DOSECHO 21:5 - Wanaadi A'deddu

⁵ Yaawä aacä amoojato anoototo ai ñaa cöntämä yäätönno. Tameedä ñanno quedeiyentecoomo ñaa a’nontäneeto jata tö’cäi tödööene, ijiiñantoncomo mmaja, iiñacontoncomo mmaja. Tä’mudhe ñaa cönä’döi yaawä sa’dada de’wä; Wanaadi wwä ñaa cöna’deuwöi yaawä.

DOSECHO 21:5 ပူးပေါင်းရင်းမြစ်များ

MATEO 14:21

Ñanno töwääwashinchaamo’jödö cönä’ja’to ijaatoodea miide dhanwaacomo, wodiiñamo töme’cu’tä’da mma, mudeeshi’chä töme’cu’tä’da mmaja.

MAADOCO 1:40

Yääje mma yaawä dhanwa woi ’jano cöneejä Jesuuquidiito wwadäädä. Tä’mudhe cönä’döi; cönä’döaacä: —Yeejichö’tä’se aweiya’jäcä yeejichö’täjai ma; quee cönä’döaacä.

DUUCA 22:41

Choojonnoiñe cöntämä yaawä amoinche’cä, täju emaadö ’cäwa’cä. Yäätä tä’mudhe cönä’döi; Wanaadi wwä cöna’deuwacä;

DOSECHO 15:3

Ñanno Paudo cöntonto Antiyooquía ñancomo quedeiyente nanontädööcomo woije. Yaawa töötädaawäiñe Jeniisiya chäcä cöneeja’dätoicho, Samaadiya chäcä mmaja. Tönwanno cöneecammajä’a’to töwäätunnäichomo e’nomja’jödö judhíojöncomo wwä, Wanaadi ecamjödö wetä töwwäiñe. Tameedä quedeiyentecoomo ta’cwaiñe cönä’ja’to yää eta’jäcä.

DOSECHO 17:10

Yaawä coijai yä’döa’jäcä Wedeea ña quedeiyentecoomo Paudo cönenno’jaicho, Siida mmaja. Iiña Paudo wä’döa’comjäcä judhío we’jummato’como taca cönoomomöicho yaawä.

DOSECHO 20:36

Yääje töwa’deuwödö’jo Paudo tä’mudhe cönä’döi yaawä; Wanaadi wwä cöna’deuwöi chääjäcäiñe.

DOSECHO 20:38

Wentumje cönä’ja’to jooje yääje Paudo wä’dö’jödö weijäcä: “Eduuwa naadö jonno yeene’da maato’de;” quee yä’dö’jödö weijäcä. Chääjadä cöntonto yaawä wä’taca.

DOSECHO 9:40

Yaawä Peedhodo cömja’canö’jojäätöicho jödo’na. Tä’mudhe töwö cönä’döi; Wanaadi wwä cöna’deuwöi. Yaawä yäämaajä ene’mancädä cönä’döaacä: —Aanöncä, Tawiita; quee. Ñäädä wodi cönäänushiichai yaawä; Peedhodo eneea’jäcä cönä’jäi yaawä.