DOSECHO 20:32 - Wanaadi A'deddu

³² “Eduuwa jimmä, Wanaadi wwä maneedai’chajaato. Töwö dha’deddu aashichaato adheedai’chaato’de, äjäädu’taato’dede. Töwö dha’deddu tödöödö que änwanno ejoodöjai maato ñanno shooma’como jadäiñe aweicho’como.

DOSECHO 20:32 ပူးပေါင်းရင်းမြစ်များ

MAADOCO 10:17

Yäätonno yääma’tädaawä dhanwa cöneeca’tömöi Jesuuquidiito wwadäädä. Tä’mudhe cönä’döi ije’taca; cöneecamma’joi: —Owaanomaanei aashichaato, ¿ane’cäämö tödööjai wanä weichö töwaatamemjönö chaana’catoojoje? quee cönä’döaacä.

JUAN 15:3

Änwanno töcooneca maato eduuwa a’deu töwa’deuwe wääneneedö que.

JUAN 17:17

A’deu chäänöngato que shoomacooto; adha’deddu yää a’deu chäänöngato.

DOSECHO 11:23

Iiña ñäädä wä’döa’jäcä cöna’cwainchai yaawä chääjäcäiñe Wanaadi nödöödö aashichaato eneea’jäcä. Töwö cönwätuujaicho yaawä ejääduqueejö’da yeiyancädäiñe Cajiichaana woije yeichöcoomo wetä.

DOSECHO 14:23

Tönwanno ansiyaano cöneewaacaicho quedeiyente jataadöcoomo waadäi. Yaawä Wanaadi wwä töwa’deuwö’jejeiñe, töwäänema’jejeiñe mmaja, Cajiichaana Jesuuquidiito wwä cöneedai’chäja’to, ñäädä ñeecamjödööcomo.

DOSECHO 14:26

Yäätonno jidaawa awä cöntonto Antiyooquía ña, Wanaadi wwä tädai’chojo’jejeiñe tadaawaaju döe tanonto’jocoomo ña. Tönwanno töwä’ca cönä’ja’to yaawä yää tadaawaaju dödö jäcä.

DOSECHO 14:3

Yääje yeijäcä yäätä Paudo cönä’ja’to numa. Cajiichaana ecaanö’ancädä jäduuje töneecammajä’e cönä’ja’to aashicha Wanaadi weichö jäcä. Cajiichaana chäänönge ñeecammajäätödö weichö töneenejo cönä’jaacä ene’ju’tojo tödööjodö que chäwwäiñe, aashichaato tödööjodö que mmaja.

DOSECHO 15:40

Paudo mmaane Siida cönnöi töweichacoonoje. Yaawä Cajiichaana wwä töjääcäiñe quedeiyentecoomo wa’deuwö’jocomje tönwanno cönääma’toicho yäätonno.

DOSECHO 20:24

Cone’da yöödö’da na mädääje yeichö; oowontä’da mmaja wa dea. Ta’cwaiñe wä’ca’se mmaane wa öwwä tödööemö jäcä, yää Cajiichaana Jesuuquidiito taadawaajuije cuntuichö, aashichaato wätunnä ecammajäätödö aashicha Wanaadi weichö jäcä.

DOSECHO 26:18

Chäwwadäädäiñe manaanonta menu’täiyeto yaawä, tööjano’tacanno eejöiyeto tawaanato aca, odo’sha woije töweichöcoomo jonno Wanaadi woije eiyeto. Yaawä chäwwäiñe ecaanö’a’jäcä choone’nadiiyöcoomo necocca’de; öwö wu’a’de chäwwäiñe tameedä önconeecadö wwäiñe töwä’tue weneene dea; quee cönä’döaacä Jesuuquidiito öwwä.

DOSECHO 9:31

Yaawä tameedä Quidiito sotoi täncanoode’da cönä’ja’to; jäduujeiñe cönä’ja’to dea, ñanno Judheea ñancomo, Caadideea ñancomo mmaja, Samaadiya ñancomo mmaja. Tönwanno tönoiñe Cajiichaana Jesuuquidiito töneene cönä’ja’to. Epíiditu Santo ni’wa’tädö que jooje cöneejanga’to.

DOMAANO 8:17

Wanaadi nnacoomoje cöweijäcäiñe cöwwäiñe töweiyemööje na yää Wanaadi necamma’jödö tu’emö. Yää cöwwäiñe nä’tua’de Quidiito wwä utuudu jadä. Eduuwa Quidiito jäcäinchädä cöwäntunaanö’a’comjäcä, chääjadä mmaja aashicha caato’de

1 CODINTIYO 1:2

nimenna äwwadäädäiñe, änwanno ñaa jimmä, Wanaadi ecaanö’nnamo Codinto ñancomo. Änwanno Wanaadi sotoije mä’dötääne Jesuuquidiito jadä äwä’dödööcomo que. Wanaadi adha’dejjatääne aashicha aweicho’comooje tameedä yeichö wa’co’como Cädhaajotoncomo Jesuuquidiito ecaanö’nnamo jadäiñe. Töwö Jesuuquidiito na ñanno edhaajotoncomooje, cönwanno Cädhaajotoncomooje mmaja.

1 CODINTIYO 6:10

tämeenato mmaja, anejja nödöödö i’ñeimmanei mmaja, töwä’dau’cwato mmaja, wätunnä edhaajä mmaja, äncu’tänei mmaja; tameedä yääja’como Wanaadi jataacäi täjai’cha naato.

1 CODINTIYO 6:11

Mädääje mä’ja’quene änwanno dhantai, töwäädä adheecoccajootäneene’. Eduuwa Wanaadi wwonooje tösooma maato; Epíiditu Santo ai töwö Wanaadi töjaadonooje ayöödötääne Cajiichaana Jesuuquidiito joi.

