DOSECHO 2:23 - Wanaadi A'deddu

²³ Yääje yeichaame äwwäiñe yä’tua’jäcä änwanno majäichäne; cuduusa jäcä ajoijodö que memaajotääne yaawä conemjöncomo wwä. Tameedä yää cönä’jaacä jenaadä Wanaadi nichö’tammecö’jödö woije, imjummadö woije mmaja.

DOSECHO 2:23 ပူးပေါင်းရင်းမြစ်များ

MATEO 20:19

Judhíojöncomo wwäiñe nu’aato’de yaawä enno’jätöödö wetä chäwwäiñe, aiju’jätöödö wetä mmaja, cuduusa jäcä ajoijodö wetä mmaja. Yaawä aaduwaawä anoototo ai töwö naadonca’de; quee cönä’döaacä Jesuuquidiito.

MATEO 26:24

Soto nnedö nä’döja’de töjääcä imennaajä naadöje dea. Yaawääne’ wentumje na’de ñäädä Soto nnedö u’nei’jödö. Ennu’da mmaane töwö eijai yei’jödö; quee cönä’döaacä.

MATEO 27:35

Cuduusa jäcä Jesuuquidiito ajoijo’jeje ñanno suddau yoomö’jödö töwaadäiñe cöneemecantoicho, wä’cana’canä tödöödö’jo. Mädääje chäänönge cönä’döi Wanaadi wa’deuwödö ecammanei nimennä’jödö: “Woomö’jödö töwaadäiñe cönnöicho; wä’cana’canä cönnöicho chääjäcä;” quee imennaajä wä’dödö.

MAADOCO 15:24

Yaawä cuduusa jäcä cönaajoijoicho. Yää ’jeje ñanno suddau Jesuuquidiito womö’jödö töwaadäiñe cöneemecantoicho, töwä’cana’cadööcomo’jo.

DUUCA 22:22

Soto nnedö nä’döja’de töwä’döjootojo nönge dea. Yaawääne’ wentumje na’de ñäädä Soto nnedö u’nei’jödö; quee cönä’döaacä Jesuuquidiito.

DUUCA 22:37

Edääje wä’döa äwwäiñe, Wanaadi a’deddu imennaajä naadöje töwä’döeemöje wa, yää edääje yä’dödö naichö: “Conemjöncomo jimmäje cöne’toicho;” quee. Tameedä yää Wanaadi a’deddu öwö jääcä tömennä naadö eja’dätä’da eijai’cha na; quee cönä’döaacä Jesuuquidiito.

DUUCA 23:33

Cönä’döicho yaawä Ye’caichö’jödö ña. Yäätä cuduusa jäcä cönaajoijoicho. Ñanno conemjönö dönnamo’jödö iiñäcä cönaajoijoicho dea, ääjato.

DUUCA 24:20

Yaawä Wanaadi wwä töwa’deuwaamo edhaajotoncomo, ñaa cajiichaanaichomo mmaja, cuntuicho ñäädä, emaadö a’de’tädö wetä, cuduusa jäcä ajoijojoodö wetä mmaja,

JUAN 19:18

Yäätä Jesuuquidiito cuduusa jäcä cönaajoijoicho. Aacä anejjacoomo mmaja cuduusa jäcä cönaajoijoicho dea; ääjato ñanno cönä’ja’to Jesuuquidiito nnäcä, Jesuuquidiito mmaane dhantawäiñe.

JUAN 19:24

Yääje yeijäcä tönwannoje dea suddau cönä’döa’to: —Änsedeijätö’da queichäiye; cöwä’cana’cato’como cännötäiye, chaana’canei’jödö töwwä tödöiye yaawä; quee cönä’döa’to. Mädääje Wanaadi a’deddu imennaajä wä’dödö nönge cönä’jaacä: “Woomö’jödö töwaadäiñe cönnöicho, wä’cana’canä tödöödö’jo;” quee imennaajä wä’dödö. Mädääje cönnöicho ñanno suddau.

DOSECHO 13:27

Ñanno Jeduusadén ñancomo, chäädhajootoncomo mmaja, dhowaanäcäiñe’da cönä’jaacä Äwaanacaaneije Jesuuquidiito weichö. Chäwwäiñe ääta’da töweiye cönä’jaacä Wanaadi wa’deuwödö ecammannamo nimenno’jocoomo, yää wäädee tatoojo anooto waadäi töwaata’de’tä weneenedö. Töwwäiñe Jesuuquidiito tämaamöje yeichö e’ta’jäcä tönwanno cönnöicho ñanno nimenno’jocoomo wä’dödö nönge.

DOSECHO 15:18

que nä’döa Cajiichaana, ñäädä jenaadä mädä cöneecadeeme’joichö; quee cömmennoicho Wanaadi wa’deuwödö ecammannamo.

DOSECHO 2:36

“Yääje yeijäcä tameedä iisadaaediitacoomo chäänönge towaanäcäiñe tödööjai ñaato ñäädä dea Jesuuquidiito cajiichaanaje tödö’jödö yeichö Wanaadi wwä, Äwaanacaaneije mmaja, ñäädä cuduusa jäcä majoijotäänedö dea; quee cönä’döaacä Peedhodo soto wwäiñe.

