DOSECHO 21:32 - Wanaadi A'deddu

³² Yaawä ñäädä tösootoi cöni’jummaicho; ñanno tösootoi nanontädööcomo jäcä tö’wa’tännamo cöni’jummaicho dea. Tamjä’ne cöntonto yaawä yeewodoichadööcomo döiña. Yaawä soto wwäiñe suddau eneea’comjäcä, chäädhajootoncomo mmaja, tönwanno cöne’nomjaicho Paudo aiju’jätöödö.

DOSECHO 21:32 ပူးပေါင်းရင်းမြစ်များ

JUAN 18:12

Yaawä ñanno suddau, chäädhajootoncomo mmaja, judhío anoonö mmaja, Jesuuquidiito cönaajoicho; cömmöicho yaawä.

DOSECHO 18:17

Yaawä tameedä quidiiyeecocoomo Sóotene cönaajoicho, ñäädä we’jummatoojo edhaajä. Acu’shänä neneedöje tönwanno cönaiju’jätöicho. Yää jadä’jödöödä Caadiyón cone’da ännö’da cöneiyacä.

DOSECHO 22:19

Edääje wä’döaaquene yaawä: “Cajiichaana, tönwanno dhowaanäcäiñe öwö wei’jödö, we’jummatoojo waadäi töwoomonge wei’jödö jedeesoje tödöödöcomo wetä tameedä adheecanö’nnamo, aiju’jätöödöcoomo wetä mmaja.

DOSECHO 23:27

Määdhä dhanwa judhío cönaajoicho; emaadö cöneiya’todö’je. Yaawä domaanoje yeichö eta’jäcä öwwä suddau jadäiñe weiyaqueene, wewontäne yaawä chäwwäiñe.

DOSECHO 24:6

Wanaadi weichojo mmaja choone’ma’se cönä’ja’dea. Yääje yeijäcä ñaa cönaajäi; ecamma’jo’se ñaa cönä’jaacä, ñaa wätunnäi wä’dödö nönge.

DOSECHO 5:40

Ñanno cöneeta’to dha’deddu. Anonta’como cöna’dejjaicho yaawä; taiju’jä’e mma cönaiju’jätöicho; cönä’döa’to chäwwäiñe: —Jesuuquidiito jäcä mma maneecammajä’täi’che eduuwa; quee cönä’döa’to. Cönenno’jaicho yaawä.