DOSECHO 20:36 - Wanaadi A'deddu

³⁶ Yääje töwa’deuwödö’jo Paudo tä’mudhe cönä’döi yaawä; Wanaadi wwä cöna’deuwöi chääjäcäiñe.

DOSECHO 20:36 ပူးပေါင်းရင်းမြစ်များ

DUUCA 22:41

Choojonnoiñe cöntämä yaawä amoinche’cä, täju emaadö ’cäwa’cä. Yäätä tä’mudhe cönä’döi; Wanaadi wwä cöna’deuwacä;

DOSECHO 20:35

Weiñäje odhoowanoomatäiñe töweiye wä’jaaquene wentumja’como i’wa’tädö jäcä ataadawaajuichomo eje’jödö que. Weiñäje ätö’tamme’jotäiñe töweiye wä’jaaquennea Cajiichaana Jesuuquidiito wa’deuwö’jödö jäcä: “Ta’cwaiñe’cä jeene ñäädä u’nei, eiñei e’jodhe’cä jeene;” quee cönä’döa’dö jäcä; quee cönä’döaacä Paudo ñanno Eujeeso ñancomo ansiyaano wwäiñe.

DOSECHO 21:5

Yaawä aacä amoojato anoototo ai ñaa cöntämä yäätönno. Tameedä ñanno quedeiyentecoomo ñaa a’nontäneeto jata tö’cäi tödööene, ijiiñantoncomo mmaja, iiñacontoncomo mmaja. Tä’mudhe ñaa cönä’döi yaawä sa’dada de’wä; Wanaadi wwä ñaa cöna’deuwöi yaawä.

DOSECHO 7:60

Yaawä tä’mudhe töwä’dödö’jo töcä’de cöna’deuwöi; cönä’döaacä: —Cajiichaana, encwanno’jocä mädä conemjönö nödööaatoodö; quee. Yääje töwa’deuwödö’jo cönäämai yaawä.

DOSECHO 9:40

Yaawä Peedhodo cömja’canö’jojäätöicho jödo’na. Tä’mudhe töwö cönä’döi; Wanaadi wwä cöna’deuwöi. Yaawä yäämaajä ene’mancädä cönä’döaacä: —Aanöncä, Tawiita; quee. Ñäädä wodi cönäänushiichai yaawä; Peedhodo eneea’jäcä cönä’jäi yaawä.

EUJEESIYO 3:14

Yääje yeijäcä Cädhaajotoncomo Jesuuquidiito umö wwadäädä tä’mudhe wä’döa, ya’demeecödööje.

JIDIIPENSE 4:6

Ane’cä’cä jäcäinchädä mma maaquiñu’tätäi; töwa’deuwe mmaane adha’deutäcä Wanaadi wwä, tameedä ännödööcomo jäcä. Ämjummadööcomo ane’ca’täcä chäwwä, aashicha awa’deuwancädäiñe chäwwä.