DOSECHO 21:40 - Wanaadi A'deddu

⁴⁰ Töwö suddau edhaajotoncomo cönä’döaacä yaawä: —Adha’deucwä yääje yeiya’jäcä; quee. Yaawä Paudo cönä’jaacä cadeeda de’wä; töwö tamäädö eneejojäätödö que soto cöneeta’jöichajoicho yaawä. Yeeta’jöa’comjäcä Paudo cönä’deuwöi chäwwäiñe eewedeeo a’deucwe. Töwö cönä’döaacä:

DOSECHO 21:40 ပူးပေါင်းရင်းမြစ်များ

DUUCA 23:38

Iju’jä ejoodhe cönä’jaacä quidiiyeeco a’deucwe imennaajä, datiino a’deucwe mmaja, eewedeeo a’deucwe mmaja; “Määdhä ñäädä judhío Cajiichaanaichomo;” quee cönä’jaacä imennaajä.

JUAN 19:13

Yää eta’jäcä Pidaato Jesuuquidiito cömja’cai yaawä jödo’na. Töwö cönaatajiimai yaawä äcamma’jonei a’täi ye’wä; yää weichojo eetö eewedeeocoomo töne’tä cönä’ja’to Cawaataje; Täju ’Dodoi; quee töwä’dö’se yeichö.

JUAN 19:17

Yaawä Jesuuquidiito tucuudusai ya’me cöntämä Ye’caichö’jödö ña; eewedeeocoomo yää töne’tä cönä’ja’to Coodocoota ñanoo; quee.

JUAN 19:20

Jooje judhíocoomo cöna’de’ta’to yää imennaajä, amoinche’da yeijäcä jata jäcä. Yää imennaajä cönä’jaacä eewedeeo a’deucwe, quidiiyeeco a’deucwe mmaja, datiino a’deucwe mmaja.

JUAN 5:2

Yäätä Jeduusadén ña cönä’jaacä tuna wa’donnatoojo choonecaajä. Amoinche’da yää cönä’jaacä oweeja etöijatoojo nata’tadö jäcä. Yää chu’jä eewedeeo a’deucwe töne’tä cönä’ja’to Weteesadaaje. Yää awoodhecääcä cönä’jaacä ijaatoodea amääajä.

DOSECHO 1:19

Jeduusadén ñancomo wwä eta’jäcä yää nono cöne’toicho Aseedamaaje; Munu Wei’jödö, quee töwä’dö’se yeichö dha’deucweiñe.

DOSECHO 12:17

Töwö Peedhodo tamäädö eneejojäätödö que cöneeta’jöichajoicho; yaawä chäwwäiñe cöneecammajäätöi Cajiichaana wwä jedeeso ewöötö’tädö tacanno tu’ca’jödö. Töwö cönä’döaacä chäwwäiñe: —Ecammajä’täcä’de Jacoowo wwä, anejjacoomo quedeiyente wwäiñe mmaja; quee cönä’döaacä. Cöneeja’cai yaawä aneiñaja töötädö wetä.

DOSECHO 13:16

Yaawä Paudo cönammöi; tamäädö que eneejojäätödö que cöneeta’jöichajoicho yaawä; cönä’döaacä chäwwäiñe: —Etaatäcä jimmä, iisadaaediitacoomo, änwanno Wanaadi ñontännamo.

DOSECHO 19:33

Yaawä judhíocoomo Aadejantudu cönaadimaicho soto do’tacannoiñe; anejjacoomo yäätoncomo cöneecamma’to yaawä chäwwä. Töwö Aadejantudu tamäädö eneejojäätödö que cöneeta’jöichajoicho, chäwwäiñe töwa’deuwö’se töweijäcä.

DOSECHO 21:35

Yaawä cadeeda joi töwäncudaawäiñe ñanno suddau töncawäiñe Paudo cönaadäa’to soto wwäiñe ewontädööje, jooje töwäätöma ñanno soto weichomjäcä.

DOSECHO 22:2

Yaawä eewedeeo a’deucwe ya’deuwödö eta’jäcä jooje’cä jeene soto cöneeta’jöjäätöicho. Paudo cönä’döaacä yaawä:

DOSECHO 26:14

Yaawä nono jo ñaa cöne’duccai tameedä. Eewedeeo a’deucwe wa’deunä wetaaquene yaawä; cönä’döaacä: “Saudo, Saudo, ¿ane’cotoojo cuyuunacaanä? Amäädä dea adheecone’ma, ñäädä jaaca tuju’yu’motoojo töjoosa’dato etaaja’jäcä chäwwä töwoije dea töwäätunui’chä töweiye naichöje mmaja;” quee cönä’döaacä.

DOSECHO 6:1

Yaawä quedeiyentecoomo cöneejanga’to jooje. Ñanno quidiiyeeco a’deucwa’como cönenta’me’ca’to yaawä judhío a’deucwa’como jäcä. Tönwanno cönä’döa’to: —Anooto waadäi äwanshi ecaamodaawä chääwa’cä ä’tu’da weneene ñaa jimmä iiño wääma’jödö wwäiñe; quee cönä’döa’to.

APOOCADIISI 16:16

Ñanno odo’shancomo cajiichaanacoomo cöni’jummaicho. Yää ye’jumma’jocoomo dö’tä eewedeeo töne’tä weneeneto Aadamaajedón ñanooje.

APOOCADIISI 9:11

Tönwanno chaajichaanaichomo cönä’jaacä amoode, ñäädä ya’tadö inwadö ’jemjönö ijaatadö. Aawadón, quee töwö chäätö eewedeeo a’deucwe; quidiiyeeco a’deucwe mmaane Apoodiyón, quee. Yuunacaanei, quee töwä’dö’se yeichö.