DOSECHO 2:22 - Wanaadi A'deddu

²² “Yääje yeijäcä ya’deddu etaatäcä änwanno iisadaaediitacoomo. Ñäädä Jesuuquidiito Naasade ñano cönä’jaacä dhanwa chäänöngato. Äwwäiñe Wanaadi cöneene’ju’joi yääje yeichö täneemö tödööjodö que, ene’ju’tojo tödööjodö que mmaja, aashichaato tödööjodö que mmaja, yää Wanaadi chäwwä tönnöjo cönä’ja’dö aneenedööcomooje. Änwanno odhoowanääcäiñe na yääje yeichö.

DOSECHO 2:22 ပူးပေါင်းရင်းမြစ်များ

MATEO 12:28

Öwö mmaane odo’sha tömja’canö’jo wäänene ñäädä Wanaadi dö’sennoto Epíiditu Santo jäduudu que. Yääje yeijäcä odhoowanääcäiñe eijai ña Wanaadi acaajichaanaichomooje yä’dötoojoje yeichö.

MATEO 2:23

Iiña töwä’döa’jäcä Naasade ña cöneejata’täi. Yää cöneeja’dätäi Wanaadi wa’deuwödö ecammannamo wä’dö’jocoomo nönge yeichö wetä, yää: “Naasade ñanooje Äwaanacaanei nätä’täja’de;” quee yä’dö’jocoomo naichö.

MATEO 9:8

Yää eneea’jäcä soto cönääcatoncaicho. Aashicha cöna’deuwa’to yaawä Wanaadi jäcä, yää nöngato adoncatoojo utu’jödö weijäcä soto wwä.

DUUCA 11:20

Öwö mmaane Wanaadi jäduudu que odo’sha tömja’canö’jo wäänene. Yääje yeijäcä odhoowanääcäiñe eijai ña Wanaadi acaajichaanaichomooje yä’dötoojoje yeicho.

DUUCA 18:37

Yäätoncomo soto cönä’döa’to chäwwä: —Jesuuquidiito Naasade ñano edä ai neja’dä’a; quee cönä’döa’to.

DUUCA 24:18

Ñäädä Quedeeojaasa täätö cöneccujä’acä: —Tameedä soto dhowaanäcäiñe na Jeduusadén ña yeeja’dätä’jödö jäcä. ¿Amäädä mma ca aneeta’da manä, iiña awei’jödö weichaame? quee cönä’döaacä.

JUAN 1:45

Yääje mma yaawä Jediipe cöntämä Nataanaeede ujiiye; cönä’döaacä chäwwä: —Ñaa cöneedantäi ñäädä Moisé chääjäcä cömmennäichö, Wanaadi wa’deuwödö ecammannamo chääjäcä cömmennoichodö mmaja; Jesuuquidiito töwö, Naasade ñano, José nnedö; quee cönä’döaacä.

JUAN 10:37

Jaaja nödöödö nönge mmaja ännö’da weiya’jäcä yaawääne yeecamjö’da eijai maato.

JUAN 11:47

Yaawä jaadiseeo cöne’jummaicho Wanaadi wwä töwa’deuwaamo edhaajotoncomo jadäiñe, äcamma’jonnamo jadäiñe mmaja. Tönwanno cönä’döa’to: —¿Aaquene tödööjai caato? Ñäädä dhanwa jooje ene’ju’tojo tönnöe weneene.

JUAN 12:17

Ñanno soto, yäämaajo jonno Dáasado adoncadaawä Jesuuquidiito jadoncomo’jödö, cöneecammajäätöicho yää jäcä, Dáasado adonca’jödö jäcä.

JUAN 15:24

Dhantawäiñe jooje aashichaato ännö’da wei’jo äächädääjemma choone’nadiiyöcoomo eichö. Tönwanno cöneenea’to yää önnö’jödö; yääje yeichaame quiiñeme’caato, Jaaja nichiiñeme’caato dea.