DOSECHO 3:18

Mädä ännö’jocoomo que chäänönge cönä’döi jenaadä Wanaadi necamma’jödö, yää töwa’deuwödö ecammannamo wwa cöneecammajoi. Edääje töwö cöneecammajoi chäwwäiñe: “Äwaanacaanei töwäntunaanö’emööje na;” quee.

DOSECHO 4:28

Mädääje tönwanno cönnöicho tameedä jenaadä äntö’tammecöödö woije töweeja’dä’emööje cönä’ja’dö.

DOSECHO 5:28

—“Jesuuquidiito jäcä soto monoowanoomatäi’che eduuwa;” que jönca ñaa cönä’döaacä äwwäiñe. Yääje yeichaame tameedä Jeduusadén ñancomo mi’jedaato äwäätunnäichomo que. Ñaa woijatooje töne’tä määnetääne ñäädä Jesuuquidiito ema’jödö; quee cönä’döaacä.

DOSECHO 5:30

Cadai’choncomo Wanaadiyö Jesuuquidiito cönaadoncai yäämaajo jonno, ñäädä cuduusa jäcä ajoijodö que memaatäneedö.

DOSECHO 7:52

¿Äshono ca Wanaadi wa’deuwödö ecammanei ämmamincha’da cöneiya’to ñanno adhaadai’choncomo? Tönwanno cöneemaicho ñanno jenaadä ñäädä aashichaato weejödö jäcä ecammannamo’jödö. Ñäädä aashichaato we’a’jäcä änwanno mu’täne yaawä, memaatäne dea.

DOMAANO 2:12

Ñanno jenaado’jä waanontänä towaanäcäiñe’da yeiyancädä conemjönö tödönnamo nännanö’aato’de yää waanontänä ’je’da yeichaame chäwwäiñe. Ñanno jenaado’jä waanontänä towaanäcäiñe yeiyancädä conemjönö tödönnamo mmaja nätämmencajaato’dede yää waanontänä imennaajä wä’dödö nönge.

DOMAANO 4:17

Wanaadi owaadäädä, ñäädä Aawadán cöneecamjöichö dea. Edääje Wanaadi a’deddu imennaajä nä’döa: “Wannacoomo soto adaichöje männöne;” quee. Ñäädä Wanaadi yäämaajo jonno adoncatä, a’cato töncatu’nacaajo mmaja.

1 TEESADOONISENSE 2:15

Ñanno judhíocoomo Cädhaajotoncomo Jesuuquidiito cöneemaicho, ñanno töjimmotoncomo Wanaadi wa’deuwödö ecammannamo cömjajoichodööje dea. Ñaa mmaja ñaa ja’canö’joneeto dea. Tönwanno Wanaadi woije’da weneeneto; tameedä soto tu’de’tännamooje naato.

1 PEEDHODO 1:2

Jenaadä töntö’tammecöödö woije Cumöötoncomo Wanaadi tösootoije adhe’tätääne. Epíiditu Santo ocoonecaatäne Wanaadi woije aweichöcoomo wetä, Jesuuquidiito aquiiyö que töcocca aweichöcoomo wetä mmaja. Aashichaato, täncanoode’da aweicho’como mmaja, äwwäiñe yeejamö’se wa.

1 PEEDHODO 1:20

Edä nono tödöödö owaajodä mädääje töweiyemööje Quidiito cönäätä’täjoichö’je; yaawääne’ eduuwa jeene cönäänejoi, anooto ataamejai yä’döa’jäcä jeene, änwanno äjääcäinchädäiñe.

1 PEEDHODO 2:8

Edääje mmaja imennaajä nä’döa dea: Ñäädä dhanwa na’de soto weju’co’to’me; täju soto emajjoneichomo töweiye naichöje mmaja na’dede; quee. Ñanno aneecanö’jöncomo neju’cä’aato Wanaadi a’deddu ännö’da töweijäcäiñe. Yääje töweiyaamoje dea cönä’ja’to.

JUUDHA 1:4

Anejjacoomo Wanaadi woijemjöncomo tacaade’da cantawäiñe yääwaaca’como töweiye naato. Jenaadä dea ñanno wännanö’to’como cönäätäcammai Wanaadi a’deddu imennaajä jäcä. Tönwanno aashicha Wanaadi weichö tönnöe weneeneto conemjönö tönnöto’comooje. Ñäädä Wanaadi, tooniyaano Cädhaajotoncomo, tömjo’ma weneeneto, Cädhaajotoncomo Jesuuquidiito mmaja.

APOOCADIISI 13:8

Tameedä nono de’woncomo ñäädä odoocojaato cönwa’deme’ca’to, tameedä ñanno edä nono tödö’jödö jonnoto’jödöödä weichojo jajeedai’chädö jäcä chäätöcoomo ’je’da naadö. Yää weichojo jajeedai’chädö edhaajäje na ñäädä Oweeja nnedö’cä, cönäätämaajoichö.