönwanno jooje cönääcatoncaicho; cönä’döa’to: —Wanaadi nnedö dämma määdhä nä’jaanä; quee cönä’döa’to.

MATEO 8:8

Yaawä ñäädä suddau edhaajotoncomo cöneccujä’acä: —Cajiichaana, aashichaatojöönö öwö; ye’saca omomjai’cha ma. Töwa’deuwe mmaane adha’deucwä, yaanonö aadoncaiye.

DOSECHO 10:1

Yaawä Seesadeea ña cönä’jaacä dhanwa, Conneediyo täätö. Töwö cönä’jaacä suddau Itaadiya ñancomo edhaajotoncomooje.

DOSECHO 16:37

Yaawä Paudo cönä’döaacä waadiya wwäiñe: —Ng’jn, eja’cajai’cha ñaa na. Tönwanno ñaa ecamma’jodö’jo’da mmädä ñaa aiju’jä’neto tameedä soto neneedöcoomoje, domaanoje ñaa weichaame; jedeeso taca ñaa döneeto yaawä. Eduuwa tacaade’da ñaa ja’canö’jo’se naato. Tönwannoone neejö’ña’to ñaa u’ca; quee Paudo cönä’döaacä.

DOSECHO 22:26

Yää eta’jäcä suddau cöntämä yaawä tädhaajä döiña; cönä’döaacä chäwwä: —Odhoowoinchadä’da eichä, domaano dajaane ñäädä; quee cönä’döaacä, Paudo ecammancädä.

DOSECHO 23:17

Yaawä Paudo suddau cöna’dejjai; cönä’döaacä chäwwä: —Määdhä mude’cä’cä adääcä adheedhajootoncomo döiña; chäwwä töwa’deuwö’se na; quee cönä’döaacä.

DOSECHO 23:27

Määdhä dhanwa judhío cönaajoicho; emaadö cöneiya’todö’je. Yaawä domaanoje yeichö eta’jäcä öwwä suddau jadäiñe weiyaqueene, wewontäne yaawä chäwwäiñe.

DOSECHO 25:16

Edääje wä’döaaquene yaawä chäwwäiñe: “Täcamma’jodö’jo’da mmädä soto aneema’da domaano weichö nai. Täcamma’joone awa’de ecamma’jodö töweiye nai ñäädä chu’de’tänei je’taca, emeetacaamadö wetä yaawä chäwwä, töwa’deuwö’se töweiya’jäcä;” quee wä’döaaquene chäwwäiñe.

DOSECHO 27:1

Itaadiya ña ñaa adoojotoojo cu’nädö aca yä’döa’jäcä Paudo cuntuicho yaawä suddau wwä, anejjacoomo jedeeso mmaja cuntuicho dea. Juudiyu täätö cönä’jaacä ñäädä suddau. Töwö cönä’jaacä acu’shänä Awuutu sotoije, töweewänä’taamo jimmä.

DOSECHO 27:3

Yää jenamma naadöje ñaa cönaajäi yaawä Sidhón ña. Ñäädä Juudiyu aashicha Paudo cönnöi. Töwö chäwwä cöneecammai ijimmä döiñaiñe iichotoojo, i’wa’tädö wetä chäwwäiñe.

DOSECHO 27:43

Chäädhajootoncomo mmaane, ñäädä Paudo edai’chäneije cönä’ja’dö, ñanno jedeesoja’como ämja’jo’daiñe cöneiya’to chäwwäiñe, Paudo emaajo’se’da töweijäcä. Töwö cönä’döaacä: —Töjääna’como ne’duca’ña’to awa’de na’cwaca, nono ejoodöiyeto.