DOSECHO 20:28 - Wanaadi A'deddu

²⁸ Äädai’chätääcä’de eduuwa. Ajimmotoncomo mmaja edai’chätääcä’dede. Epíiditu Santo ayöödötääne Cajiichaana sotoi edai’chännamooje, ñanno taquiiyö que cöneewanaacaichodö.

DOSECHO 20:28 ပူးပေါင်းရင်းမြစ်များ

MATEO 16:18

Äwwä yääje wä’döa, Peedhodo amäädä, “täju”, quee töwä’döse yeichö. Amäädä anöngato dea sootoije wödööaato’de, täju de’wä maa amäädö töweiye naichöje. Wäämanä wwä oto’jodheinchajo’da naato’de tönwanno.

MATEO 2:6

Yää Wedén ñano jata, Judhá nonoodö’jödö de’wono, she’caasa yeichaame edä nono de’wono jata antawäiñe, töquiiñeme’quemje’da na. Yäätä nennua’de Cajiichaana, sootoi edhaajotoncomooje töweiyemö, ñanno iisadaaediitacoomo; quee imennaajä na; quee cönä’döa’to Edoodhe sotoi.

MAADOCO 13:9

“Odhoowoinchadäiñe’da eichäcä’de änwanno. Yaawä soto ayu’ato’de äcamma’jonnamo wwäiñe. Töwe’jummato’como taca adhaiju’jä’ato’de. Sootoije aweichöcoomo jo’tädööje acu’shänä wwadäädä adhaadäaato’de, cajiichaanacoomo wwadäädä mmaja. Yää na’de äwwäiñe ya’deddu ecammajo’tojo ñeetadööcomooje.

DUUCA 12:32

“Tösaade’daane eichäcä, änwanno sootoi, oweeja nönga’como. Wanna’da aweichaameiñe Oomotoncomo acaajichaanaichomooje na.

DUUCA 21:34

“Odhoowoinchadäiñe’da eichäcä änwanno, wääwashinchänä jäcä tö’tajä’nä que moowoinchatäi’che, wä’dau’nä que mmaja, edä nono de’wono jäcä tö’tajä’nä que mmaja, äwwäiñe tacaade’da mma yää anootoi’chädö aca ä’dö’no.

DOSECHO 13:2

Yaawä yäänemaadawäiñe, yeecanta’ñädaawäiñe mmaja Epíiditu Santo cönä’döaacä chäwwäiñe: —Waanawé, Saudo mmaja, ewaacatääcä tadaawaaju neecammadö dönnamooje; quee cönä’döaacä.

DOSECHO 14:23

Tönwanno ansiyaano cöneewaacaicho quedeiyente jataadöcoomo waadäi. Yaawä Wanaadi wwä töwa’deuwö’jejeiñe, töwäänema’jejeiñe mmaja, Cajiichaana Jesuuquidiito wwä cöneedai’chäja’to, ñäädä ñeecamjödööcomo.

DOSECHO 20:17

Yaawä Paudo Mideeto ñanno soto cönaanontäi Eujeeso ña, ansiyaano a’dejjaiñe.

DOSECHO 20:29

Yää ’jeje öncäcäädä adhantawäiñe naato’de quedeiyentecoomo acoicha’sa’como, mado tääde’cwada’como oweeja tönaacoichaiñe töweiye naichodööje.

DOMAANO 16:16

Ata’dejjatääcä töwä’jumma aweichöcoomo äwäänejancädäiñe. Tameedä quedeiyentecoomo, Quidiito ecaanö’nnamo, ta’deujocoomo nadääjaato äwwadäädäiñe.

1 CODINTIYO 1:2

nimenna äwwadäädäiñe, änwanno ñaa jimmä, Wanaadi ecaanö’nnamo Codinto ñancomo. Änwanno Wanaadi sotoije mä’dötääne Jesuuquidiito jadä äwä’dödööcomo que. Wanaadi adha’dejjatääne aashicha aweicho’comooje tameedä yeichö wa’co’como Cädhaajotoncomo Jesuuquidiito ecaanö’nnamo jadäiñe. Töwö Jesuuquidiito na ñanno edhaajotoncomooje, cönwanno Cädhaajotoncomooje mmaja.

1 CODINTIYO 10:32

Soto sadiijanto’comooje mma meichäi’che, judhío jeiñe mma, judhíojöönö jeiñe mma, quedeiyente jeiñe mma.

