DOSECHO 2:24 - Wanaadi A'deddu

²⁴ Wanaadi cönaadoncai yaawä yäämaajo jonno. Mädääje Wanaadi wäämanä cöne’jodheinchai, töwö Jesuuquidiito wäämanä wwä oto’jodheinchajoojai’cha yei’jödö weijäcä.

DOSECHO 2:24 ပူးပေါင်းရင်းမြစ်များ

MATEO 27:63

cönä’döa’to chäwwä: —Cajiichaana, tötö’ta ñaa na ñäädä töwä’dunaato wä’dö’jödö nudä töweichö: “Aaduwaawä anoototo ai waadonca’de;” quee yä’dö’jödö.

JUAN 10:18

Anejja yeemajai’cha na; öwö woije dea weichö wu’a. Öwö dea weichö u’jai wa, öwö mmaja eijai wa dea. Mädääje Jaaja yaanontäne; quee cönä’döaacä Jesuuquidiito.

JUAN 10:35

Ñäädä Wanaadi ta’deddu tödönnamo wanaadija’comooje cöne’ta’to; cowaanäcäiñe na Wanaadi a’deddu imennaajä töquiiñeme’quemje’da yeichö.

JUAN 12:39

Yääje yeijäcä ecaanö’jai’cha cönä’ja’to. Edääje mmaja Isaía cömmennäi chea:

JUAN 20:9

Tönwanno äntö’tammecö’da dea cönä’ja’to Wanaadi a’deddu imennaajä wä’dödö töwäämaajo jonno Jesuuquidiito waadoncatoojo jäcä.

DOSECHO 1:16

—Änwanno jimmä, jenaadä Epíiditu Santo woije Dawí cöna’deuwöi Juudha weichojo jäcä, ñäädä Jesuuquidiito ajäiñamo adääneichomo’jödö. Mädääje nä’döa Wanaadi a’deddu imennaajä jäcä. Yääje yeijäcä yää imennaajä wä’dödö nönge yeeja’do’tojo cönä’jaacä.

DOSECHO 13:30

Yaawä Wanaadi cönaadoncai yäämajo jonno.

DOSECHO 13:37

Ñäädä mmaane chääta’da cöneiyacä, Wanaadi yäämaajo jonno cönaadoncaichö mmaane.

DOSECHO 17:31

Töwö Wanaadi cuncu’nä’täi soto emmencato’como anootoi’chädö. Chäänönge töwö nemmencajaato’de ñäädä dhanwa emmencaneichomooje töne’tädö wwä. Yääje yeichojo tacaade cönnöi yäämaajo jonno ñäädä dhanwa adoncadö que; quee cönä’döaacä Paudo Ateena ñancomo wwä.

DOSECHO 2:32

Ñäädä dea Jesuuquidiito Wanaadi cönaadoncai yäämaajo jonno; tameedä ñaa owaanäcä yääje yeichö, eneetö’da.

DOSECHO 3:15

Mädääje änwanno memaatäne ñäädä weichojo edhaajä. Yääje yeichaame Wanaadi cönaadoncai yäämaajo jonno; ñaa owaanäcä na yääje yeichö, eneetö’da.

DOSECHO 3:26

Yäämaajo jonno Tönnedö adonca’jäcä töwö Wanaadi cönaanontäi äwwadäädäiñe awa’de, aashichaato tödöödö wetä äjääcäiñe, awaadäiñe ocoone’nadiiyöcoomo e’nomjadö wetä yaawä äwwäiñe; quee cönä’döaacä Peedhodo soto wwäiñe.

DOSECHO 4:10

Yääje yeijäcä aneetadööcomooje ñaa necammajä’a, tameedä iisadaaediitacoomo dhowaanäcäiñe yeichö wetä Jesuuquidiito Naasade ñano eetö joi määdhä mene’maatoodö waadonca’jödö yeichö. Ñäädä dea Jesuuquidiito änwanno majoijotääne cuduusa jäcä. Wanaadi cönaadoncai yaawä yäämaajo jonno.

DOSECHO 5:30

Cadai’choncomo Wanaadiyö Jesuuquidiito cönaadoncai yäämaajo jonno, ñäädä cuduusa jäcä ajoijodö que memaatäneedö.

DOMAANO 10:9

Äntadö que äwwä ecammajä’a’jäcä Jesuuquidiito Cajiichaanaje yeichö, ätö’tajäätödö que ecaanö’a’jäcä mmaja Wanaadi wwä yäämaajo jonno adonca’jödö, yaawä töwääwanaaca ma’de.

DOMAANO 14:9

Quidiito cönäämai, cönaadoncai chea yää ’jeje, tameedä Cädhaajotoncomooje töweichö wetä, nudo’como Edhaajotoncomooje, yä’ja’a’como Edhaajotoncomooje mmaja.

DOMAANO 4:24

cönwanno cöjääcäiñe mmajaane yää tömennä na. Cöneecamjödööcomo jäcäinchädä mmaja Wanaadi töjaadonooje cödööato, cönwanno Wanaadi ecaanö’nnamo, ñäädä töwäämaajo jonno Cädhaajotoncomo Jesuuquidiito adoncanei’jödö.