1 CODINTIYO 6:9

¿Odhoowanääcäiñe’da ca’ nai chäänöngemjöncomo Wanaadi jataacäi täjai’cha yeichöcoomo? Mätäncu’tojootäi’che, ñanno Wanaadi jataacäi täjai’cha naato, töiño jonno, töjiiñamo jonno jeiñe mma anejja enaawä töweiyato, chu’taajä ijummanei mmaja, masuuduijato mmaja, dhanwa acä dhanwa conemjönö tödöönei mmaja,

EUJEESIYO 1:14

Ñäädä Epíiditu Santo na cöwwäiñe utuudu töweiyemö waajäntädööje; yää cöwwäiñe nä’tua’de tameedä tösootoi ewaanacaadöcoomo jäcä Wanaadi wä’ca’jäcä. Yääje yeijäcä mädä jäcäinchädä aashicha Wanaadi weichö ya’deme’jai caato.

EUJEESIYO 1:18

Wanaadi wwä ätö’tajäätödööcomo weijotoojo töne’ca’e wäänene dea, odhoowanääcäiñe yeichö wetä yaawä onwomoocödööcomo, yää äwwäiñe yeichö wetä adha’dejjatäänedö. Töne’ca’e wäänene dea odhoowanääcäiñe yeichojo joojato aashichaato Wanaadi nutuudu tösootoi wwäiñe.

EUJEESIYO 4:12

Mädääje töwö Quidiito tösootoi wetaadawa’cajooto’como cuntui, chäänönge yeichöcoomo wetä tötaadawaajuichomo tödöödö jäcä, aashicha quedeiyentecoomo i’wa’tädööcomo wetä mmaja chäwwäiñe, ñanno Quidiito ejööje naatoodö.

EUJEESIYO 4:16

Töwö yoije chääjö tojoodöjo na; tameedä chääjö jäcoono tojoodöjoojä’e na chu’nädö que. Tameedä chääjö jäcoono chäänönge yeetadaawa’caja’jäcä aashicha chääjö naatö’nä’a yaawä; wä’jummanääje adai’jä nä’döa.

EUJEESIYO 5:5

Odhoowanääcäiñe na masuuduijato, conemjönö tödöönei mmaja, ane’cä’cä jäcä töwäätätäädooto mmaja, Quidiito jataacäi täjai’cha yeichö, Wanaadi jataacäi täjai’cha mmaja; yää ane’cä’cä ijummadö jäcä töwäätätäädä weiñä chu’taajä ijummadö wa’cä dea na.

CODOOSENSE 1:12

Mädääje eijai maato aashicha awa’deuwancädäiñe Cumöötoncomo wwä, ñäädä tösootoi wwä tu’emö eiñamooje cödööneichomo’jödö, tawaanato aca cödööneichomo’jödö mmaja.

CODOOSENSE 2:7

Choojonno ä’sancwa’da eichäcä, dee tömiichato yäätäädä töweiye naichöje, töwö ñi’wa’tädö que awaatö’nä’ancädäiñe. Jäduuje eichäcä aneecamjödööcomo jäcä, yeichöje Wanaadi wwä aashicha awa’deuwancädäiñe, moowanoomatäänedööje dea.

CODOOSENSE 3:24

odhoowanääcäiñe yeijäcä Cajiichaana wwono adheeje’jocoomo eichojo, yää tameedä äwwäiñe tu’emööje naadö. Quidiito sotoijeene maato; töwö Adheedhajootoncomo neeneje na.

EEWEDEO 10:14

Tooniye töwä’tudu que töwö Jesuuquidiito yeichöödäje chäänönge cönnöicho ñanno shooma’como.

EEWEDEO 13:9

Anejja wätunnä que, chäänöngemjönö que mmaja mä’sadiijannä’cajootäi’che. Wanaadi nutuudu aashichaato queene cötö’tajäätödööcomo ijä’du’täjai caato, äwanshi amoi’chädö que’daane. Yää tödöödö que chäänönge ä’dö’da weneeneto ñanno tödönnamo.

EEWEDEO 2:11

Ñanno shooma’como, shoomaneichomo’jödö mmaja, ñäädä dea Yuumötoncomooje na. Yääje yeijäcä töwö Jesuuquidiito, ñäädä Wanaadi nnedö, ijöichöje’da na töjimmäje ñanno e’tädööcomo.

EEWEDEO 9:15

Yääje yeijäcä töwö Jesuuquidiito na eduuwaato weiñä ecammaajä tödööneije. Quidiito wääma’jödö weijäcä töweiye na eduuwa conemjönö choccatoojo, yää awa’deeto’jä weiñä cönä’ja’dawä soto cönnöichodö choccatoojoje. Yääje yeijäcä ñanno Wanaadi na’dejjadö wwäiñe ä’tujai ña yää töwaatamemjönö tu’emö, chäwwäiñe Wanaadi cöneecammaichö dea.

JUUDHA 1:1

Öwö Juudha, Jesuuquidiito anoonö, Jacoowo acoono, edä jajeeda wimenna äwwadäädäiñe, änwanno Cumöötoncomo Wanaadi na’dejjadö, shootoije shooma’como. Änwanno Jesuuquidiito jadoonoje aweijäcäiñe tädai’chä maato chäwwä.

JUUDHA 1:20

Änwanno mmaane jimmä umjummadö, jooje’cä aatö’nä’täcä aneecamjödööcomo aashichaato que. Epíiditu Santo jäduudu que adha’deutäcä Wanaadi wwä.