DOSECHO 2:27 - Wanaadi A'deddu

²⁷ yä’ja’a’como weicho’como ña näämä’da aweijäcä, adhaanonö ämjummadö äncä’nojo’da aweijäcä mmaja.

DOSECHO 2:27 ပူးပေါင်းရင်းမြစ်များ

MATEO 11:23

Änwanno Cajeedamu ñancomo, ¿o’jodha’como wa’cä määcanö’ato? Yä’ja’a’como weicho’como ña dajaane mataadojootantäi. Yää aneenedööcomooje täneemö wödöönedö Sodhooma ña wännö’jo, ä’jajo’da eichö cöneiya’to eduuwa naadö jona tödööene.

MAADOCO 1:24

—¿Ane’cotoojo ñaa aquiima’se mannea, Jesuuquidiito, Naasade ñano? ¿Ñaa acoichajo ca meejä? Yoowanääcä dajaane ma, Wanaadi anoonö aashichaatoje aweichö; quee cönä’döaacä ñäädä odo’sha ’jano.

DUUCA 1:35

Amoode cönä’döaacä: —Epíiditu Santo nä’ta’de äjääcä; O’jodhaato jäduudu aneejonta’de. Yääje yeijäcä ñäädä ännedö töwennueemö Aashichaatoje nätä’täja’de, Wanaadi nnedööje.

DUUCA 16:23

Yä’ja’a’como weicho’como ña ñäädä tönsomaacato’jödö cönäädantäi yaawä, wäntunaanö’näje. Amoinche Aawadán cöneeneaacä, Dáasado chääjadä.

DUUCA 24:44

Yaawä töwö cönä’döaacä chäwwäiñe: —Yää öwö jääcä cöneeja’dätäichö cönä’jaacä ajaadäiñe weichö töneecammajä’e wä’jaaquennö nönge dea. Öwö äwwäiñe töneecammajä’e wä’jaaquene jääcä Moisé nimennä’jödö töweeja’dä’emooje yeichö, Wanaadi wa’deuwödö ecammannamo nimenno’jocoomo töweeja’dä’emooje yeichö mmaja, Wecanta’ñotoojo jajeedai’chädö jäcä naadö mmaja; quee cönä’döaacä Jesuuquidiito.

DUUCA 4:34

—Ñaa jäcä’daane eichä. ¿Ane’cotoojo ñaa aquiima’se mannea, amäädä Jesuuquidiito, Naasade ñano? ¿Ñaa acoicha ca meejä? Yoowanääcä dajaane ma, Wanaadi anoonö aashichaatoje aweichö; quee cönä’döaacä ñäädä odo’sha ’jano.

JUAN 11:39

Jesuuquidiito cönä’döaacä: —Täju eseecatääcä; quee. Yaawä Maadata, ñäädä yäämaajä jaduichömjödö, cönä’döaacä: —Owaanomaanei, töcääque na töwö eduuwa; aacäichea anooto nä’döi eduuwa yääma’jödö jonno yeichö; quee cönä’döaacä.

DOSECHO 2:26

Yääje yeijäcä ta’cwaiñe wä’jaaquene yeewanö jäcä; aashicha ya’deune dea. Täncanoode’da wäädeeta dea,

DOSECHO 2:28

Amäädä weichojo meneejone öwwä; ajaadä weichö que ca’cwaima’de; quee Dawí cöneecammai Jesuuquidiito wa’deuwö’jödö.

DOSECHO 2:31

Yääje yeijäcä dhowaajo eneedö’joto wa’cä Dawí cöneecammajäätöi töwäämaajo jonno Quidiito waadoncatoojo jäcä, yä’ja’a’como weicho’como ña ei’cha yeichojo jäcä mmaja, chääta’de yeichojo jäcä mmaja.

DOSECHO 3:14

Ñäädä aashichaato, chäänöngato mmaja, anu’cajo’da meiya’quene; soto emaanei’jödö mma mu’cajootäne.

DOSECHO 4:27

“Edä jataawä dea Edoodhe cöne’jummaicho Ponsiyo Pidaato jadä, judhíojöncomo jadä mmaja, iisadaaediitacoomo jadä mmaja. Tönwanno cöne’jummaicho ännedö aashichaato Jesuuquidiito chu’de’tädö wetä, ñäädä Äwaanacaaneije ane’tä’jödö.

1 CODINTIYO 15:52

jadheedä, wääni’yannu’nä ’cäwa’cä, yaatameedöje janau’cwa wäätöa’jäcä. Janau’cwa näätöa’de; yaawä yä’ja’a’como naadoncaato’de yäätonno töwä’ja’aamoje’da. Tameedä tönwacaama caato’de yaawä.

1 CODINTIYO 15:55

o’jodhe’da na eduuwa, jäduuje’da mmaja;” quee imennaajä wä’dödö naadö nönge na’de.

1 JUAN 2:20

Äwwäiñe mmaane Quidiito cuntui Epíiditu Santo; tameedä towaanojo’neiñe maato.

APOOCADIISI 1:18

Öwö ñäädä nudooto; wääma’jödö weichaame nudä wa eduuwa yeichöödäje. Wäämanä edhaajä öwö dea, yä’ja’a’como weicho’como edhaajä mmaja.

APOOCADIISI 20:13

Ñanno yä’ja’a’como cöneeja’caicho yaawä dama ’cwawonno, yä’ja’a’como weicho’como awonno mmaja. Tameedä cönä’mencajoicho yaawä töwaadäiñe tönnö’jocoomo woije.

APOOCADIISI 3:7

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Jiidadeujiya ñancomo quedeiyente edai’chäneichomo wwadäädä: “Edääje nä’döa ñäädä aashichaato, chäänöngato, Dawí jataadö yaawi’chädö edhaajä. Töwö ñaaducaadö anejja a’dujai’cha na; töwö ña’dudu anejja a’ducaajai’cha mmaja.