DOSECHO 2:4 - Wanaadi A'deddu

⁴ Tameedä tönwanno Epíiditu Santo jäduudu ’je cönä’döicho yaawä; cönaajäntoicho yaawä anejja a’deucwe töwa’deuwödööcomo, Epíiditu Santo nutuudu woije.

DOSECHO 2:4 ပူးပေါင်းရင်းမြစ်များ

MATEO 10:19

Yaawä äcamma’jonnamo wwä ayuutudaawäiñe, mätäncano’tätäi’che awa’deuto’como jäcä, äwwäiñe ecammajo’tojo jäcä jeiñe mma. Äwwäiñe eccujo’tojo cu’nädö aca yä’döa’jäcä Wanaadi nu’a’de awa’deuto’como.

MAADOCO 16:17

Edääje na’de täneemö ecaanö’nnamo ene’ju’to’como: Tönwanno odo’sha nija’canö’jaato’de öwö yeetö joi. Anejja a’deucwe na’deuwaato’de.

DUUCA 1:15

Wanaadi wwä täneejuque na’de ännedö. Töwö aneenö’da na’de chääjedöödö eccudu, tödäu’cwato aneenö’da mmaja. Epíiditu Santo ’je na’de töwennudu owaajodä’jödöödä.

DUUCA 1:41

Madía wa’deuwödö eta’jäcä Ediisawé wwä, iiñedo cönä’jimiichöi iwenwaca. Epíiditu Santo ’je Ediisawé cönä’döi yaawä.

DUUCA 1:67

Yääje mma yaawä yuumö Saacadía Epíiditu Santo ’je cönä’döi; Wanaadi woije cöna’deuwacä; cönä’döaacä:

DUUCA 12:12

Epíiditu Santo odhoowanoomaato’de awa’deuto’como jäcä, äwwäiñe eccujo’tojo cu’nädö aca yä’döa’jäcä; quee cönä’döaacä Jesuuquidiito.

DUUCA 21:15

Öwööne wu’a’de äwwäiñe awa’deuto’como, asejjedööcomo mmaja, tameedä ätu’de’tännamo wwäiñe ä’cana’cajo’da aweicho’como. Tönwanno eccujo’tojo ’je’da naato’de yaawä.

DUUCA 4:1

Jesuuquidiito cönennacai yaawä Joodadán ñanno, Epíiditu Santo jäduudu ’je. Jata ’jemjönö aca cöntämä yaawä Epíiditu Santo nanontädö woije.

JUAN 14:26

Öwö ne’catäädö woije Jaaja nanonta’de Ä’wa’täneichomo, ñäädä Epíiditu Santo. Ñäädä Epíiditu Santo odhoowanoomaato’de tameedäädä; ätö’tamme’jaato’de tameedä neecammajäätö’jödö.

JUAN 20:22

Yaawä ye’cäcäiñe cöna’jiimai; cönä’döaacä chäwwäiñe: —Epíiditu Santo ’je ä’dötääcä.

DOSECHO 1:5

Juan Wautiita wautisaaje tönnöe cönä’jaacä tuna que; änwanno mmaane wautisaaje mä’döjaato’de Epíiditu Santo queene, wanna anoototo ai’cha mma; quee cönä’döaacä Jesuuquidiito chäwwäiñe.

DOSECHO 1:8

Änwanno äjääduduucomo na’de Epíiditu Santo yä’ta’jäcä äjääcäiñe. Yaawä cäcammajä’ato’de Jeduusadén ña, tameedä Judheea ña mmaja, Samaadiya ña mmaja, tameedä yeichö wa’cä edä nono de’wä; quee cönä’döaacä Jesuuquidiito.

DOSECHO 10:46

Tönwanno cöneeta’to anejja a’deucwe ya’deuwödööcomo, aashicha Wanaadi jäcä ya’deuwödööcomo mmaja.

DOSECHO 10:47

Yääwä Peedhodo cönä’döaacä: —Wautisaaje ännöjo’da eijai’cha caato canno, tönwanno mmaja Epíiditu Santo ’je yä’döeetöcoomo’da, cönwanno caatoodöje mmaja; quee cönä’döaacä Peedhodo ñanno Conneediyo jäcäiñe.

