DOSECHO 20:24 - Wanaadi A'deddu

²⁴ Cone’da yöödö’da na mädääje yeichö; oowontä’da mmaja wa dea. Ta’cwaiñe wä’ca’se mmaane wa öwwä tödööemö jäcä, yää Cajiichaana Jesuuquidiito taadawaajuije cuntuichö, aashichaato wätunnä ecammajäätödö aashicha Wanaadi weichö jäcä.

DOSECHO 20:24 ပူးပေါင်းရင်းမြစ်များ

DUUCA 16:28

ijaatoodea’como yaacontomo döiñaiñe mmaja, chäwwäiñe ecammaiye, sadä mma eejö’notoode, wäntunaanö’tojo aca mmaja;” quee cönä’döaacä.

JUAN 15:27

Änwanno mmaja jääcä mecammajä’ato’dede, yaajäntä’jödö jonnoto’jödöödä jaadä aweichomjäcä.

JUAN 17:4

“Aashicha aweichö weneejone edä nono de’wä weichö. Öwö wä’cane taadawaajui mu’nedö jäcä.

DOSECHO 1:17

Ñäädä Juudha cöjimmotoncomooje cönä’jaacä; cöjaadäiñe töwäämannä’e cönä’ja’dea.

DOSECHO 11:23

Iiña ñäädä wä’döa’jäcä cöna’cwainchai yaawä chääjäcäiñe Wanaadi nödöödö aashichaato eneea’jäcä. Töwö cönwätuujaicho yaawä ejääduqueejö’da yeiyancädäiñe Cajiichaana woije yeichöcoomo wetä.

DOSECHO 13:25

Yaawä äämajai töwä’döa’jäcä edääje daja Juan cönä’döa’dea: “Ñäädäjöönö öwö, cäcaanö’atoodöjöönö. Öncäcä anejja dhanwa na’de; shaajatui u’caneije jadä’jödöödä eijai’cha wa, ye’jodhe töwö yeijäcä;” quee cönä’döaacä Juan.

DOSECHO 14:3

Yääje yeijäcä yäätä Paudo cönä’ja’to numa. Cajiichaana ecaanö’ancädä jäduuje töneecammajä’e cönä’ja’to aashicha Wanaadi weichö jäcä. Cajiichaana chäänönge ñeecammajäätödö weichö töneenejo cönä’jaacä ene’ju’tojo tödööjodö que chäwwäiñe, aashichaato tödööjodö que mmaja.

DOSECHO 15:7

Yaawä jooje töwäätäccujäätödööcomo’jo Peedhodo cönammöi dhantawäiñe; cönä’döaacä: —Jimmä, änwanno odhoowanääcäiñe adhantawonnoiñe Wanaadi wwä ye’tä’jödö judhíojöncomo wwä aashichaato wätunnä ecammajä’neije, ecamjödö wetä chäwwäiñe.

DOSECHO 18:5

Yaawä Maasedooniya ñanno Siida, Tiimoteo wä’döa’comjäcä Wanaadi a’deddu ecammajäätödö jäcä mma Paudo töweetadaawa’cajo cönä’jaacä. Judhío wwäiñe jooje töneecammajä’e cönä’jaacä Jesuuquidiito Äwaanacaaneije yeichö, ñäädä ñanno judhío tönwomo’que cönä’ja’todö dea.

DOSECHO 20:21

Öwö töneecammajä’e wä’jaaquene judhío wwäiñe, judhíojöncomo wwäiñe mmaja Wanaadi owaadäädä tötö’tajäätödööcomo sha’duminchajai yeichöcoomo, Cajiichaana Jesuuquidiito ecaanö’jai yeichöcoomo mmaja.

DOSECHO 20:23

Edä mma yoowanääcä na, tameedä jataaca öötädö waadäi Epíiditu Santo töneecamma weneene öwwä jedeesoje wääwaacajootojo, wäntunaanö’tojo mmaja.

DOSECHO 20:32

“Eduuwa jimmä, Wanaadi wwä maneedai’chajaato. Töwö dha’deddu aashichaato adheedai’chaato’de, äjäädu’taato’dede. Töwö dha’deddu tödöödö que änwanno ejoodöjai maato ñanno shooma’como jadäiñe aweicho’como.