JUAN 19:19

Pidaato cömmennäjoi yaawä ta’de’täämö; cönaajoijojoi yaawä cuduusa jäcä. Edääje cönä’jaacä yää imennaajä: “Määdhä ñäädä Jesuuquidiito Naasade ñano, judhío Cajiichaanaichomo;” quee imennaajä cönä’jaacä.

JUAN 3:2

Töwö cöntämä Jesuuquidiito döiña, coijai; cönä’döaacä chäwwä: —Owaanomaanei, ñaa owaanäcä na Wanaadi nanontä’jödööje aweichö ñaa owaanomaaneije. Anejja tödööjai’cha mädä täneemö tönnöe määneneedö Wanaadi chääjadä’da yeiya’jäcä; quee cönä’döaacä Niicodheemo Jesuuquidiito wwä.

JUAN 4:48

Jesuuquidiito cönä’döaacä chäwwä: —Ene’ju’tojo mmaja, aashichaato mmaja, aneene’da aweiya’comjäcä ecaanö’jai’cha maato; quee.

JUAN 5:36

Töweiye öwwä na Juan necamma’jödö e’jodhaato jaiñoone. Mädä Jaaja waanontädö tönnöe wääneneedö nene’ju’ja Jaaja yaanontänei’jödööje yeichö.

JUAN 6:14

Ñanno soto Jesuuquidiito nödöödö ene’ju’tojo enennamo’jödö cönä’döa’to yaawä: —Ñäädä määdhä Wanaadi wa’deuwödö ecammanei töwe’emööje cönä’ja’dö; quee cönä’döa’to.

JUAN 6:27

Äwanshi töwaatameemö cana’cadööje mma adheetadaawa’cajootäi’che; äwanshi töwaatamemjönö cana’cadööjeene adheetadaawa’cajootäcä, yää yeichöödäje aweicho’comooje. Yääjato äwanshi tunu’e öwö, Soto nnedö; ñäädä Jaaja Wanaadi cuntui öwwä yääje tödöötojo; quee cönä’döaacä Jesuuquidiito.

JUAN 7:31

Jooje soto cöneecamjöicho töwö; tönwanno cönä’döa’to: —¿Äwaanacaanei we’a’jäcä jooje ene’ju’tojo tödööjai ñai, määdhä e’jodhe’cä? quee cönä’döa’to.

JUAN 9:33

Ñäädä dhanwa Wanaadi anoonöje’da ei’jo tödööjai’chaane eijai; quee cönä’döaacä ñäädä tänuuquemjönö’jödö.

DOSECHO 13:16

Yaawä Paudo cönammöi; tamäädö que eneejojäätödö que cöneeta’jöichajoicho yaawä; cönä’döaacä chäwwäiñe: —Etaatäcä jimmä, iisadaaediitacoomo, änwanno Wanaadi ñontännamo.

DOSECHO 14:27

Yaawä Antiyooquía ña töwä’döa’comjäcä Quidiito sotoi cöni’jummaicho; chäwwäiñe cöneecammajäätöicho tameedä Wanaadi nödö’jödö töjääcäiñe. Cöneecammajäätöicho dea judhíojöncomo wwä Cajiichaana wwä utu’jödö ta’deddu etaatojo, ecamjödö wetä chäwwäiñe.

DOSECHO 2:19

Täneemö wännöa’de caju ña; nono de’wä mmaja ene’ju’tojo wännöa’dede: munu, wa’to mmaja, wedeinchä mmaja.

DOSECHO 2:43

Tameedä ñanno quedeiyentecoomo tönoiñe äneetä cönä’ja’to. Anonta’como tönnöe cönä’ja’to jooje aashichaato, ene’ju’tojo mmaja.

DOSECHO 21:28

töcä’de cöna’deuwa’to; cönä’döa’to: —Änwanno iisadaaediitacoomo, ñaa ’wa’tätääcä. Määdhä dhanwa tameedä jata weichö wa’cä cone’da soto tönoowanoomaiñe weneene judhío jäcäiñe, jenaado’jä waanontänä jäcä mmaja, Wanaadi weichojo jäcä mmaja. Eduuwa Wanaadi weichojo taca judhíojöncomo namonno’joicho; mädääje Wanaadi weichojo nichoone’ma; quee cönä’döa’to ñanno Paudo jäcä.

