DOSECHO 20:7 - Wanaadi A'deddu

⁷ Yaawä semaana waajäntädö anootoi’chädö awä quedeiyentecoomo cöne’jummaicho Santa Seena tödöödö wetä. Paudo cöneecammajä’acä chäwwäiñe. Yää jenamma naadöje töwö iichotoojo cönä’jaacä; yääje yeijäcä yo’taca tödööene cöneecammajä’acä.

DOSECHO 20:7 ပူးပေါင်းရင်းမြစ်များ

MAADOCO 16:9

Töwäämaajo jonno Jesuuquidiito waadonca’jäcä, semaana waajäntädö anooto wawaanadaawä, töwö cönäänejoi awa’deene Madía Maacadeena wwä. Ñäädä cönä’jaacä aacä amoojato odo’sha dhacanno Jesuuquidiito nija’canö’jo’jödö.

DUUCA 22:19

Uu daja cönannäjöi chea yaawä. Chääjäcä töwa’deuwö’jeje, cöni’yajäätöi. Chäwwäiñe cuntui yaawä; cönä’döaacä: —Edä yää yeejö, äjääcäinchädäiñe tu’emö. Edääje tödöötäcä’de jääcä ätö’tato’comooje; quee.

DUUCA 24:35

Yaawä ñanno aaco’como cöneecammajäätöicho yää ääma taawä töjääcäiñe yeeja’dätä’jödö, uu i’yajäätödaawä Jesuuquidiitoje yeichö töwwäiñe edantä’jödö mmaja.

JUAN 20:1

Semaana waajäntädö anootoi’chädö wawaanadaawä Madía Maacadeena cöntämä äwa döiña, tööje yeichö dea. Yaawä täseeca täju cöneedantäi äwa nata’tajonno.

JUAN 20:19

Yää anooto co’momöödawä dea tujuumä ñoowanoomadö cönä’ja’to; semaana waajäntädö anootoi’chädö cönä’jaacä. Tönwanno iiñata’tadööcomo ta’duque cönä’jaacä judhío nontädööcomooje. Yaawä Jesuuquidiito cöneejä, dhantawäiñe cönä’jaacä; töwö cöna’dejjaicho; cönä’döaacä chäwwäiñe: —Täncanoode’da aweicho’como äwwäiñe yei’she wa; quee.

JUAN 20:26

Aaduwaawä amoojato anoototo ai ñanno Jesuuquidiito nowaanomaadö we’jumma’como cönä’ja’to ä’saca; Tomá chääjadäiñe cönä’ja’dea. Yaawä Jesuuquidiito cöneejä, mönaatata ta’duque yeichaame; dhantawäiñe cönä’jaacä. Töwö cönä’döaacä: —Täncanoode’da aweicho’como äwwäiñe yei’she wa; quee.

DOSECHO 16:10

Yääje Paudo wäänetö’jeje Maasedooniya ña ñaa cönääma’täi yaawä. Ñaa owaanäcä cönä’jaacä iiña ñaa anontädö Wanaadi wwä, ñeetadööcomooje aashichaato wätunnä ecammajäätödö wetä.

DOSECHO 2:42

Ñanno chäänönge tönnöe cönä’ja’to anonta’como wwä towaanomaadöcoomo; aashicha töweiye cönä’ja’to tönwannoje dea. Töwe’jumma töweiye cönä’ja’to Wanaadi wwä töwa’deuwödööcomo wetä, Santa Seena tödöödö weta mmaja.

DOSECHO 2:46

Anooto waadäi töwe’jumma töweiye cönä’ja’to Wanaadi weichojo taca. Tömmaichomo waadäi Santa Seena tönnöe cönä’ja’to; tujuumä töwääwashinchä cönä’ja’to dea, ta’cwaiñe töweiyancädäiñe, o’jodhe tötö’tajä’ancädäiñe’da mmaja.

DOSECHO 20:11

Yää ’jeje Paudo cönäncui chea cawä, maa taca. Santa Seena cönnöicho yaawä. Yää ’jeje töwääwashinchädö’jo jooje’cä Paudo cöneecammajäätöi chäwwäiñe, yaawaanadö jonaane. Yää ’jeje cöntäma yäätonno.

DOSECHO 20:31

Yääje yeijäcä äädai’chätääcä. Odhoowanääcäiñe aaduwaawä wedu ajaadäiñe weichö wadaadäädä waamodö que äwäätuujatäiñe wei’jödö ano, coijai mmaja.

DOSECHO 20:5

Ñanno cöntonto awa’de; ñaa womo’caquento yaawä Todoowa ña.

DOSECHO 20:9

Dhantawäiñe cönä’jaacä ääjömaanö, Eutiico täätö; shuucu cönä’jaacä mentaana a’täi ye’wä. Yaawä numa Paudo wwä ecammajäätödö weijäcä töwö Eutiico wetuuje cönä’döi. Yaawä tönnö’ca’jäcä mentaana a’täi ye’wonno cöne’duccai cawonno, aaduwaawoto ä’sa jonno. Yaatacoichaajä cönannäjöicho yaawä.

DOSECHO 28:23

Yaawä töwe’jummato’como anooto cuncu’nä’toicho. Yää anooto awä jooje soto cöne’jummaicho Paudo wä’döaajä cönä’ja’dö döiña. Yaawä chäwwäiñe Paudo cöneecammajäätöi Wanaadi töcaajichaanaije tödöödö jäcä; jenaadäne yaajäntä’jödö töco’mannä’eene cöneecammajäätöi. Wanaadi nnedööje Jesuuquidiito yeichö töwö cöneecammajäätöi chäwwäiñe, Äwaanacaaneije yeichö mmaja. Moisé nimennä’jödö ai chea töwö cöneecammajä’acä yääje yeichö, Wanaadi wa’deuwödö ecammannamo nimenno’jocoomo ai mmaja.

1 CODINTIYO 10:16

Yää tängemö, Santa Seena tödöödawä chääjäcä Wanaadi wwä töwa’deuwe cäänetäänedö, cuduusa jäcä Jesuuquidiito aquiiyö töjaajo’jödö cu’tädö yää; yää jäcäinchädä ñannoje dea caato. Yää uu töni’yajä’e cäänetäänedö cuduusa jäcä Quidiito ejö etuunui’chä’jödö cu’tädö yää; yää jäcäinchädä ñannoje dea caato.

1 CODINTIYO 15:10

Yääje yeichaame anontaajäje wa aashicha Wanaadi weichö woije. Yää aashichaato inchudu öwwä töwäädämma’da cöneiyacä; anejjacoomo anonta’como e’jodheiñe yeetadaawa’cajoone; öwööjönö weichaame, Wanaadiiñe jaadä weneene, aashicha töweichö woije.

1 CODINTIYO 16:2

Semaana waajäntädö waadäi awaadäiñe töudäje shoomajai maato, töwwä töweiye yeichö woije. Änwanno yää i’jummajai maato, öwö ani’jummajo’da weichö wetä yaawä adöiñaiñe ööta’jäcä.

2 TIIMOTEO 4:2

Wanaadi a’deddu töneecammajä’e eichä; chääjäcä töweesomaajä’e deaane eichä’de, chu’nädö awä mecammajä’töiye, chu’nädö awä’da mmaja. Yää que soto e’jodheinchacooto, cone’da tödööjocootode, yäätuujacooto’dede, owaanomaadöcoomo jäcä aquinchancädä’da.

APOOCADIISI 1:10

Yaawä dominco awä, Epíiditu Santo woije wäädantäne; öncadheedä a’deu cönäätai yaawä töcä’de, janau’cwa etöödö wa’cä.