DOSECHO 21:20 - Wanaadi A'deddu

²⁰ Yää eta’jäcä aashicha ñanno cöna’deuwa’to yaawä Wanaadi jäcä. Tönwanno cönä’döa’to Paudo wwä: —Eneecä’ma, jooje naatoodö judhío quedeiyentecoomo, Moisé waanontä’jödö tödönnamo.

DOSECHO 21:20 ပူးပေါင်းရင်းမြစ်များ

MATEO 9:8

Yää eneea’jäcä soto cönääcatoncaicho. Aashicha cöna’deuwa’to yaawä Wanaadi jäcä, yää nöngato adoncatoojo utu’jödö weijäcä soto wwä.

DUUCA 12:1

Yaawä jooje soto cöne’jummaicho yäätä, ime’cu’tädö e’jodhe, töwaatadiimajä’eene. Jesuuquidiito cönaajäntäi yaawä ñanno soto netaadöcoomoje töwa’deuwödö tönoowanoomadö wwäiñe. Töwö cönä’döaacä: —Äädai’chätääcä jaadiseeo nummannä’cato’como jäcä, yää yääjönö wa’cä töwäänejo weiñä.

DUUCA 15:32

Eduuwa chäänönge ta’cwaiñe cääwashinchaato, määdhä adhaacono yäämaajä wa’cä cönä’ja’dö cöjoodö’jocoomo weijäcä. Töwö tösaadijange cönä’jaacä, eduuwa näädantojoi;” quee cönä’döaacä yuumö tönnedö wwä; quee cönä’döaacä Jesuuquidiito.

JUAN 12:24

Chäänönge yääje wä’döa äwwäiñe, äiña adöödö ñaatö’taajä e’mo’da yeiya’jäcä a’tajai’cha na yaawä. Dha’da ye’moa’jäcä yaawääne a’tajai ña; jooje chääjedöödö töweiye na yaawä.

DOSECHO 11:18

Yaawä yää eta’jäcä Jeduusadén ñancomo quedeiyentecoomo cöneeta’jöjäätöicho; aashicha cöna’deuwa’to yaawä Wanaadi jäcä. Tönwanno cönä’döa’to: —Judhíojöncomo wwä mmaja Wanaadi cuntui chea chö’tajäätödööcomo sha’duminchatoojo, yääwanaacadööcomo wetä; quee cönä’döa’to.

DOSECHO 15:1

Yaawä Judheea ñanno anejjacoomo soto cöntonto Antiyooquía ña; yäätoncomo quedeiyentecoomo cönoowanooma’to. Tönwanno töwä’döe cönä’ja’to: —Äwääwanaacato’comooje siicunsidaadoje ä’dojai maato, Moisé waanontä’jödö nönge dea; quee töwä’döe cönä’ja’to.

DOSECHO 15:24

Ñaa cöneetaacä eetonno anejjacoomo wöto’jocoomo adöiñaiñe. Ñanno töneecammajäätödööcomo que adhaaquimmatäiñe weneeneto, adhaashichuudätäiñe mmaja. Tönwanno siicunsidaadoje ayöödöjo’seiñe naato, jenaado’jä waanontänä tödööjo’se naato dea äwwäiñe. Ñaa nanontädööjönö ñanno cönä’ja’to.

DOSECHO 15:5

Anejjacoomo jaadiseeo quedeiyentecoomo cönammöicho yaawä; cönä’döa’to: —Ñanno judhíojöncomo quedeiyente siicunsidaadoje tödööjojai caato, Moisé waanontä’jödö chäwwäiñe tödööjojai caato dea; quee cönä’döa’to.

DOSECHO 2:41

Yaawä ñanno dha’deddu ecaanö’nnamo wautisaaje cönä’döjoicho. Yää anooto awä aaduwaawä miide quedeiyenteje cönä’döicho.

DOSECHO 22:3

—Judhío öwö; Taadoso ña yennune, yää Sidiisiya ñano jataawä. Eetä Jeduusadén ña yennejencane. Camaadiyeede cönä’jaacä yoowanoomaneije. Töwö yoowanoomane tameedä cadai’choncomo wätunnäi jäcä. Weichöje Wanaadi tumjumma wäänene, yeewanö jadäädä, eduuwa maatoodöje dea.

DOSECHO 4:21

Yaawä ñanno soto cajiichaanaichomo töwwäiñe Peedhodo euwö’jejeiñe cönenno’jaicho. Tönwanno imaaminchajaiñe’da cönä’ja’to tameedä soto aashicha töwa’deuwe yeichomjäcä Wanaadi jäcä, yää cöneeja’dätäichö jäcäinchädä.

DOSECHO 4:4

Yääje yeichaame ñanno Peedhodo necammajäätö’jocoomo ecaanö’nnamo jooje cönä’ja’to. Dhanwaacomo quedeiyentecoomo cönä’ja’to ijaatoodea miideto dö’se.

DOSECHO 6:7

Yaawä Cajiichaana Jesuuquidiito a’deddu jooje cöneejangacä. Wanna soto quedeiyenteje cönä’döjoicho Jeduusadén ña; Wanaadi wwä töwa’deuwaamo jadä’jödöödä cöneecamjöicho.

DOMAANO 10:2

Öwö yoowanääcä na jooje Wanaadi tumjumma yeichöcoomo, towaanäcäiñe yeiyancädä’daane.

CAADATA 1:14

Anejjacoomo jimmä öwö wa’co’como dea e’jodheiñe tönnöe wä’jaaquene judhío weichö, yaadai’chomo jano wätunnäichomo jooje töneecanö’e wei’jödö weijäcä.

CAADATA 1:24

Yääje yeijäcä o’jodhe Wanaadi töne’tä cönä’ja’to öwö jääcäinchädä.

2 TEESADOONISENSE 1:10

töwö ye’a’jäcä sadä tösootoi wetäiñe. Yaawä shootoi niya’deme’caato’de, ñanno ecaanö’nnamo’jödö; aashicha na’deuwaato’de chääjäcä. Änwanno mmaja miya’deme’cato’dede, ñaa necammajäätö’jödö ecamjö’jödö weijäcä äwwäiñe.