DOSECHO 21:13

Yaawä töwö Paudo cönä’döaacä: —¿Ane’que’nei maamoaato? ¿Ane’que’nei wentumje cödööjaato? Täncanoode’da wa öwö. Yääje’ mööaatoone’ Jeduusadén ña. Jesuuquidiito junnei äämajai wa dea; quee cönä’döaacä.

DOSECHO 22:21

Töwö cönä’döaacä öwwä: “Äjääne, amoinche manaanonta eetonno, judhíojöncomo döiñaiñe;” quee cönä’döaacä yaawä öwwä; quee cönä’döaacä Paudo ñanno Jeduusadén ñancomo wwä.

DOSECHO 9:15

Yaawä Cajiichaana cönä’döaacä: —Äjääneene; öwö weiñä ñäädä ya’deddu ecammaneije töweiyemööje tameedä soto wwäiñe, cajiichaanacoomo wwä, iisadaaediitacoomo wwä mmaja.

DOMAANO 11:6

Aashicha Wanaadi weichö jäcäinchädä mädääje na, tödöödö jäcäinchädä’da. Tödöödö jäcäinchädä ei’jo mmaane aashicha Wanaadi weichö woijatooje ätä’täjai’cha eichö.

DOMAANO 4:4

Ñäädä töweetadaawa’cajoomö ejeemadö töweiye naichö naane’, chäwwä täjemjönö utuudujöönö yää, chaadawaajui’jödö ejeemadööne.

1 CODINTIYO 15:58

Yääje yeijäcä jimmä umjummadö, jäduujeiñe eichäcä; yäätäädä ätö’tajäätödööcomo tödöötäcä, jooje’cä Cajiichaana tadaawaajui tödööancädä aweichöcoomoje, odhoowanääcäiñe yeijäcä töwäädämmatooje’da yeichö Cajiichaana Jesuuquidiito wwonooje aweetadaawa’cajoodöcoomo.

2 CODINTIYO 12:10

Yääje yeijäcä mädä Quidiito jäcäinchädä töiñetunca wääneneedö waacö’je mma weneene, yää jäduuje’da weichö, anejja wwä yeuwödö jeiñe mma, wäntunamjödö jeiñe mma, wäätä’maminchajoodö jeiñe mma, wä’yunaacajoodö jeiñe mma. Jäduujemjönö nönge tö’tadaawä yaawääne jäduuje wäänene.

2 CODINTIYO 4:1

Yääje yeijäcä ejääduqueejö’da ñaa na, Wanaadi nödööjo’jödö yeijäcä edä ñaa tadaawaajuije naadö, wentumje äneetä töweichö woije ñaa wwä cuntuichö.

2 CODINTIYO 4:12

Mädääje na; töwäämatoojojaato töneene ñaa weneene; änwanno mmaane aashicha weiñä daja töneene määnetääne.

2 CODINTIYO 5:8

Cönwanno ta’cwaiñe cäänetääne edä cäjööcomooje naadö e’nomja’se cöweichaameiñe, Cajiichaana jadä cöweichöcoomo wetä yaawä.

2 CODINTIYO 7:4

Jooje ta’cwaiñe wa äjääcäiñe, aashicha äjääcäiñe töwa’deuwe wäänene dea. Änwanno jäädu’tätä määnetääne; jooje töwäntunaanö’e ñaa weichaame ta’cwaiñe ñaa tö’tamme’jotä määnetääne.

CAADATA 1:1

Öwö Paudo, anontaajä, soto nanontädööcomoojönö, soto ne’tädööcomoojönö mmaja, Jesuuquidiito nanontädööne, Cumöötoncomo Wanaadi nanontädö mmaja, ñäädä yäämaajo jonno Jesuuquidiito adoncanei’jödö.

EUJEESIYO 1:6

Yääje yeijäcä aashicha ca’deuto’ñojo Wanaadi jäcä, joojato iiñödö’jödö jäcäinchädä; yää aashichaato cöjääcäiñe Wanaadi cönnöi Tönnedö tumjummadö jadä cöweichomjäcä.

EUJEESIYO 3:13

Yääje yeijäcä yääje wä’döa äwwäiñe, ejääduqueejö’da eichäcä mädä äjääcäinchädäiñe wäntunaanö’aadö e’nei, aashicha ayöödöto’comoone yeiyajä.

JIDIIPENSE 2:17

Öwö ta’cwaiñe dea eijai wa saaquidiijiisiyo nönge töwä’tueemöje weichaame, yää saaquidiijiisiyo ännödööcomo de’wä mmaja, ecamjödö que tönnöe määnetäänedö. Adhaacoodaaneiñe ta’cwaiñe eijai wa.

