DOSECHO 21:13 - Wanaadi A'deddu

¹³ Yaawä töwö Paudo cönä’döaacä: —¿Ane’que’nei maamoaato? ¿Ane’que’nei wentumje cödööjaato? Täncanoode’da wa öwö. Yääje’ mööaatoone’ Jeduusadén ña. Jesuuquidiito junnei äämajai wa dea; quee cönä’döaacä.

DOSECHO 21:13 ပူးပေါင်းရင်းမြစ်များ

DOSECHO 20:24

Cone’da yöödö’da na mädääje yeichö; oowontä’da mmaja wa dea. Ta’cwaiñe wä’ca’se mmaane wa öwwä tödööemö jäcä, yää Cajiichaana Jesuuquidiito taadawaajuije cuntuichö, aashichaato wätunnä ecammajäätödö aashicha Wanaadi weichö jäcä.

DOSECHO 20:37

Tameedä ñanno cönaamoa’to jooje. Tönwanno Paudo ajoojancädä cunsuumaicho yaawä.

DOSECHO 5:41

Ñanno anonta’como cöntonto yaawä täcamma’jonnamo jonnoiñe. Tönwanno ta’cwaiñe cönä’ja’to Jesuuquidiito ecamjödö jo’tädööje töwäntunamjödööcomo weijäcä, Wanaadi woije dea.

DOSECHO 9:16

Chäwwä weneeja’de jääcäinchädä yäntunaanö’tojo; quee cönä’döaacä Cajiichaana Jesuuquidiito Aananía wwä.

1 CODINTIYO 15:31

Anooto waadäi wäämatoojojaato’jödö töneene wäänene. Chäänöngato mädä jimmä; öwö yääje wä’döa äjääcäiñe tä’cwaiñe weijäcä Cädhaajotoncomo Jesuuquidiito jäcäinchädä.

JIDIIPENSE 2:17

Öwö ta’cwaiñe dea eijai wa saaquidiijiisiyo nönge töwä’tueemöje weichaame, yää saaquidiijiisiyo ännödööcomo de’wä mmaja, ecamjödö que tönnöe määnetäänedö. Adhaacoodaaneiñe ta’cwaiñe eijai wa.

JIDIIPENSE 2:26

Töwö jooje adheene’seiñe na. Cone’da cönä’döjoi cädäije töwei’jödö eta’jödö weijäcä äwwäiñe.

CODOOSENSE 1:24

Mädä äjääcäinchädäiñe wäntunamjödö cone’da yöödö’da na. Eduuwa öwö daja woneeja dea Quidiito wäntunamjö’jödö, chääjö jäcäinchädä, ñanno quedeiyentecoomo.

2 TIIMOTEO 1:4

Awaamo’jödö jäcä tö’tajäätödaawä adheene’se tötö’tajä’e wäänene, ta’cwaiñe weichö wetä yaawä.

2 TIIMOTEO 4:6

Öwö mmaane äämajai wä’döi eduuwa, saaquidiijiisiyo töweiye naichöje; öötotoojo cu’nädö aca yä’döaajä mädä eduuwa.

2 PEEDHODO 1:14

yoowanääcä yeijäcä amoinche’da wäämatoojo yeichö, Cädhaajotoncomo Jesuuquidiito öwwä cöneecamma’döje dea.

APOOCADIISI 12:11

Ñanno cöjimmotoncomo tämentäneichomo’jödö cöne’jodheinchaicho Oweeja nnedö’cä wääma’jödö que, dha’deddu ecammajäätödö que mmaja. Tönwanno töwäämadööcomo onnontä’da cönä’ja’to tämaadöcoomo jonaane.

APOOCADIISI 3:10

Ya’deddu woije aashicha tönshinchä awei’jödö weijäcä, öwö adhentunaanö’jo’da wa’de yeetunu eneedö cu’nädaawä, yää yeetunu tameedä nono de’woncomo neneeaato’dedö.