DOSECHO 20:4 - Wanaadi A'deddu

⁴ Chääjadä cöntonto Soopateedo, ñäädä Wedeea ñano; Aaditaaducu mmaja cönä’ja’dea; Secuntu mmaja, Teesadoonica ñancomo; Caayo mmaja, Deedewe ñano; Tiimoteo mmaja; Tíiquico mmaja; Todóojimo mmaja, ñanno Aasiya ñancomo.

DOSECHO 20:4 ပူးပေါင်းရင်းမြစ်များ

DOSECHO 14:20

Yaawä quedeiyentecoomo tawoodhecääcä ye’jumma’comjäcä Paudo cönammöi; jataaca cöntäma yaawä. Yää jenamma naadöje Deedewe ña cöntäma Waanawé acä.

DOSECHO 14:6

Yaawä täma’seiñe yeichöcoomo eta’jäcä Paudo cönäänejeicho Waanawé acä; Diitada ña cöntonto, Deedewe ña mmaja, yää Dicaaoniiya ñano jata. Tameedä yää weichö wa’cä cönäämannäjöicho

DOSECHO 16:1

Yaawä Paudo, Siida mmaja cönä’döicho Deedewe ña, Diitada ña mmaja; yäätä quedeiyente cöneejodöicho, Tiimoteo täätö. Ñäädä dhenö cönä’jaacä judhío, quedeiyente cönä’jaacä; yuumö ’quene cönä’jaacä quidiiyeeco.

DOSECHO 16:6

Yaawä Aasiya ña Epíiditu Santo Wanaadi a’deddu aneecammajoojätö’da cöneiyacä Paudo wwäiñe. Jidiijiya ñano cömja’dätoicho yaawä, Cadaasiya ñano mmaja;

DOSECHO 17:1

Yääje mma yaawä töötädaawäiñe Amjiipodi ñano cömja’dätoicho, Aapodooniya ñano mmaja; cönä’döicho yaawä Teesadoonica ña. Yäätä cönä’jaacä judhío we’jummato’como.

DOSECHO 17:13

Yaawä judhío Teesadoonica ñancomo cöneeta’to Wedeea ña Paudo wwä Wanaadi a’deddu ecammajäätödö. Tönwanno cöntonto yaawä iiña; soto cöni’jedoicho yaawä Paudo jäcäiñe.

DOSECHO 19:29

Yaawä tameedä jataawoncomo cöneewodoicha’to jooje. Tönwanno cönaajoicho Caayo, Adiitaaducu mmaja, ñanno Maasedooniya ñancomo, Paudo jadoncomo. Cöni’jiichöicho yaawä töwe’jummato’como taca.

DOSECHO 2:9

Eetä töweiye naato Paadatiiya ñancomo, Meediya ñancomo mmaja, Edan ñancomo mmaja, Meesopootaamiya ñancomo mmaja, Judheea ñancomo mmaja, Caapadoosiya ñancomo mmaja, Ponto ñancomo mmaja, Aasiya ñancomo mmaja.

DOSECHO 20:16

Mädääje ñaa cöntämä, Eujeeso ñano Paudo ija’dätä’se yeijäcä, numa Aasiya ña töweichö queiñe. Töwö Jeduusadén ña töwä’dö’se cönä’jaacä, iiña Pentecoté anootoi’chädö ija’do’jodö wetä.

DOSECHO 20:18

Ñanno wä’döa’comjäcä Paudo cönä’döaacä chäwwäiñe: —Änwanno odhoowanääcäiñe aashicha öwö weichö Aasiya ña wääwaaca’jödö jonnoto’jödöödä.

DOSECHO 21:29

Tönwanno yääje cönä’döa’to Paudo jadä Todóojimo ene’jödö weijäcä jataawä. Judhíojöönö cönä’jaaca Todóojimo, Eujeeso ñano. Tönwanno cöneecanö’a’to Wanaadi weichojo taca ñäädä amonno’jaatäi Paudo wwä.

DOSECHO 27:2

Ñaa cönä’täi yaawä Aadamiitiyo ñano jidaawa aca, Aasiya ñano wötäädö. Aaditaaducu mmaja ñaa jadä cönä’ja’dea, ñäädä Teesadoonica ñano, Maasedooniya ñano jataawono.

DOMAANO 16:21

Tiimoteo, ñäädä weetadaawa’cajoodö weichacoono, ta’deujödö nadääja äwwadäädäiñe, Duusiyo mmaja, Jasón mmaja, Sosíipateede mmaja, ñanno öwö jaatacoinchomo.

