DOSECHO 2:42 - Wanaadi A'deddu

⁴² Ñanno chäänönge tönnöe cönä’ja’to anonta’como wwä towaanomaadöcoomo; aashicha töweiye cönä’ja’to tönwannoje dea. Töwe’jumma töweiye cönä’ja’to Wanaadi wwä töwa’deuwödööcomo wetä, Santa Seena tödöödö weta mmaja.

DOSECHO 2:42 ပူးပေါင်းရင်းမြစ်များ

DUUCA 24:30

Yaawä chääjadäiñe töwääwashinchädaawä töwö uu cönannäjöi; chääjäcä cöna’deuwöi yaawä. I’yajäätödö’jo cunu’jätöi chäwwäiñe.

DUUCA 24:35

Yaawä ñanno aaco’como cöneecammajäätöicho yää ääma taawä töjääcäiñe yeeja’dätä’jödö, uu i’yajäätödaawä Jesuuquidiitoje yeichö töwwäiñe edantä’jödö mmaja.

DOSECHO 1:14

Tameedä ñanno weiñäje töwe’jumma cönä’ja’to Wanaadi wwä töwa’deuwödööcomo wetä Jesuuquidiito acontomo jadä, yeenö Madía jadä mmaja, anejjacoomo wodiiñamo jadäiñe mmaja.

DOSECHO 11:23

Iiña ñäädä wä’döa’jäcä cöna’cwainchai yaawä chääjäcäiñe Wanaadi nödöödö aashichaato eneea’jäcä. Töwö cönwätuujaicho yaawä ejääduqueejö’da yeiyancädäiñe Cajiichaana woije yeichöcoomo wetä.

DOSECHO 14:22

Iiñancomo quedeiyentecoomo cömjädu’ta’to, cönwätuuja’to dea ejääduqueejö’da yeichöcoomo wetä töneecamjödööcomo jonno. Edääje töwä’döe cönä’ja’to chäwwäiñe: —Cönwanno jooje cäntunaanö’aato Wanaadi döiña cöwä’döeejeiñe; quee Paudo töwä’döe cönä’ja’to quedeiyente wwäiñe.

DOSECHO 2:46

Anooto waadäi töwe’jumma töweiye cönä’ja’to Wanaadi weichojo taca. Tömmaichomo waadäi Santa Seena tönnöe cönä’ja’to; tujuumä töwääwashinchä cönä’ja’to dea, ta’cwaiñe töweiyancädäiñe, o’jodhe tötö’tajä’ancädäiñe’da mmaja.

DOSECHO 20:11

Yää ’jeje Paudo cönäncui chea cawä, maa taca. Santa Seena cönnöicho yaawä. Yää ’jeje töwääwashinchädö’jo jooje’cä Paudo cöneecammajäätöi chäwwäiñe, yaawaanadö jonaane. Yää ’jeje cöntäma yäätonno.

DOSECHO 20:7

Yaawä semaana waajäntädö anootoi’chädö awä quedeiyentecoomo cöne’jummaicho Santa Seena tödöödö wetä. Paudo cöneecammajä’acä chäwwäiñe. Yää jenamma naadöje töwö iichotoojo cönä’jaacä; yääje yeijäcä yo’taca tödööene cöneecammajä’acä.

DOSECHO 4:23

Yääje mma yaawä tonno’ja’comjäcä ñanno Peedhodo, Juan cöntonto töjimmotoncomo döiñaiñe. Chäwwäiñe cöneecammajäätöicho töwwäiñe tameedä Wanaadi wwä töwa’deuwaamo edhaajotoncomo wa’deuwö’jocoomo, inchoncomo wa’deuwö’jocoomo mmaja.

DOSECHO 4:31

Yää ’jeje töwa’deuwödööcomo jäcä töwä’ca’comjäcä conäätu’mei yaawä ye’jumma’como dö’tä. Tameedä tönwanno Epíiditu Santo jäduudu ’je cönä’döicho; tösaade’da Wanaadi a’deddu cöneecammajä’a’to.

DOSECHO 6:4

Ñaa mmaane Wanaadi a’deddu ecammajäätödö jäcä eijai ñaa na, Wanaadi wwä wa’deunä jäcä mmaja; quee cönä’döa’to anonta’como quedeiyente wwäiñe.

DOMAANO 12:12

Ta’cwaiñe eichäcä onwomoocödööcomo jäcä. Aashicha shinchätääcä äwäntunamjödööcomo. Yeichöje Wanaadi wwä adha’deutäcä.

1 CODINTIYO 10:21

Änwanno emjai’cha maato Cajiichaana Jesuuquidiito wwono, odo’shancomo wwono entaame mmaja. Änwanno täu’jai’cha maato Cajiichaana Jesuuquidiito wwono, odo’shancomo wwono täu’taame mmaja.

1 CODINTIYO 11:2

Jimmä, äjääcäiñe ta’cwaiñe wäänene öwö jääcä tötö’tajä’e aweichomjäcä, chäänönge tönnöe aweichomjäcä mmaja äwwäiñe neecammajäätödö’jödö.