DOMAANO 6:4

Wautisaaje cöwä’dödööcomo que Quidiito wääwaaca’jödö nönge mmaja cääwaacatääne dea; töwääma cä’ja’quene yaawä. Yaawä töwö Tumö jäduudu aashichaato woije töwäämaajo jonno cönaadoncai. Chääjadoonoje cöweijäcäiñe cönwanno mmaja caadoncatääne dea yaawä, eduuwaatoje cöweichöcoomo wetä.

DOMAANO 8:11

Töwö Wanaadi Quidiito cönaadoncai yäämaajo jonno. Wanaadi nanontädö Epíiditu Santo ataacaiñe yeiya’jäcä töwö Wanaadi adheejöcoomo nadonca’dede Epíiditu Santo ataacaiñe naadö ai.

DOMAANO 8:34

¿änääcö mmaja töwännanö’aamoje ane’tädööto deeade’ ? ¿Quidiito ’ja? Ng’jn, Quidiito dea dajaane cöjääcäinchädäiñe cönäämai, töwäämaajo jonno cönaadoncai chea. Töwö na eduuwa Wanaadi nnäcä, ämu’demjönö dö’se, chäwwä cöjääcäiñe wa’deunäje.

1 CODINTIYO 15:12

Quidiito töwäämaajo jonno yaadonca’jödö töneecammajä’e ñaa weichaame ¿ane’que’nei yääje töwä’döe määnetääne änwanno dhantai: “Töwäämaajo jonno waadoncanä ’je’da na;” quee?

1 CODINTIYO 15:15

Yä’ja’a’como waadoncato’como ’je’da yeiya’jäcä Wanaadi töneementä ñaa weneene yääje yeiya’jäcä, Wanaadi Quidiito adoncanei’jödööje töne’tä ñaa weijäcä, anaadonca’da yeichaame.

1 CODINTIYO 15:20

Yääje’daane na; töwaadoncaane Quidiito cönaadoncai töwäämaajo jonno. Töwö ñäädä awa’deenato yä’ja’a’como antawonnoiñe waadoncaajä, ñanno töwaadoncaamoje naatoodö antawonnoiñe.

1 CODINTIYO 15:4

Chääquejöödö cöneewaacaicho yaawä; aaduwaawä anoototo ai töwö cönaadoncai, Wanaadi a’deddu imennaajä wä’dödö nönge mmaja.

1 CODINTIYO 6:14

Wanaadi yäämaajo jonno Cajiichaana Jesuuquidiito cönaadoncaichöje mmaja töjäädudu que cadoncaato’de cönwanno.

2 CODINTIYO 4:14

Ñaa owaanäcä na ñäädä yäämaajo jonno Cajiichaana Jesuuquidiito adoncanei’jödö wwä ñaa adoncatoojo mmaja Jesuuquidiito jadä; yaawä ajaadäiñe töwö Wanaadi Jesuuquidiito weichojo dö’tä ñaa adääa’de.

CAADATA 1:1

Öwö Paudo, anontaajä, soto nanontädööcomoojönö, soto ne’tädööcomoojönö mmaja, Jesuuquidiito nanontädööne, Cumöötoncomo Wanaadi nanontädö mmaja, ñäädä yäämaajo jonno Jesuuquidiito adoncanei’jödö.

EUJEESIYO 1:20

töwäämaajo jonno Quidiito adoncadö que, töjääcä ämu’demjönö dö’se caju ña ajiimajoodö que mmaja.

CODOOSENSE 2:12

Änwanno wautisaaje wä’dönä que Quidiito jadä määwaacajootäne; chääjadä mmaja maadoncatääne dea, Wanaadi jäduudu töneecanö’e aweichomjäcä, ñäädä töwäämaajo jonno Quidiito adoncanei’jödö.

1 TEESADOONISENSE 1:10

Tönwanno dea töneecammajä’e weneeneto caju ñanno Jesuuquidiito weejödö womoocödööje aweichöcoomo, ñäädä Wanaadi nnedö, yäämaajo jonno Wanaadi cönaadoncaichö. Ñäädä Jesuuquidiito Cäwaanacaaneichomooje na conemjönö ne’a’dedö jonno.

EEWEDEO 13:20

Wanaadi ñäädä täncanoode’da weiñä edhaajä, yäämaajo jonno Cädhaajotoncomo Jesuuquidiito adoncanei’jödö mmaja. Jesuuquidiito ñäädä Cädai’chäneichomo jäduujato, oweeja edai’chäneichomo töweiye naichöjaato. Töwö Jesuuquidiito taquiiyö que chäänönge cönnöi eduuwaato weiñä ecammaajä, yää yeichöödotooje naadö.

EEWEDEO 2:14

Ñanno “önnacoomo” quee naadö, soto ecammancädäiñe yääje nä’döa. Yääje yeijäcä Jesuuquidiito sotooje cönä’döi, töwäämadö que wäämanä edhaajä e’jodheinchadö wetä yaawä, ñäädä odo’shaje naanei.

1 PEEDHODO 1:21

Jesuuquidiito ni’wa’tädö que Wanaadi mecaanö’ato, ñäädä yäämaajo jonno Jesuuquidiito adoncanei’jödö, chäwwä aashichaato u’nei’jödö mmaja. Yääje yeijäcä Wanaadi mecaanö’ato, miyoomo’cato dea.

APOOCADIISI 1:18

Öwö ñäädä nudooto; wääma’jödö weichaame nudä wa eduuwa yeichöödäje. Wäämanä edhaajä öwö dea, yä’ja’a’como weicho’como edhaajä mmaja.