DOSECHO 22:8

Öwö wä’döaaquene yaawä: “ ¿Änääcö amäädä Cajiichaana?” quee wä’döaaquene. Yaawä töwö cönä’döaacä öwwä: “Jesuuquidiito Naasade ñano öwö, miyuunacaadö dea;” quee cönä’döaacä.

DOSECHO 24:5

Määdhä dhanwa aquimmatä weneene; tameedä yeichö wa’cä judhíocoomo töni’jedäiñe weneene. Töwö dea ñanno naasadeenocoomo edhaajotoncomooje na.

DOSECHO 26:26

Määdhä cajiichaana Aaquidiipa dhowaanäcä na mädä jäcä; yääje yeijäcä sa’donna ya’deuwa ñeetadööje. Mädä wecammajä’aadö täcaademjönööjönö mädä.

DOSECHO 26:9

“Jenaadä öwö mmaja tötö’tajä’e wä’jaaquene Jesuuquidiito Naasade ñano sotoi maminchadööcomo aashicha yeiyaatäi.

DOSECHO 3:12

Yaawä töwwadäädäiñe soto weejödööcomo eneea’jäcä, Peedhodo cönä’döaacä chäwwäiñe: —Änwanno iisadaaediitacoomo, ¿ane’que’nei määcatoncaato? ¿Ane’que’nei mädä wa’cä ñaa mene’maato, ñaa jäduudu que määdhä adonca’jödööjönö? Töjäädudu que’da ñaa nejoimajoi, Wanaadi owaadäädä aashicha ñaa weichö que’da mmaja.

DOSECHO 3:6

Yaawä Peedhodo cönä’döaacä chäwwä: —Jödaata ’je’da öwwä na, oodo ’je’da mmaja. Yaawääne’, öwwä naadö mmaane wu’a äwwä. Jesuuquidiito Naasade ñano eetö joi edääje wä’döa äwwä: Aanöncä owoojoimadööje mma; quee cönä’döaacä Peedhodo.

DOSECHO 4:10

Yääje yeijäcä aneetadööcomooje ñaa necammajä’a, tameedä iisadaaediitacoomo dhowaanäcäiñe yeichö wetä Jesuuquidiito Naasade ñano eetö joi määdhä mene’maatoodö waadonca’jödö yeichö. Ñäädä dea Jesuuquidiito änwanno majoijotääne cuduusa jäcä. Wanaadi cönaadoncai yaawä yäämaajo jonno.

DOSECHO 5:35

Yaawä töwö cönä’döaacä ñanno cajiichaanacoomo wwäiñe: —Änwanno iisadaaediitacoomo; odhoowadäädäiñe eichäcä, canno dhanwaacomo jäcä conemjönö männöto’no.

DOSECHO 6:14

Edääje yä’dödö ñaa cöneetaacä: “Jesuuquidiito Naasade ñano Wanaadi weichojo nichaadaca’de, Moisé waanontä’jödö ninwacaama’dede;” quee yä’dö’jödö ñaa cöneetaacä; quee cönä’döa’to ñanno Eteewa ementännamo.

2 CODINTIYO 12:12

Wä’shinchancädä adhantawäiñe yeetadaawa’cajoone; yaawä anontaajäje chäänöngatooje weichö cönääne’ju’joi öwwä täneemö tödöödö que, ene’ju’tojo tödöödö que mmaja, aashichaato tödöödö que mmaja.

EEWEDEO 2:4

Wanaadi mmaja chäänönge yää wätunnä weichö cöneenejoi ene’ju’tojo tödööjodö que, täneemö tödööjodö que mmaja, jooje aashichaato tödööjodö que mmaja, aneejejaiñene’jödöödä Epíiditu Santo utuudu que mmaja, tumjummadö woije.