DOSECHO 2:37 - Wanaadi A'deddu

³⁷ Yää se’ne cöneetaicho ñanno soto; tönwanno Peedhodo cöneecamma’joicho yaawä, anejjacoomo anonta’como mmaja: —¿Ane’cäämö tödööjai ñaa nai, jimmä? quee cönä’döa’to.

DOSECHO 2:37 ပူးပေါင်းရင်းမြစ်များ

DUUCA 3:10

Ñanno soto cöneecamma’joicho yaawä: —¿Ane’cäämö tödööjai ñaa nai, yääje yeiya’jäcä?

DUUCA 3:12

Acu’shänä jödaatai i’jummannamo cöneejoto dea Juan döiña, wautisaaje ä’döjo. Tönwanno cönä’döa’to chäwwä: —Owaanomaanei, ¿ane’cäämö tödööjai ñaa nai?

DUUCA 3:14

Suddaucoomo mmaja cöneecamma’joicho dea: —¿Ñaa ’na, ane’cäämö tödööjai ñaa nai? quee. Töwö cöneccujä’a’to: —Eemiyä’jä’ancädä mma anejja nödöödö manaadätäi’che yoije’da; iiña mmädä maneementätäi’chede iiñödö que enwajiiñadö wetä. Adheejema’jocoomo de’wä mma awääjemaajo’seiñe meichäi’che; quee cönä’döaacä Juan suddau wwäiñe.

JUAN 8:9

Ñanno wodi ene’nnamo’jödö cone’da cönä’döjoicho yaawä täwaanöcoomo jäcä. Tönwanno cöneeja’caicho yaawä tooni nshai, inchoncomo awa’de, mudeeshi jona tödööene. Jesuuquidiito mma töjääcäjeene cöno’nomjoi yaawä, ñäädä wodi acä mma.

DOSECHO 1:16

—Änwanno jimmä, jenaadä Epíiditu Santo woije Dawí cöna’deuwöi Juudha weichojo jäcä, ñäädä Jesuuquidiito ajäiñamo adääneichomo’jödö. Mädääje nä’döa Wanaadi a’deddu imennaajä jäcä. Yääje yeijäcä yää imennaajä wä’dödö nönge yeeja’do’tojo cönä’jaacä.

DOSECHO 22:10

Yaawä wä’döaaquene: “ ¿Ane’cäämö tödööjai wanä, Cajiichaana?” quee. Töwö Cajiichaana cönä’döaacä yaawä: “Aanöncä, Damaacu ña äjääne. Yäätä äwwä tödööemö nätääcamma’de äwwä;” quee cönä’döaacä.

DOSECHO 5:33

Yää eta’jäcä ñanno wwäiñe jooje cönäätömaicho yaawä, anonta’como ema’seiñe tödööene.

DOSECHO 7:54

Yääje ya’deuwödö eta’jäcä chäwwäiñe, ñanno cajiichaanacoomo, Wanaadi wwä töwa’deuwaamo mmaja, cönäätömaicho yaawä; jooje cone’da cönä’ja’to Eteewa jäcä.

DOMAANO 7:9

Jenaadä waanontänä ’je’da weichö nudooto wa’cä töweiye wä’jaaquene. Yaawä yää waanontänä conemjönö cöneene’ju’joi öwwä; wäämane yaawä.