JIDIIPENSE 2:30

Töwö Quidiito tadaawaajui jäcäinchädä äämadö cöneiyacä. Äämajai töweichaame öwwä tönnöjä’e cönä’jaacä yää öwwonooje tödööjai’cha mä’ja’quennö.

CODOOSENSE 1:24

Mädä äjääcäinchädäiñe wäntunamjödö cone’da yöödö’da na. Eduuwa öwö daja woneeja dea Quidiito wäntunamjö’jödö, chääjö jäcäinchädä, ñanno quedeiyentecoomo.

1 TEESADOONISENSE 2:2

Äwwäiñe tacaade na Jidiipo ña ñaa wätä’maminchajo’jödö, ñaa wäntunamjö’jödö mmaja. Yääje yeichaame Wanaadi ñaa ’wa’täne tösaade’da ñaa wwä ecammajäätödö wetä äwwäiñe Wanaadi wätunnäi aashichaato, jooje ñaa tu’de’tätaame anejjacoomo wwä.

1 TEESADOONISENSE 3:3

aweejäduuquejöödöcoomo queiñe mmaja mädä äwäntunamjödööcomo e’nei. Änwanno odhoowanääcäiñe na mädääje töwäntunaanö’aamoje cöweichöcoomo.

2 TIIMOTEO 1:12

Mädä jäcäinchädä töwäätä’maminchajo wäänene, mädä waadö. Yääje yeichaame ejöichojo’daane wa, yoowanääcä yeijäcä ñäädä neecamjödö. Yoowanääcä na dea chäwwä needai’chojoodö töwö chäänönge edai’chäjai yeichö yää anooto jona tödööene.

2 TIIMOTEO 4:17

Cajiichaana mmaane jaadä cönä’jaacä; töwö jäädudu cuntui tacoichaane ta’deddu ecammajäätödö wetä öwwä judhíojöncomo netaadöcoomoje. Mädääje Cajiichaana yeewanaacane mado jonno;

TIITO 1:3

Eduuwa chäänönge yä’döa’jäcä töwö ta’deddu cöwwäiñe cöneecadeeme’joi. Yää jäcä ecammajä’neije dea Cäwaanacaaneichomo Wanaadi yaanontäne.

TIITO 2:11

Töwö Wanaadi cöjääcäiñe aashicha töweichö cöneenejoi tameedä soto wääwanaacato’como tödöödö que töwwä.

EEWEDEO 10:34

Änwanno wentumje töneene mä’ja’quene ñanno jedeesoja’como. Anejjacoomo wwäiñe ännöjäätödööcomo que adhenwajiiñataame cone’da ä’döjo’da töweiye mä’ja’quene, odhoowanääcäiñe yeijäcä caju ña äwwäiñe aashichaato jaiñoone töweiye yeichö, töwaatamemjönööne.

1 PEEDHODO 5:12

She’caasa edä jajeeda wimennäjoi Siidawaano wwä, ñäädä quedeiyente chäänöngato öwö chö’tadö naadö. Öwö wimennäi äwäätuujato’comooje, ecammadö wetä mmaja chäänönge yeichö mädä Wanaadi nutuudu aashichaato. Jäduujeedä eichäcä mädä jäcä.

1 JUAN 3:16

Cöjääcäinchädäiñe Jesuuquidiito wääma’jödö que cönwanno coowanoomatääne wä’jummanä chäänöngato jäcä. Yääje mmaja cönwanno cöweichöcoomo u’jai caato cöjimmotoncomo jäcäinchädä.

APOOCADIISI 12:11

Ñanno cöjimmotoncomo tämentäneichomo’jödö cöne’jodheinchaicho Oweeja nnedö’cä wääma’jödö que, dha’deddu ecammajäätödö que mmaja. Tönwanno töwäämadööcomo onnontä’da cönä’ja’to tämaadöcoomo jonaane.

APOOCADIISI 6:11

Yaawä chääwaadäiñe cönä’tui yoomöcoomo tajääde’da’como. Edääje cönäätäcammai chäwwäiñe: —Äädeetatääcä a’dhe, chääwa’cä ñanno ajimmotoncomo wä’jajoodöcoomo wa’cä, ñanno Quidiito sotoi, äwä’jajo’jocoomo nönge töwä’ja’aamo; quee chäwwäiñe cönäätäcammai.