DOSECHO 2:45 - Wanaadi A'deddu

⁴⁵ Tönwanno tönsomaadöcoomo töneejemaajo cönä’ja’to, tameedä töwwäiñe cönä’ja’dö; yaawä chääje’jödö töneecamo cönä’ja’to anejjacoomo wwä, a’que yeichö woije.

DOSECHO 2:45 ပူးပေါင်းရင်းမြစ်များ

MATEO 19:21

Jesuuquidiito cönä’döaacä chäwwä: —Chäänönge jeene awei’she aweiya’jäcä, tameedä äwwono ejeemajoota, änsomaadö, anaudädö mmaja. Chääje’jödö u’jä’cä yaawä a’ca’como wwä, caju ñaane tönsomaaque meiye. Ä’cäde’de yaawä, jaadä meiye; quee cönä’döaacä Jesuuquidiito.

DUUCA 16:9

“Yääje wä’döa äwwäiñe, edä nono conemjönö de’wono mösooma que aashichaato tödöötäcä’de ajimmotoncomo jäcä; yää mösooma wataamea’jäcä adha’dejjannamo töweiye yeichö wetä, weichojo töwaatamemjönö ña äwä’döa’comjäcä.

DUUCA 18:22

Yää eta’jäcä töwwä, Jesuuquidiito cönä’döaacä: —Töweiye dea na tooni äwwä tödööemö. Tameedä äwwono ejeemajoocä, änsomaadö, anaudä’jödö mmaja. Chääje’jödö u’jä’cä yaawä a’ca’como wwä, caju ñaane tönsomaaque meiye. Ä’cäde’de yaawä, jaadä meiye; quee cönä’döaacä Jesuuquidiito.

DUUCA 19:8

Saqueeo cönammöi yaawä; cönä’döaacä Cädhaajotoncomo wwä: —Cajiichaana, eduuwa önsomaadö annai wu’jä’a’de wentumja’como wwä. Yää soto encu’täjä’ancädäiñe öncana’ca’jödö wiiñaca’de chäwwäiñe, aacäicheeade; quee cönä’döaacä Saqueeo.

DOSECHO 11:29

Yaawä quedeiyentecoomo Antiyooquía ñancomo cöna’deuwöicho töjimmotoncomo Judheea ñancomo wwadäädä jödaata adoojodö wetä, i’wa’toto’comooje yää ämi awä. Töwaadäiñe cuntuicho u’jai töweichöcoomo woije.

DOSECHO 4:34

Yäntunamjödö ’je’da cönä’jaacä dhantawäiñe. Ñanno tönaudäca’como, tömmaicha’como mmaja, yää töneejemaajo cönä’ja’to;

DOSECHO 4:35

chääje’jödö tunu’e cönä’ja’to yaawä anonta’como wwä. Ñanno töneecamo cönä’ja’to yaawä a’ca’como wwä.

2 CODINTIYO 9:1

Äwwadäädäiñe imennäjai’cha weichaame yää quedeiyente i’wa’toto’como i’jummadö jäcä,

2 CODINTIYO 9:9

Edääje Wanaadi a’deddu imennaajä nä’döa: Töwö ewontancädä’da tunu’e weneene a’ca’como wwä; yeichöödä töweiyemööje na yää aashichaato iiñö’jödö; quee imennaajä nä’döa.

1 JUAN 3:17

Ñäädä töwwä töweiyato, töweichacoono a’que eneetaame ani’wa’täjöönö, Wanaadi nutuudu wä’jummanä ’je’da na ñäädä wwä.