DOSECHO 21:22 - Wanaadi A'deddu

²² ¿Aaquene yaawä, quee ’ja? Äwä’dö’jödö eta’jäcä tameedä jataawoncomo noojodööaato’de.

DOSECHO 21:22 ပူးပေါင်းရင်းမြစ်များ

DOSECHO 15:12

Yaawä tameedä ñanno cöneeta’jöjäätöicho; cöneeta’to yaawä Waanawé wwä ecammajäätödö Wanaadi nödö’jödö aashichaato töjääcäiñe; Paudo wwä ecammajäätödö cöneeta’to dea. Ñanno Paudo, Waanawé cöneecammajäätöicho Wanaadi wwä ene’ju’tojo tödööjo’jödö töwwäiñe judhíojöncomo neneedöcoomoje.

DOSECHO 15:22

Yaawä ñanno anonta’como, ansiyaano mmaja, tameedä quedeiyentecoomo mmaja, cöna’deuwöicho anejjacoomo töjimmotoncomo enno’jadööcomo wetä Antiyooquía ña, Paudo, Waanawé jadäiñe. Juudha cöne’toicho yaawä töötäämöje, ñäädä Waasawaaje mmaja chäätö cönä’ja’dö. Siida mmaja cöne’toicho dea. Ñanno cönä’ja’to täneejuca’como quedeiyentecoomo wwäiñe.

DOSECHO 19:32

Yaawä ñanno ye’jumma’como dhantai cöncä’tömjä’a’to anejjeja, anejjacoomo ’quene anejjeja daja; i’jeta’jödö nönge cönä’ja’to. Tönwanno jadä’jödöödä dhowaanäcäiñe’da cönä’jaacä töwe’jumma’jocoomo.

DOSECHO 21:21

Tönwanno adheecadö töneeta weneeneto judhío aneiñajancomo Moisé waanontä’jödö e’nomjajoodöje tönoowanoomaiñe aweichö, siicunsidaadoje iiñacoomo ännöjo’da aweichö mmaja; judhío wätunnäichomo ännöjo’da aweichö mmaja töneeta weneeneto dea.

DOSECHO 21:23

Yääje yeijäcä ñaa necammadö woije tödööcä. Eetä naato aacäichea dhanwaacomo; Wanaadi wwä töwääcamma’jocoomo nödööaato.

1 CODINTIYO 14:15

¿Aaquene eijai wanä yääje yeiya’jäcä? Edääje eijai wa: Wanaadi wwä a’deujai wa do’tadö que, yaawääne’ tö’tajäätödö que mmajaane’. Ecanta’ñäjai wa dea do’tadö que, tö’tajäätödö que mmaja.