DOSECHO 2:47 - Wanaadi A'deddu

⁴⁷ Aashicha töwa’deuwe cönä’ja’to Wanaadi jäcä. Tameedä soto ta’cwaiñe töweiye cönä’ja’to chääjäcäiñe. Anooto waadäi Cajiichaana Wanaadi ñanno täcaanö’nnamo jadäiñe töneejodööjoiñe cönä’jaacä ñanno yääwanaaca’como.

DOSECHO 2:47 ပူးပေါင်းရင်းမြစ်များ

DUUCA 19:48

Yaawääne’ tödöötojo ’je’daane’ cönä’jaacä chäwwäiñe, tameedä soto jooje eta’se yeichomjäcä.

DUUCA 2:52

Jesuuquidiito mmaane jooje’cä cönsejjetaacä; cönaatö’nä’a’dea. Wanaadi wacö’je töweiye cönä’jaacä, soto wacö’jeiñe mmaja.

DOSECHO 11:21

Tönwanno Cajiichaana jäduudu ’je cönä’ja’to; jooje soto töwäätunnäichomo jonno Cajiichaana Jesuuquidiito cöneecamjöicho.

DOSECHO 11:24

Töwö Waanawé cönä’jaacä aashichaato, Epíiditu Santo jäduudu ’je, ecamjödö ’je mmaja. Jooje soto Cajiichaana Jesuuquidiito cöneecamjöicho.

DOSECHO 13:48

Yää eta’jäcä ñanno judhíojöncomo ta’cwaiñe cönä’ja’to yaawä; aashicha cöna’deuwa’to Cajiichaana a’deddu jäcä. Tameedä ñanno töwääwanaacaamoje cönä’ja’todö cöneecamjöicho.

DOSECHO 14:1

Yääje mma yaawä Icooniyo ña Paudo wä’döa’comjäcä Waanawé acä a’nädä cönoomomöicho judhío we’jummato’como taca. Yaawä chäwwäiñe jäduuje Wanaadi a’deddu ecammajäätödö weijäcä jooje judhío cöneecamjöicho, judhíojöncomo mmaja.

DOSECHO 14:21

Yaawä Deedewe ña aashichaato wätunnä ecammajä’a’jäcä jooje soto cöneewaacaicho quedeiyenteje. Yäätonno cönennacaicho Diitada ña, Icooniyo ña mmaja, Antiyooquía ña mmaja.

DOSECHO 16:5

Mädääje tameedä Quidiito sotoi cönä’jädu’ta’to; anooto waadäi quedeiyentecoomo cöneejanga’to.

DOSECHO 17:12

Wanna cöneecamjöicho tönwanno; wanna mmaja quidiiyeecocoomo, wodiiñamo täneejuca’como mmaja, dhanwaacomo mmaja.

DOSECHO 2:39

Änwanno owwoncomooje na yää Wanaadi necamma’jödö, ännacontoncomo wwoncomooje mmaja, tameedä amoincha’como wwoncomooje mmaja, tameedä Cajiichaana Cöwaanadiiyöcoomo na’dejjadööje töweiyaamo wwoncomooje mmaja; quee cönä’döaacä Peedhodo.

DOSECHO 2:41

Yaawä ñanno dha’deddu ecaanö’nnamo wautisaaje cönä’döjoicho. Yää anooto awä aaduwaawä miide quedeiyenteje cönä’döicho.

DOSECHO 4:21

Yaawä ñanno soto cajiichaanaichomo töwwäiñe Peedhodo euwö’jejeiñe cönenno’jaicho. Tönwanno imaaminchajaiñe’da cönä’ja’to tameedä soto aashicha töwa’deuwe yeichomjäcä Wanaadi jäcä, yää cöneeja’dätäichö jäcäinchädä.

DOSECHO 4:33

Ñanno anonta’como jooje jäduuje töneecammajä’e cönä’ja’to töwäämaajo jonno Cajiichaana. Jesuuquidiito waadonca’jödö jäcä. Wanaadi tameedä töni’wa’täiñe töweiye cönä’jaacä.

DOSECHO 4:4

Yääje yeichaame ñanno Peedhodo necammajäätö’jocoomo ecaanö’nnamo jooje cönä’ja’to. Dhanwaacomo quedeiyentecoomo cönä’ja’to ijaatoodea miideto dö’se.

DOSECHO 6:1

Yaawä quedeiyentecoomo cöneejanga’to jooje. Ñanno quidiiyeeco a’deucwa’como cönenta’me’ca’to yaawä judhío a’deucwa’como jäcä. Tönwanno cönä’döa’to: —Anooto waadäi äwanshi ecaamodaawä chääwa’cä ä’tu’da weneene ñaa jimmä iiño wääma’jödö wwäiñe; quee cönä’döa’to.

DOSECHO 6:7

Yaawä Cajiichaana Jesuuquidiito a’deddu jooje cöneejangacä. Wanna soto quedeiyenteje cönä’döjoicho Jeduusadén ña; Wanaadi wwä töwa’deuwaamo jadä’jödöödä cöneecamjöicho.

DOSECHO 9:31

Yaawä tameedä Quidiito sotoi täncanoode’da cönä’ja’to; jäduujeiñe cönä’ja’to dea, ñanno Judheea ñancomo, Caadideea ñancomo mmaja, Samaadiya ñancomo mmaja. Tönwanno tönoiñe Cajiichaana Jesuuquidiito töneene cönä’ja’to. Epíiditu Santo ni’wa’tädö que jooje cöneejanga’to.

DOSECHO 9:35

Tameedä Diida ñancomo, Sadón ñancomo mmaja cöneenea’to. Tönwanno töwäätunnäichomo cöne’nomjaicho yaawä Cajiichaana Jesuuquidiito ecamjödö wetä.

DOMAANO 14:18

Ñäädä mädä tödööancädä Quidiito wwä tödöönei, Wanaadi na’cwaima, soto wacö’jeiñe mmaja.

DOMAANO 8:30

Ñanno töne’tä’jödö Wanaadi cöna’dejjaicho dea; töna’dejja’jödö töjaadonooje cönnöicho; töjaadonooje tönnö’jödö aashicha töweiyaamoje mmaja cönnöicho dea.

DOMAANO 9:27

Iisadaaediita weicho’como jäcä mmaane edääje Isaía cöneecammai: “Sa’dada wa’cä Iisadaaeeda atöödö weichaame wanna’da mma nääwanaacaato’de.

1 CODINTIYO 1:18

Cuduusa jäcä Quidiito wääma’jödö jäcä ecammajäätödö na i’jeta’jödö nönge ñanno töwännanö’aamo wwäiñe; cönwanno töwääwanaacaamo mmaane cowaanäcäiñe na Wanaadi jäduuduje yeichö.