DOSECHO 2:30 - Wanaadi A'deddu

³⁰ Töwö Dawí cönä’jaacä Wanaadi a’deddu ecammaneije; töwö dhowaanäcä cönä’jaacä töwwä Wanaadi necamma’jödö tatöödöje Äwaanacaanei weichojo, tönwacaanoje cajiichaanaje yeichojo mmaja.

DOSECHO 2:30 ပူးပေါင်းရင်းမြစ်များ

MATEO 22:43

Yaawä Jesuuquidiito cönä’döaacä chäwwäiñe: —Yääje yeiya’jäcä, ¿ane’que’nei Epíiditu Santo woije Dawí tädhaajäje cöne’taacä? Edääje töwö Dawí cönä’döa’dö naane’:

MATEO 27:35

Cuduusa jäcä Jesuuquidiito ajoijo’jeje ñanno suddau yoomö’jödö töwaadäiñe cöneemecantoicho, wä’cana’canä tödöödö’jo. Mädääje chäänönge cönä’döi Wanaadi wa’deuwödö ecammanei nimennä’jödö: “Woomö’jödö töwaadäiñe cönnöicho; wä’cana’canä cönnöicho chääjäcä;” quee imennaajä wä’dödö.

MAADOCO 12:36

Epíiditu Santo woije yääje Dawí cönä’döa’dö naane’: Cajiichaana cönä’döaacä Yeedhajä wwä: “Önnäcä ataajimaacä, ämu’demjönö dö’se, odho’cäi ätu’de’tännamo tödöödö wa’cä öwwä;” quee Cajiichaana cönä’döaacä; quee cönä’döaacä Dawí.

DUUCA 24:44

Yaawä töwö cönä’döaacä chäwwäiñe: —Yää öwö jääcä cöneeja’dätäichö cönä’jaacä ajaadäiñe weichö töneecammajä’e wä’jaaquennö nönge dea. Öwö äwwäiñe töneecammajä’e wä’jaaquene jääcä Moisé nimennä’jödö töweeja’dä’emooje yeichö, Wanaadi wa’deuwödö ecammannamo nimenno’jocoomo töweeja’dä’emooje yeichö mmaja, Wecanta’ñotoojo jajeedai’chädö jäcä naadö mmaja; quee cönä’döaacä Jesuuquidiito.

DOSECHO 1:16

—Änwanno jimmä, jenaadä Epíiditu Santo woije Dawí cöna’deuwöi Juudha weichojo jäcä, ñäädä Jesuuquidiito ajäiñamo adääneichomo’jödö. Mädääje nä’döa Wanaadi a’deddu imennaajä jäcä. Yääje yeijäcä yää imennaajä wä’dödö nönge yeeja’do’tojo cönä’jaacä.

DOMAANO 1:3

Yää wätunnä na Cädhaajotoncomo Jesuuquidiito jäcä, ñäädä Wanaadi nnedö. Töwö Jesuuquidiito cönä’jaacä Dawí atöödöje.

DOMAANO 15:12

Isaía mmaja edääje cömmennäi chea: Töweiye na’de Isaí atöödö, judhíojöncomo edhaajotoncomooje töweiyemö; ñanno judhíojöncomo necaanö’aato’de töwö; quee Isaía cömmennäi.

2 TIIMOTEO 2:8

Jesuuquidiito jäcä ätö’täcä, ñäädä töwäämaajo jonnoto waadonca’jödö, Dawí atöödö. Mädääje aashichaato wätunnä töneecammajä’e wäänene.

EEWEDEO 1:1

Jenaadä ta’deddu ecammannamo ai weiñäje Wanaadi töwa’deuwe cönä’jaacä cadai’choncomo wwäiñe, aneejejaiñene’jödöödä.

EEWEDEO 3:7

Yääje yeijäcä ätö’taque’täi’che Epíiditu Santo wä’dö’jödö jäcä, yää Wanaadi a’deddu imennaajä jäcä naadö. Edääje nä’döa yää: Eduuwa Wanaadi a’deddu eta’jäcä äwwäiñe,

EEWEDEO 4:7

Yääje yeijäcä anejja anooto Wanaadi cuncu’nä’täi yaawä, mädä eduuwa caatoodö. Wanna wedu yä’döa’jäcä Wanaadi cöna’deuwöi Dawí ntai, yää imennaajä jäcä naadö wecammannö. Edääje nä’döa yää imennaajä: Eduuwa Wanaadi a’deddu eta’jäcä äwwäiñe, töwäätuujacoone’da’daane eichäcä; quee.

EEWEDEO 6:17

Yääje yeijäcä Wanaadi chäänönge cönääcammai yaawä, töneecamma’jödö enennamo wwäiñe eneejodö wetä tötö’tajäätödö yäätonno eseecajai’cha töweichö.

EEWEDEO 7:21

Ñanno Wanaadi wwono wa’deuwödööje cönä’ja’todö mmaane Wanaadi wääcammadö que’da töwääwaaca cönä’ja’to. Jesuuquidiito mmaane Wanaadi wääcammadö que cönääwaacai. Edääje Wanaadi a’deddu imennaajä nä’döa mädä jäcä: Cajiichaana cönääcammai; yäätonno tötö’tajäätödö aninwacaama’da na’de: “Amäädä Wanaadi wwono wa’deuwödööje ma, yeichöödäje töweiyemööje, Mequiisedeeque cönä’ja’döje mmaja;” quee Cajiichaana wä’dödö na; quee imennaajä nä’döa.

2 PEEDHODO 1:21

soto woije yoojodö’jödööjönö, Wanaadi woijeene ñanno dhanwaacomo aashicha’como cöneecamma’to, Epíiditu Santo ne’se’tädööje.

APOOCADIISI 17:14

Tönwanno newäänä’taato’de Oweeja nnedö’cä jadä. Töwö Oweeja nnedö’cä ne’jodheinchaato’de, cajiichaanacoomo Cajiichaanaichomooje töweijäcä, ädhaamo Edhaajotoncomooje töweijäcä mmaja. A’dejja’como ñanno Oweeja nnedö’cä jadoncomo, Wanaadi neichö mmaja, chäänönga’como mmaja; quee cönä’döaacä amoode öwwä.

APOOCADIISI 19:16

Yoomö jäcä chäätö imennaajä cönä’jaacä, ijeetö jäcä mmaja. Cajiichaanacoomo Cajiichaanaichomo, ädhaamo Edhaajotoncomo mmaja, quee chäätö imennaajä cönä’jaacä.