1 CODINTIYO 11:22

¿Aaquene äwä’dö’se aweichöcoomo mädä? ¿Adhe’sadööcomo ’je’da ca’ nai äwääwashinchoto’como? Quedeiyentecoomo dajaane michiiñeme’cato mädä ännödööcomo que; ñanno wentumja’como mmaja cone’da mödööjaato dea. ¿Aaquene ä’döjai wanä äwwäiñe, “Ta’cwaiñe wa äjääcäiñe,” quee ’ja? Ng’jn, yääje ä’döjai’cha wa.

1 CODINTIYO 15:9

Tameedä anonta’como o’näncomo öwö; anontaajäje tä’tämje’da jadä’jödöödä wa, quedeiyentecoomo tömmaminchaiñe wei’jödö weijäcä.

1 CODINTIYO 6:20

Wanaadi wwä täjeema maato täjeeto que. Yääje yeijäcä Wanaadi nijummadö woije tödöötäcä adheejöcoomo que, ätö’tajäätödööcomo que mmaja, a’nädä Wanaadi wwonooje yeijäcä.

CAADATA 1:13

Änwanno metaatäne jenaadä wei’jödö, judhío wätunnäichomo tönnöe weichö. Odhoowanääcäiñe quedeiyentecoomo jooje tömmaminchaiñe töweiye wei’jödö, quedeiyenteje weiñä acoicha’se’jödö.

EUJEESIYO 1:14

Ñäädä Epíiditu Santo na cöwwäiñe utuudu töweiyemö waajäntädööje; yää cöwwäiñe nä’tua’de tameedä tösootoi ewaanacaadöcoomo jäcä Wanaadi wä’ca’jäcä. Yääje yeijäcä mädä jäcäinchädä aashicha Wanaadi weichö ya’deme’jai caato.

EUJEESIYO 1:7

Aashicha Wanaadi weichö woije Iiñedö cäwaanacaatäne töwäämadö que, cöcoone’nadiiyöcoomo encwanno’jodö’jo.

EUJEESIYO 4:11

Töwö Quidiito cöwaadaiñe cuntui cöweicho’como; anejjacoomo wwä cuntui anonta’comooje yeicho’como, anejjacomo ’quene Wanaadi nutuudu woije ecammajä’nnamooje yeicho’como, anejjacoomo ta’deddu adännamooje, anejjacoomo quedeiyentecoomo es’e’tännamooje, owaanomannamooje mmaja.

JIDIIPENSE 1:1

Öwö Paudo, Tiimoteo mmaja, Jesuuquidiito anoonö, edä ñaa nimenna äwwadäädäiñe, änwanno tameedä quedeiyentecoomo Jidiipo ñancomo, Wanaadi sotoi, Jesuuquidiito jadoncomo; ansiyaano wwadäädäiñe mmaja ñaa nimenna dea, diyaacono wwadäädäiñe mmaja.

CODOOSENSE 1:14

Ñäädä Iiñedö cäwaanacaatäne töwäämadö que; töwö cöcoone’nadiiyöcoomo cönencwanno’joi.

CODOOSENSE 4:17

Edääje caichäcä’de Aadiquiipo wwä: “Aashichaane tödööcä ataadawaajui, yää Cajiichaana nutuudu äwwä; tödööeene tödööcä;” quee caichäcä’de chäwwä.

1 TIIMOTEO 3:1

Chäänöngato edä wecammaadö: Ñäädä soto e’se’täneichomooje töwei’shato tadaawaaju aashichaato nijumma.

1 TIIMOTEO 3:2

Yääje yeijäcä ñäädä ansiyaano aashicha eijai ña, täcammajä’emööje’da töweichö wetä. Tooni mma ijiiñamo eijai ña; wataasheje’da’da mmaja töwö eijai ña dea, acu’shämje mmaja, dhanwaaje mmaja. Tödöiñano wä’döaajä aashicha tödööjai ña töwö. Dhowaanäcä eijai ña soto owaanomaadöcoomo.

1 TIIMOTEO 3:5

Töjaadoncomo anontädö dhowaanäcä’da yeiya’jäcä, ¿aaquene mmaja Wanaadi sotoi aneedai’chädööto deeade’?

