DOSECHO 22:16 - Wanaadi A'deddu

¹⁶ Yääje yeijäcä ¿ane’cäämö miyoomo’canä? Aanöncä, wautisaaje ä’döjoocä; Jesuuquidiito ecaanö’cä ocoone’nadiiyö choccatoojoje;” quee cönä’döaacä öwwä ñäädä Aananía.

DOSECHO 22:16 ပူးပေါင်းရင်းမြစ်များ

JUAN 13:8

Yaawä Peedhodo cönä’döaacä: —U’judu choccajai’cha ma; quee. Jesuuquidiito cönä’döaacä chäwwä: —Oncocca’da weiya’jäcä jaadonooje eijai’cha ma; quee.

DOSECHO 2:21

Ñäädä Cajiichaana ecaanö’nei nääwanaaca’de; quee cöneecammajäätöi Joweede.

DOSECHO 2:38

Yaawä Peedhodo cönä’döaacä chäwwäiñe: —Ätö’tajäätödööcomo sha’duminchatääcä; wautisaaje ä’döjootäcä Jesuuquidiito eetö joi, ocoone’nadiiyöcoomo ätäncwanno’joiye. Yaawä Wanaadi nu’a’de Epíiditu Santo äwwäiñe.

DOSECHO 7:59

Töwääjätöödawä Eteewa cöna’deuwöi; cönä’döaacä: —Cajiichaana Jesuuquidiito, yeecato adääcä; quee.

DOSECHO 9:14

Eduuwa sadä ye’ajä na jajeeda imennaajä dha’me, Wanaadi wwä töwa’deuwaamo nutuudu chäwwä, tameedä adheecanö’nnamo jedeesoje adooto’como; quee cönä’döaacä Aananía.

DOSECHO 9:18

Yaawä dea mma na’cwacaano cädääji’jä nönge cöne’duccai Saudo enuudu jäconno; töneene cönä’döi yaawä. Wautisaaje cönä’döjoi yaawä.

1 CODINTIYO 1:2

nimenna äwwadäädäiñe, änwanno ñaa jimmä, Wanaadi ecaanö’nnamo Codinto ñancomo. Änwanno Wanaadi sotoije mä’dötääne Jesuuquidiito jadä äwä’dödööcomo que. Wanaadi adha’dejjatääne aashicha aweicho’comooje tameedä yeichö wa’co’como Cädhaajotoncomo Jesuuquidiito ecaanö’nnamo jadäiñe. Töwö Jesuuquidiito na ñanno edhaajotoncomooje, cönwanno Cädhaajotoncomooje mmaja.

1 CODINTIYO 12:13

Tameedä cönwanno ñäädä tooniyaano Epíiditu Santo woije wautisaaje cöwä’dö’jocoomo que tooni chääjöje cä’dötääne, judhío, quidiiyeeco mmaja, tädhaajäcaato, töwö dajaato mmaja; tameedä cöwwäiñe cönä’tui ñäädä dea Epíiditu Santo.

1 CODINTIYO 6:11

Mädääje mä’ja’quene änwanno dhantai, töwäädä adheecoccajootäneene’. Eduuwa Wanaadi wwonooje tösooma maato; Epíiditu Santo ai töwö Wanaadi töjaadonooje ayöödötääne Cajiichaana Jesuuquidiito joi.

CAADATA 3:27

Tameedä änwanno Quidiito jadoncomooje äwä’dödööcomo wetä wautisaaje mä’döjootäneedö Quidiito weichö nönge dea aweichöcoomo na.

EUJEESIYO 5:26

Töwö Quidiito cönä’tui quedeiyentecoomo shoomadööcomo wetä, tuna que choccadööcomo que, ta’deddu que choccadööcomo que mmaja.

TIITO 3:5

töwö cäwaanacaatäne. Aashicha cönnö’jocoomo jäcäinchädä’da töwö cäwaanacaatäne, töwwä wentumje cäne’jocoomo weijäcääne. Töwö Wanaadi cäwaanacaatäne cöcoccadööcomo que, yää eduuwaatoje cöwennuduucomo cu’tädööje naadö. Epíiditu Santo ai cäwaanacaatäne, ñäädä eduuwaato cöweichöcoomo u’nei.

EEWEDEO 10:22

Yääje yeijäcä Wanaadi wwadäädä cöötätäiye chäänönge cötö’tajäätödööcomo yeiyancädä, chäänönge ecaanö’ancädä mmaja, conemjönö jonno cötö’tajäätödööcomo chocca’jödö weijäcä chäwwä, cäjööcomo chocca’jödö weijäcä mmaja tuna aashichaato que.

1 PEEDHODO 3:21

Yää tuna cönä’ja’dö wautisaaje wä’dönä cu’tädööje na, yää töwäämaajo jonno Jesuuquidiito waadoncadö que cäwaanacaatoodö. Cö’donööcomo choccadööjönö yeichaame yää wautisaaje wä’dönä, Wanaadi owaadäädä chäänönge tötö’tajäätödö weichö eneejodö mmaane.