1 CODINTIYO 14:6

Jimmä, edääje yeiya’jäcä naadö naane’, anejja a’deucwe wa’deuwancädä adöiñaiñe ööta’jäcä, ¿aaquene mmaja mani’wa’tätäädö deeade’ ? Öwwä Wanaadi neneejo’jödö jäcä täcammajä’emö dha’me ööta’jäcä mmaane ä’wa’täjaiñe wa, chäänöngato wätunnä jäcä ecammajäätödö dha’me weiya’jäcä jeiñe mma, Wanaadi a’deddu täcammajä’emö dha’me jeiñe mma, odhoowanoomato’como dha’me jeiñe mma; mädä nöngato dha’me ööta’jäcä ä’wa’täjaiñe wa.

CAADATA 1:6

Öwö jooje cone’da wa numa’da äwwäiñe Wanaadi e’nomjadö weijäcä, ñäädä Jesuuquidiito nutuudu aashichaato que adha’dejjaneichomo’jödö. Anejja wätunnä jäcä daja määsecaato eduuwa.

EUJEESIYO 2:20

Maa amääajä töweiye naichöje maato; änwanno tösö’ma maato anonta’como necammajäätö’jocoomo de’wä, Wanaadi wa’deuwödö ecammannamo’jödö necammajäätö’jocoomo de’wä mmaja, maa a’täi ye’wä shö’madö töweiye naichöje. Jesuuquidiito mmaane anno’tojooje na, yää täju tameedä chä’sejöije töweiye naichöje, täju que maa amäädawä.

EUJEESIYO 6:18

Tameedä mädä tödöötäcä yeichöje Wanaadi wwä awa’deuwancädäiñe Epíiditu Santo ni’wa’tädö que; chäwwä adha’deutäcä ämjummadööcomo e’ca’ancädä. Odhoowadäädäiñe eichäcä mädä jäcä, aweejäduuque’ancädäiñe’da, tameedä Wanaadi sotoi jäcäiñe Wanaadi wwä awa’deuwancädäiñe.

JIDIIPENSE 1:5

ö’wa’tä’jödö weijäcä äwwäiñe aashichaato wätunnä ecammajäätödö jäcä, awa’deene äwwäiñe eta’jödö jonnoto’jödöödä eduuwa naadö jona tödööene.

CODOOSENSE 1:23

Töwö mädääje ayöödöaato’de ecamjödööje dea aweiya’comjäcä, jäduuje aweiya’comjäcä mmaja, wo’womo’nä jonno ääsecaajo’da aweiya’comjäcä mmaja, yää aashichaato wätunnä necammajäätödö metaatäneedö jonno. Yää aashichaato wätunnä tameedä soto wwäiñe nätääcammajä’a, öwö Paudo ecammajä’neije waadö.

CODOOSENSE 4:2

Yeichöje Wanaadi wwä adha’deutäcä, töwö ya’deme’cancädä, odhoowadäädäiñe aweiyancädäiñe mmaja.

2 TIIMOTEO 3:14

Amäädä mmaane owoowanooma’jödö nöngeedä eichä, yää chäänönge mecaanö’nedö, odhoowanääcä yeijäcä odhoowanoomanei’jödö.

EEWEDEO 10:25

Cöwe’jummadööcomo e’nomjajai’cha caato, dhantai tä’da weneenetoodöje’daane. Töwä’wätuuja mmaane ä’wätuujajai caato, jooje’cä jeene eduuwa, amoinche’da Cajiichaana Jesuuquidiito we’tojo weijäcä.

EEWEDEO 10:39

Ñannojöönööne cönwanno töwännamjödööcomo wetä iiña mmaja töwennaca’comoojönööne; ecamjödö ’ja’comoone cönwanno, töwääwanaacaamoone.

1 JUAN 1:3

Töneene’jödö, töneeta’jödö mmaja ñaa necammajä’a äwwäiñe, ääjimmäje cöweichöcoomo wetä. Cönwanno caato Cumöötoncomo jadoonoje, Iiñedö Jesuuquidiito jadoonoje mmaja.

1 JUAN 1:7

Dha’da ’quene tawaanato ai cöwäämannä’a’comjäcä, töwö Wanaadi tawaanato aca naadöje mmaja, ääjimmäje caato yaawä, Iiñedö Jesuuquidiito aquiiyö nichocca yaawä tameedä cöcoone’nadiiyöcoomo.

1 JUAN 2:19

Tönwanno cönä’sancwajoicho cöjaadäiñe töweichöcoomo jonno. Cöjimmotoncomo neenejöönö cönä’ja’to. Dha’da ei’jo mmaane cösancwatäiñe’da eichö cöneiya’to. Tönwanno cösancwatääne täne’ju’dhe yeichö wetä cöjimmotoncomo neeneje’da töweichöcoomo.

JUUDHA 1:20

Änwanno mmaane jimmä umjummadö, jooje’cä aatö’nä’täcä aneecamjödööcomo aashichaato que. Epíiditu Santo jäduudu que adha’deutäcä Wanaadi wwä.