DOSECHO 11:15

Yaawä chäwwäiñe ecammajäätödö waajänta’jäcä Epíiditu Santo cönä’täi chääjäcäiñe, awa’deene cöjääcäiñe cönä’täichöje mmaja.

DOSECHO 11:24

Töwö Waanawé cönä’jaacä aashichaato, Epíiditu Santo jäduudu ’je, ecamjödö ’je mmaja. Jooje soto Cajiichaana Jesuuquidiito cöneecamjöicho.

DOSECHO 13:52

Tameedä quedeiyentecoomo ta’cwaiñe töweiye cönä’ja’to, Epíiditu Santo jäduudu ’je mmaja.

DOSECHO 13:9

Yaawä Saudo, Paudoje mmaja chäätö cönä’ja’dö, Epíiditu Santo jäduudu ’je cönä’jaacä; yäätäädä cöneene’maacä ñäädä jöwai;

DOSECHO 15:8

Töwö Wanaadi dhowaanäcä na tameedä soto tö’tajäätödö. Töwö judhíojöncomo tösootoije tödööjai töweichö eneejodööje Epíiditu Santo cuntui chäwwäiñe, cöwwäiñe cuntuichöje mmaja.

DOSECHO 19:6

Paudo tamäädö tödööa’jäcä ye’cäcäiñe Epíiditu Santo cönä’täi yaawä chääjäcäiñe; anejja a’deucwe cöna’deuwa’to yaawä; Wanaadi nutuudu woije cöneecammajä’a’to dea.

DOSECHO 2:11

Quedeeta ñancomo mmaja eetä naato dea, Adaawiya ñancomo mmaja. Cöwaadäiñe ca’deucweiñe ya’deuwödööcomo queetaato Wanaadi nödöödö aashichaato jäcä; quee cönä’döa’to ñanno judhío.

DOSECHO 2:3

Chäwwäiñe cönäämecantäi yaawä wa’to wätuudinchädö nönge.

DOSECHO 4:31

Yää ’jeje töwa’deuwödööcomo jäcä töwä’ca’comjäcä conäätu’mei yaawä ye’jumma’como dö’tä. Tameedä tönwanno Epíiditu Santo jäduudu ’je cönä’döicho; tösaade’da Wanaadi a’deddu cöneecammajä’a’to.

DOSECHO 4:8

Yaawä Peedhodo Epíiditu Santo jäduudu que cönä’döaacä chäwwäiñe: —Etaatäcä änwanno soto cajiichaanaichomo, änwanno mmaja iisadaaediita ntonta’como.

DOSECHO 6:3

Yääje yeijäcä ajimmotoncomo aneedantätääcä aacä amoojato dhanwaacomo, aashicha’como chääcadö dea, towaanojo’na’como, Epíiditu Santo jäduudu ’ja’como mmaja. Ñanno wwäiñe mädä tödööjotääcä.

DOSECHO 6:5

Yääje ya’deuwödööcomo yaacö’comje cönä’jaacä ñanno. Yaawä tönwanno cöneewaacaicho Eteewa; ñäädä cönä’jaacä Epíiditu Santo jäduudu ’je; jooje töneecanö’e cönä’jaacä. Jediipe mmaja cöneewaacaicho dea; Podoocodo mmaja; Niicanoodo mmaja; Timón mmaja; Paadameena mmaja; Niicodá mmaja, ñäädä Antiyooquía ñano, judhíoje yääwaacaajä.

DOSECHO 6:8

Eteewa wwä cönä’jaacä Wanaadi nutuudu ecaanö’tojo; Wanaadi jäduudu ’je cönä’ja’dea. Töwö soto neneedöcoomoje aashichaato tönnöe cönä’jaacä, ene’ju’tojo mmaja.

DOSECHO 7:55

Yaawä töwö Eteewa cönä’jaacä Epíiditu Santo jäduudu ’je; caju ña cöneene’maacä; Wanaadi nnataadö cöneeneaacä yaawä. Jesuuquidiito mmaja cöneenea’dea jiid Wanaadi nnäcä, ämu’demjönö dö’se.

DOSECHO 8:17

Yaawä Peedhodo, Juan tamäädöcoomo cönnöicho ye’cäcäiñe; Epíiditu Santo ’je ñanno cönä’döicho yaawä.