DOMAANO 16:23

Caayo mmaja ta’deujödö nadääja dea, ñäädä immai chaca öwö Paudo wä’döaajä waadö; tameedä quedeiyentecoomo wä’döto’comooje mmaja na dea edä Caayo mmai. Edaasato mmaja ta’deujödö nadääja dea äwwadäädäiñe, ñäädä jata jödaatai edhaajä; cöjimmotoncomo Cwaadoto mmaja.

2 CODINTIYO 1:1

Öwö Paudo, Wanaadi woije Jesuuquidiito nanontädö, cöjimmotoncomo Tiimoteeo acä ñaa nimenna äwwadäädäiñe, änwanno ñaa jimmä, Wanaadi ecaanö’nnamo Codinto ñancomo; tameedä Wanaadi sotoi Acaaya ña naatoodö wwadäädä mmaja ñaa nimenna dea.

2 CODINTIYO 1:19

Ñäädä Jesuuquidiito, Wanaadi nnedö, ñaa cöneecammajäätöi äwwäiñe, Siidawaano mmaja, Tiimoteo mmaja, öwö mmaja. Ñäädä Jesuuquidiito a’deddu töweiye cönä’jaacä “ee” queeto de’wä “ng’jn” quee töwä’döancädä’da. Töwö Quidiito töwa’deuwö’jödö nönge ännö’da’da weneene;

EUJEESIYO 6:21

Määdhä Tíiquico wanonta äwwadäädäiñe. Ñaa weichacoono tujuunato töwö, ñaa ’wa’tänei chäänöngato mmaja Cajiichaana tadaawaajui tödöödö jäcä. Töwö tameedä öwö weichö necammajä’a’de äwwäiñe, tameedä taadawaajui mmaja. Mädääjatooje dea määdhä Tíiquico adöiñaiñe wanonta, tameedä ñaa weichö odhoowanääcäiñe yeichö wetä, äjäädu’täneichomooje mmaja.

JIDIIPENSE 2:19

Cajiichaana Jesuuquidiito woije yeiya’jäcä, adöiñaiñe Tiimoteo anontä’se wa eduuwa mma, ta’cwaiñe weiye yaawä adheecadööcomo eta’jäcä öwwä.

CODOOSENSE 4:10

Aaditaaducu, ñäädä yaacä jedeesoje naadö, ta’deujödö nadääja äwwadäädäiñe; Maadoco mmaja, ñäädä Waanawé weichacoono, ta’deujödö nadääja dea. Jenaadä manaanontätääne ñäädä Maadoco tödöötojo jäcä; adöiñaiñe iicha’jäcä aashicha tödöötäcä’de.

CODOOSENSE 4:7

Ñäädä Tíiquico tameedä öwö weichö necammajä’a’de äwwäiñe. Yaanonö chäänöngato töwö, Cajiichaana tadaawaajui jäcä ö’wa’tänei mmaja.

1 TIIMOTEO 1:1

Öwö Paudo, Jesuuquidiito nanontädö, Cäwaanacaaneichomo Wanaadi nanontä’jödö woije, Cajiichaana Jesuuquidiito woije mmaja, ñäädä cönwomoocödööcomooje naadö.

2 TIIMOTEO 1:2

Äwwadäädä wimenna amäädä Tiimoteo, önnedö umjummadö. Wentumje Wanaadi wwä adheene’se wa; aashichaato, täncanoode’da aweichojo mmaja, äwwä yei’she wa dea Cumöötoncomo Wanaadi nutuudu, Cädhaajotoncomo Jesuuquidiito nutuudu mmaja.

2 TIIMOTEO 4:12

Tíiquico wanontäne Eujeeso ña.

2 TIIMOTEO 4:20

Edaasoto cöno’nomjoi Codinto ña; Todóojimo mmaane wiñänne Mideeto ña, cädäije.

TIITO 3:12

Adöiña Aadeteema anonta’jäcä öwwä, Tíiquico jeiñe mma, yaawä dea mmaane ääma’täcä’de Nicóopodi ña. Iiña tu’que yeichö wija’dä’ja’de.

JIIDEMÓN 1:24

Maadoco mmaja, Aaditaaducu mmaja, Deema mmaja, Duuca mmaja, ta’deujocoomo nadääjaato dea; tönwanno naato weetadaawa’cajoodö jimmäje.

3 JUAN 1:1

Öwö, ansiyaano, edä wimenna äwwadäädä, amäädä weichacoono umjummadö Caayo, chäänöngato que wijummaadö.