1 TIIMOTEO 4:14

Ema’jödööje’da tödööcä Wanaadi nutuudu äwwä naadö, yää Wanaadi woije ade’wä ansiyaano tamäädöcoomo cönnöichodaawä äwwä cönä’tuichö.

1 TIIMOTEO 4:16

Odhoowadäädä eichä aweichö jäcä, owaanomaadö jäcä mmaja; jäduuje eichä tameedä mädä nöngato jäcä. Mädääje aweiya’jäcä määwanaaca’de, tameedä adheetannamo’jödö mewaanacaato’dede.

1 TIIMOTEO 5:17

Ñäädä ansiyaano chäänönge soto edai’chäneichomo jooje’cä ijummajai maato, töwaacö’je ñanno ecammajäätödö jäconcomo wetaadawa’cajoodö, owaanomaadö jäconcomo wetaadawa’cajoodö mmaja.

TIITO 1:7

Conemjönö chääcadööjönö ansiyaano eijai ña, Wanaadi tadaawaajui tödööneije yeijäcä. O’jodhe chö’tajä’jai’cha na töwö, äätömaacoije eijai’cha mmaja. Ä’dacu’da eijai ña töwö, ataiju’jätö’da mmaja. Soto ennanö’cadö que jödaata chaana’cadö ijummajai’cha na töwö.

TIITO 2:14

Töwö Jesuuquidiito töwäämaamöje cönä’tui cöjääcäinchädäiñe tameedä conemjönö jonno cäwaanacaadöcoomo wetä, cöcoccadööcomo wetä mmaja tösootoije cöweichöcoomo wetä, aashichaato tödöödö encano’tännamooje cöweichöcoomo wetä mmaja.

EEWEDEO 12:15

Äädai’chätääcä, anejja mma adhantawaiñe Wanaadi nutuudu aneejodö’da ei’ño; conemjönö mma adhantawäiñe mmaja eja’ca’no tameedä ocoone’maneichomooje, adheeme’täneichomooje mmaja, imiichö conemjönö wa’taajä töjimmä töncone’ma töweiye naichöje.

EEWEDEO 13:17

Adhe’se’tännamo waanontädööcomo tödöötäcä; yoijeiñe eichäcä, aweichöcoomo edai’chännamooje yeichomjäcä. Äcuude tönwanno Wanaadi wwä nätääcamma’jajaato’de adheedai’cho’jocoomo jäcä. Aashicha eichäcä, ta’cwaiñe tötaadawaajuichomo tödöiyeto, taquiiñuque’daane. Äwwäiñe aquiñu’taja’jäcä aashicha aweicho’como ’je’da eijai ña.

1 PEEDHODO 2:25

Jenaadä änwanno mä’ja’quene oweeja sadiijanga’como töweiye naichodööje. Eduuwaane adhennacaatäne Quidiito wwadäädä, ñäädä adhe’se’täneichomo, odo’tadööcomo edai’chänei mmaja.

1 PEEDHODO 2:9

Änwanno mmaane soto eiya’como, Cajiichaana Wanaadi wwä töwa’deuwaamo mmaja, soto coneeca’como mmaja, Wanaadi sotoije mmaja. Yääje yeijäcä änwanno ecammajä’jai maato Wanaadi nödöödö aashichaato, ñäädä tööjano’tacanno adha’dejjaneichomo’jödö tönaawanaanö’cadö aashichaato aca.

1 JUAN 1:7

Dha’da ’quene tawaanato ai cöwäämannä’a’comjäcä, töwö Wanaadi tawaanato aca naadöje mmaja, ääjimmäje caato yaawä, Iiñedö Jesuuquidiito aquiiyö nichocca yaawä tameedä cöcoone’nadiiyöcoomo.

APOOCADIISI 5:9

Edääje cöneecanta’ña’to; eduuwaato wecanta’ñotoojo jäcä: Ñäädä mma amäädä aashichaato, jajeeda eijaicho, ajoijo’jödö ajämjacaajaicho mmaja. Mädä tödööjai ma äwääma’jödö weijäcä, adhaaquiyö que Wanaadi sotoije ñaa ejeema’jödö weijäcä mmaja, tameedä soto weichöcoomo wa’cä, tameedä aata’deucwemjöncomo’jödö, tameedä jata weichö waadoinchomo’jödö, tameedä nono weichö de’woncomo’jödö.