DOSECHO 9:17

Yääje mma yaawä Aananía cöntämä yaawä Saudo e’saca. Töwoomonga’jäcä tamäädö cönnöi Saudo de’wä; cönä’döaacä chäwwä: —Weichacoono Saudo, Cajiichaana Jesuuquidiito yaanontäi sadä adöiña, ñäädä ääma tai aweejödaawä äwwä cönäänejoichö. Töwö yaanontäi töneene äwä’dödö wetä, Epíiditu Santo jäduudu ’je äwä’dödö wetä mmaja; quee cönä’döaacä Aananía Saudo wwä.

DOMAANO 15:13

Ñäädä Wanaadi, cönwomoocödööcomo u’neije na; töwö adha’cwaniiyöcoomo nu’a, täncanoode’da aweicho’como mmaja, täcamjödö jäcäinchädä. Yaawä Epíiditu Santo woije wo’womo’nä ’je eijai maato.

1 CODINTIYO 12:10

Anejja wwä nä’tua täneemö tödöötojo; anejja wwä ’quene Wanaadi nutuudu woije ecammajo’tojo. Anejja wwä nä’tua Epíiditu Santo woijatooje yeichö chö’tamme’tojo, odo’sha woijatooje yeichö jeiñe mma. Anejja wwä nä’tua anejja a’deucwe ya’deutojo; anejja wwä ’quene anejja a’deucwe wa’deuwö’jä ecammajo’tojo.

1 CODINTIYO 13:1

Anejja soto a’deucwe wa’deuwa’jäcä, amoode a’deucwe mmaja, wä’jummanä ’je’da weichaame, samjuda wä’dheucwadö nönge mma wa yaawä, jadancaana wä’dheucwadö nönge jeiñe mma.

1 CODINTIYO 13:8

Wä’jummanä ataame’da na’de. Wanaadi nutuudu woije ecammajäätödö mmaane nataamea’de, anejja a’deucwe wa’deunä mmaja; towaanojo’ne weiñä mmaja nataamea’dede.

1 CODINTIYO 14:18

Wanaadi chea öwwä cuntui adhe’jodheiñe anejja a’deucwe weichojo.

1 CODINTIYO 14:5

Tameedä änwanno anejja a’deucwe awei’sheiñe waadö’je; Wanaadi woije ecammajäätödö mmaane jooje’cä jeene äwwäiñe yei’she wa. Yää ecammajäätödö anejja a’deucwe wa’deunä e’jodhe’cä na, täcamma’da ya’deuwö’jödö yeiya’jäcä, tameedä quedeiyentecoomo ä’jädu’täiyeto yaawä.

EUJEESIYO 3:19

Yääje yeijäcä odhoowanääcäiñe yei’she wa Quidiito cujummatäiñe yeichö, tameedä jeene cowaanäcäiñe tödööjai’cha cöweichaameiñe. Mädääje na; tameedä Wanaadi weichö ’je awei’sheiñe wa.

EUJEESIYO 5:18

Ä’dacu’da eichäcä; yääje weiñä wecoone’manä nejoodöja. Epíiditu Santo jäduudu ’jeene eichäcä.

EUJEESIYO 6:18

Tameedä mädä tödöötäcä yeichöje Wanaadi wwä awa’deuwancädäiñe Epíiditu Santo ni’wa’tädö que; chäwwä adha’deutäcä ämjummadööcomo e’ca’ancädä. Odhoowadäädäiñe eichäcä mädä jäcä, aweejäduuque’ancädäiñe’da, tameedä Wanaadi sotoi jäcäiñe Wanaadi wwä awa’deuwancädäiñe.

1 PEEDHODO 1:12

Wanaadi chäwwäiñe cöneecammai yää chäwwoncomooje’da yeichö, cöwwoncomoojeene. Yää äwwäiñe täcamma na eduuwa aashichaato wätunnä ecammajä’nnamo wwäiñe, ñäädä Epíiditu Santo caju ñanno anontaajä jäduudu que. Wanaadi amoodedö mmaja towaanäcäiñe yei’she naato dea yää.

2 PEEDHODO 1:21

soto woije yoojodö’jödööjönö, Wanaadi woijeene ñanno dhanwaacomo aashicha’como cöneecamma’to, Epíiditu Santo ne’se’tädööje.