DOSECHO 19:9 - Wanaadi A'deddu

⁹ Anejjacoomo eta’se’da cönä’ja’to; aneecamjö’da cöneiya’to. Tameedä soto netaadöcoomoje cone’da töwa’deuwe tönwanno cönä’ja’to quedeiyenteje weiñä jäcä. Yaawä Paudo cönsancwaicho. Töwö quedeiyentecoomo cönaadoicho Tidaano nowaanomaatojo taca; iiña anooto waadäi töneecammajä’e cönä’jaacä chäwwäiñe.

DOSECHO 19:9 ပူးပေါင်းရင်းမြစ်များ

MATEO 15:14

Mädääje nei’ña’to. Tönwanno tänuuque’da naato, tänuuquemjöncomo mmaja ne’se’taato. Tänuuquemjönö wwä tänuuquemjönö mmaja adääa’jäcä, a’nädä ejuccajai ñaato yaawä sö’jato aca; quee cönä’döaacä.

MATEO 16:4

Soto conemjöncomo, masuuduija’como, ene’ju’tojo ene’se weneeneto. Yääje yeichaame aneene’da naato’de. Joná wei’jödö mmaane nichö’tammecö’ña’to; quee cönä’döaacä Jesuuquidiito. Cöntämä yaawä, ñanno jaadiseeo e’nomjadööcomooje mma.

MATEO 26:55

Yaawa Jesuuquidiito cönä’döaacä ñanno jooja’como soto wwäiñe. —¿Aaquene tämeenato wwadäädä’da mmädä töwaichaqueiñe öwwadäädä me’ato? Anooto waadäi shuucu töweiye wä’jaaquene ajaadäiñe Wanaadi weichojo taca, soto owaanomaadöcoomoje. Yaajäi’cha töweiye mä’ja’quene yaawä.

JUAN 12:40

Tänuuque’da Wanaadi cönnöicho, töwäätuujacoone’daiñe mmaja, tänuuducoomo que mma aneene’noto, täwaanöcoomo jäcä mma chö’tajäätö’noto, töweichöcoomo mma änsa’dumincha’noto, öwö waneewanaaca’noto yaawä; quee cömmennäi Isaía.

DOSECHO 11:26

Yäätä tönwanno cönä’ja’to tooni wedu Quidiito sotoi jadäiñe; jooje soto cönoowanoomaicho. Antiyooquía ña awa’deene soto quedeiyentecoomo quidiitiyaanoje cöne’toicho. Quidiito jadoonoje, quee töwä’dö’se yeichö.

DOSECHO 14:4

Yää jataawoncomo äänönge’da chö’tajäätödööcomo cönä’jaacä; dhantai cöneecamjöicho judhío a’dedducoomo, dhantai ’chene anonta’como a’dedducoomo daja.

DOSECHO 17:4

Yaawä anejjacoomo judhío cöneecamjöicho; Paudo, Siida jadäiñe cönä’ja’to yaawä. Jooje quidiiyeecocoomo Wanaadi nontännamo cöneecamjöicho dea, wanna wodiiñamo täneejuca’como mmaja.

DOSECHO 19:23

Yaawä soto jooje cöneewodoicha’to quedeiyenteje weiñä jäcä,

DOSECHO 19:30

Paudo mmaja iiña töötä’se cönä’jaacä, soto wwäiñe töwa’deuwödö wetä, töwäädä quedeiyentecoomo anaadojo’da cöneiya’tone’.

DOSECHO 20:31

Yääje yeijäcä äädai’chätääcä. Odhoowanääcäiñe aaduwaawä wedu ajaadäiñe weichö wadaadäädä waamodö que äwäätuujatäiñe wei’jödö ano, coijai mmaja.

DOSECHO 22:4

Jenaadä quedeiyente tömmaminchaiñe wä’jaaquene, emaadö jonaane. Tömmöjä’e tönaadä wä’jaaquento dhanwaacomo, wodiiñamo mmaja, jedeeso ewöötö’tädö taca tödöödöcoomo wetä.

DOSECHO 24:21

Edääje mma wä’döaaquene chäwwäiñe: “Änwanno maamincha’se maato töwäämaajo jonno waadoncanä töneecanö’e weijäcä;” que mma wä’döaaquene; quee cönä’döaacä Paudo acu’shänä Jeedi wwä.

