DOSECHO 20:18 - Wanaadi A'deddu

¹⁸ Ñanno wä’döa’comjäcä Paudo cönä’döaacä chäwwäiñe: —Änwanno odhoowanääcäiñe aashicha öwö weichö Aasiya ña wääwaaca’jödö jonnoto’jödöödä.

DOSECHO 20:18 ပူးပေါင်းရင်းမြစ်များ

DOSECHO 18:19

Eujeeso ña töwä’döa’comjäcä Paudo cönsancwaicho yaawä Pidiisiida, Aquiida mmaja. Töwö cöntämä yaawä we’jummatoojo taca. Yäätä cöna’deujä’acä judhío we’jumma’como jadäiñe.

DOSECHO 19:1

Yääje mma yaawä Codinto ña Apoodo weichö Paudo cönäämannä’acä aneiñaja; töwö cönä’döi yaawä Eujeeso ña. Yäätä cöneejodöicho anejjacoomo quedeiyentecoomo.

DOSECHO 19:10

Mädääje töwö cönä’jaacä aacä wedu; tameedä Aasiya ñancomo cöneeta’to Jesuuquidiito a’deddu, judhíocoomo mmaja, judhíojöncomo mmaja.

DOSECHO 20:16

Mädääje ñaa cöntämä, Eujeeso ñano Paudo ija’dätä’se yeijäcä, numa Aasiya ña töweichö queiñe. Töwö Jeduusadén ña töwä’dö’se cönä’jaacä, iiña Pentecoté anootoi’chädö ija’do’jodö wetä.

DOSECHO 20:4

Chääjadä cöntonto Soopateedo, ñäädä Wedeea ñano; Aaditaaducu mmaja cönä’ja’dea; Secuntu mmaja, Teesadoonica ñancomo; Caayo mmaja, Deedewe ñano; Tiimoteo mmaja; Tíiquico mmaja; Todóojimo mmaja, ñanno Aasiya ñancomo.

2 CODINTIYO 1:12

Ta’cwaiñe ñaa weneene, aashicha tötö’tajä’e ñaa weneene dea ñaa owaanäcä yeijäcä aashicha töwei’jödö, chäänönge töwei’jödö mmaja, edä nono de’woncomo antawäiñe, änwanno adhantawäiñe mmaja. Ñaa sejjedö que’da mädääje ñaa cönä’jaacä; Wanaadiiñe ñaa ’wa’täne.

2 TIIMOTEO 3:10

Amäädä mmaane öwö noowanoomadö odhoowanääcä na, öwö weichö mmaja, nencano’tädö mmaja, neecamjödö mmaja, aashicha tönshinchä weichö mmaja, wä’jummanä ’je weichö mmaja. Wäätä’maminchajoodö tönshinchä weichö mmaja odhoowanääcä na dea, wäntunamjödö mmaja. Amäädä odhoowanääcä na tameedä jääcä cöneeja’dätäichö Antiyooquía ña, Icooniyo ña mmaja, Diitada ña mmaja, yää iiña wäätä’maminchajo’jödö. Tameedä yää jonno Cajiichaana yeewanaacane.