DOSECHO 2:5 - Wanaadi A'deddu

⁵ Yaawä Jeduusadén ña cönä’ja’to jooje judhíocoomo, tameedä edä nono de’wono jata waadoinchomo we’a’como. Ñanno cönä’ja’to chäänönge judhío wätunnäichomo tödönnamo.

DOSECHO 2:5 ပူးပေါင်းရင်းမြစ်များ

MATEO 24:14

Aashichaato wätunnä, yää Wanaadi töcaajichaanaije tödöödö jäcoono, nätääcammajä’a’de tameedä jata weichö wa’cä, tameedä sotoocomo netaadöcoomoje. Yaawä jeene na’de anooto wataamedö.

DUUCA 17:24

Tameedä täneemö jeene öwö, Soto nnedö, weejödö na’de, tameedä caju yäncucuudu tönaawanaanö’ca töweiye naichöje mmaja.

DUUCA 2:25

Yäätä Jeduusadén ña cönä’jaacä dhanwa, Simeón täätö. Ñäädä cönä’jaacä chäänöngato, Wanaadi woije tödöönei. Töwö cönwomo’cacä iisadaaediitacoomo wääwanaacato’como. Epíiditu Santo ’je ñäädä Simeón cönä’jaacä.

DUUCA 24:18

Ñäädä Quedeeojaasa täätö cöneccujä’acä: —Tameedä soto dhowaanäcäiñe na Jeduusadén ña yeeja’dätä’jödö jäcä. ¿Amäädä mma ca aneeta’da manä, iiña awei’jödö weichaame? quee cönä’döaacä.

JUAN 12:20

Yäätä Jeduusadén ña cönä’ja’to anejjacoomo quidiiyeecocoomo, Weja’dätä’jä anooto comjedensiyai’chädö tödönnamo we’a’como.

DOSECHO 10:2

Aashichaato töwö cönä’jaacä; Wanaadi tönoiñe töneene, tameedä yä’jimmä’tädö mmaja. Jooje jödaata tunu’e cönä’jaacä wentumja’como wwä; weiñäje Wanaadi wwä töwa’deuwe cönä’ja’dea.

DOSECHO 10:7

Yaawä ñäädä amoode wöta’jäcä Conneediyo cöna’dejjai aacä tanoonö, tooni mmaja suddau. Ñäädä suddau cönä’jaacä Wanaadi tujunne mmaja; Conneediyo wacöötö töwö cönä’jaacä töwoije yeijäcä.

DOSECHO 13:50

Yaawä ñanno judhíocoomo cöna’deuwöicho anejjacoomo wodiiñamo täneejuca’como wwäiñe, aashicha’como wwäiñe, dhanwaacomo täneejuca’como wwäiñe mmaja. Tönwanno cöni’jedoicho Paudo, Waanawé jäcäiñe, cone’da yeichöcoomo wetä chääjäcäiñe. Yää ’jeje ñanno täneejuca’como Paudo cönenno’jaicho töjaatadööcomo jonno.

DOSECHO 2:1

Yaawä Pentecoté anootoi’chädö wä’döa’jäcä, yäätä dea cönä’ja’to tameedä quedeiyentecoomo, tujuumä.

DOSECHO 22:12

“Yäätä cönä’jaacä dhanwa, Aananíaje chäätö. Ñäädä tönnöe cönä’jaacä tameedä Moisé waanontä’jödö woije. Tameedä judhíocoomo Damaacu ñancomo aashicha töwa’deuwe cönä’ja’to chääjäcä.

DOSECHO 8:2

Anejjacoomo soto aashicha’como Eteewa cöneewaacaicho; jooje cönaamoa’to ijunnei.

DOSECHO 8:27

Jediipe cönääma’tai yaawä; ääma tai töötädaawä Eetiyoopía ñano acä cönoojodöi. Candaase sotoi cönä’jaacä ñäädä, emuucaajä. Täneejucaato töwö cönä’jaacä, Candaase jödaatai edhaajä. Ñäädä Candaase cönä’jaacä wodi, Eetiyoopía ñano cajiichaanai’chädö. Jeduusadén ñano’jödö yennacaadö ñäädä Eetiyoopía ñano cönä’jaacä, Wanaadi wwä a’deunei’jödö.

CODOOSENSE 1:23

Töwö mädääje ayöödöaato’de ecamjödööje dea aweiya’comjäcä, jäduuje aweiya’comjäcä mmaja, wo’womo’nä jonno ääsecaajo’da aweiya’comjäcä mmaja, yää aashichaato wätunnä necammajäätödö metaatäneedö jonno. Yää aashichaato wätunnä tameedä soto wwäiñe nätääcammajä’a, öwö Paudo ecammajä’neije waadö.