DOSECHO 28:22

Eta’se ñaa na äwäätunnäi. Tacaade ñaa wwä na tameedä yeichö wa’cä cone’da töwa’deuwe yeichöcoomo mädä eduuwaatoje weichojo jäcä; quee cönä’döa’to.

DOSECHO 7:51

“Änwanno töwäätuujacoonemjöncomo; Wanaadi dhowaanojöncomo nönge maato, eta’se’da, chäänönge’da mmaja ätö’tajäätödööcomo. Änwanno Epíiditu Santo jäcä töwä’jädu’tä määnetääne. Adhaadai’choncomo wei’jocoomo nönge dea maato.

DOSECHO 9:2

Jajeeda imennaajä cöne’catäi chäwwä Damaacu ña töötotoojo quedeiyente ujiiyeiñe, Jeduusadén ña jedeesoje eneejödööcomo wetä yaawä, dhanwaacomo, wodiiñamo mmaja.

DOMAANO 11:7

¿Aaquene yaawä, quee ’ja? Ñanno iisadaaediitacoomo aneejodö’da cöneiya’to yää cunuujiya’todö; Wanaadi neichö mmaane yää cöneejodöicho. Anejjacoomo mmaane cönä’täijannä’cajoicho,

DOMAANO 9:18

Mädääje na; töwö Wanaadi wentumje soto neneea wentumje ene’se töweichö woije; chäijannä’ca’se töweichö woije mmaja nichäijannä’ca dea.

1 CODINTIYO 16:9

eetä jooje Cajiichaana tadaawaajui öwwä tödööemö yeijäcä, chäänönge ä’döjaicho; jooje mmaja tu’de’tännamo naato.

1 TIIMOTEO 6:5

wätäccujä’nä töwä’camjönö mmaja. Tameedä mädä noojodööa chö’tajäätödö wecoone’ma’como jäcäiñe, ñanno chäänöngato ’jemjöncomo. Tönwanno necaanö’aato quedeiyenteje weiñä ane’cä’cä cana’catoojoje yeiyaatäi. Yääja’como shancwacooto.

2 TIIMOTEO 1:15

Odhoowanääcä na tameedä Aasiya ñancomo wwä ye’nomja’jödö, Jijeedo mmaja, Eedemoojene mmaja.

2 TIIMOTEO 3:5

Wanaadi weichö töne’tä’jödö mma naato’de, ijäädudu mmaane tömjome’dä. Tameedä yääja’como soto jadäiñe mma mei’che.

2 TIIMOTEO 4:2

Wanaadi a’deddu töneecammajä’e eichä; chääjäcä töweesomaajä’e deaane eichä’de, chu’nädö awä mecammajä’töiye, chu’nädö awä’da mmaja. Yää que soto e’jodheinchacooto, cone’da tödööjocootode, yäätuujacooto’dede, owaanomaadöcoomo jäcä aquinchancädä’da.

EEWEDEO 3:13

Töweejädu’tääne adheejädu’tätääcä anooto waadäi, eduuwa naadawäädä, anejja mma adhantawäiñe conemjönö wwä ätäncu’täjo’no, töwäätuujacoone’da ei’ñode yaawä.

2 PEEDHODO 2:12

Ñanno conemjöncomo weneeneto chö’tajäätö’da, aneene’jutu’da mmaja, odoocoja’como weneenetoodöje mmaja, ñanno tajäiyaamo, töja’aamo mmaja. Tönwanno cone’da töwa’deuwe weneeneto towaanojöncomo jäcä. Tönwanno nä’ja’aato’de, odoocoja’como nönge mmaja.

2 PEEDHODO 2:2

Jooje naato’de shootoichomo, conemjönö iiñödööcomo nönge tödönnamo mmaja. Tönwanno yoija’comooje cone’da soto na’deuwaato’de quedeiyenteje weiñä jäcä.

JUUDHA 1:10

Ñanno chäänöngemjöncomo mmaane cone’da töwa’deuwe weneeneto towaanojöncomo jäcä. Edä nono de’wono towaanocoomo tödöödö que mmaane töwoijeiñe nännanö’aato, odoocoja’como chö’tajä’jöncomo töweiye naichodööje.