DOSECHO 2:43 - Wanaadi A'deddu

⁴³ Tameedä ñanno quedeiyentecoomo tönoiñe äneetä cönä’ja’to. Anonta’como tönnöe cönä’ja’to jooje aashichaato, ene’ju’tojo mmaja.

DOSECHO 2:43 ပူးပေါင်းရင်းမြစ်များ

MAADOCO 16:17

Edääje na’de täneemö ecaanö’nnamo ene’ju’to’como: Tönwanno odo’sha nija’canö’jaato’de öwö yeetö joi. Anejja a’deucwe na’deuwaato’de.

DUUCA 7:16

Yää eneea’jäcä tameedä soto cönääcatoncaicho yaawä; aashicha Wanaadi jäcä cöna’deuwa’to; cönä’döa’to: —Wanaadi wa’deuwödö ecammanei täneejucaato määdhä cantawäiñe naadö. Tösootoi töneene dämma töwö Wanaadi; quee cönä’döa’to.

DUUCA 8:37

Yaawä tameedä ñanno Cadhaada ñancomo Jesuuquidiito cönenno’ja’to töjonnoiñe, tösaade töweijäcäiñe. Yääje yeijäcä Jesuuquidiito cönä’täi yaawä cudiiyada aca, töwennacaadöcoomo wetä.

JUAN 14:12

Chäänönge yääje wä’döa äwwäiñe, öwö yeecanö’nei, öwö önnödö nönge mmaja nödööa’dede. Önnödö e’jodhe’cä nödööa’de, Jaaja döiña öötädö weijäcä.

DOSECHO 2:22

“Yääje yeijäcä ya’deddu etaatäcä änwanno iisadaaediitacoomo. Ñäädä Jesuuquidiito Naasade ñano cönä’jaacä dhanwa chäänöngato. Äwwäiñe Wanaadi cöneene’ju’joi yääje yeichö täneemö tödööjodö que, ene’ju’tojo tödööjodö que mmaja, aashichaato tödööjodö que mmaja, yää Wanaadi chäwwä tönnöjo cönä’ja’dö aneenedööcomooje. Änwanno odhoowanääcäiñe na yääje yeichö.

DOSECHO 4:33

Ñanno anonta’como jooje jäduuje töneecammajä’e cönä’ja’to töwäämaajo jonno Cajiichaana. Jesuuquidiito waadonca’jödö jäcä. Wanaadi tameedä töni’wa’täiñe töweiye cönä’jaacä.

DOSECHO 5:5

Yää eta’jäcä Aananía cöne’duccai töwäämadööje mma. Tameedä yää jäcä etannamo’jödö cönääcatoncaicho jooje.

DOSECHO 9:34

Yaawä Peedhodo cönä’döaacä chäwwä: —Eneea, Jesuuquidiito adhaadonca. Aanöncä; adhe’wötö imoncä; quee cönä’döaacä. Yaawä dea mma ñäädä cönammöi.

DOSECHO 9:40

Yaawä Peedhodo cömja’canö’jojäätöicho jödo’na. Tä’mudhe töwö cönä’döi; Wanaadi wwä cöna’deuwöi. Yaawä yäämaajä ene’mancädä cönä’döaacä: —Aanöncä, Tawiita; quee. Ñäädä wodi cönäänushiichai yaawä; Peedhodo eneea’jäcä cönä’jäi yaawä.