DOSECHO 19:29 - Wanaadi A'deddu

²⁹ Yaawä tameedä jataawoncomo cöneewodoicha’to jooje. Tönwanno cönaajoicho Caayo, Adiitaaducu mmaja, ñanno Maasedooniya ñancomo, Paudo jadoncomo. Cöni’jiichöicho yaawä töwe’jummato’como taca.

DOSECHO 19:29 ပူးပေါင်းရင်းမြစ်များ

DOSECHO 13:5

Yaawä Saadami ña töwä’döa’comjäcä Wanaadi a’deddu cöneecammajä’a’to judhío we’jummato’como taca. Juan mmaja chääjadäiñe cönä’ja’dea, i’wa’täneichomooje.

DOSECHO 16:12

Yäätonno ñaa cöntämä Jidiipo ña, domaanocoomo jataadöcoomo, yää jata täneejucaato jaiñoone Maasedooniya ñano. Yäätä ñaa cönä’jaacä äächädä anooto mma.

DOSECHO 16:9

Iiña coijai Paudo cönwäneetöi. Dhanwa cönääneaacä, Maasedooniya ñano; ñäädä cönä’döaacä Paudo wwä: “Maasedooniya ña ä’cäde; ñaa ’wa’täta;” quee cönä’döaacä ñäädä dhanwa.

DOSECHO 17:8

Yää etaadö’jo tameedä soto cöneewodoicha’to, chäädhajootoncomo mmaja.

DOSECHO 19:21

Yää ’jeje Paudo töötä’se cönä’jaacä Maasedooniya ña, Acaaya ña mmaja, Jeduusadén ña töötädö wetä yaawä. Edääje cöntö’tajä’acä: Jeduusadén ña ööta’jäcä Dooma ña täjai wa yaawä; quee.

DOSECHO 19:22

Yaawä towaajo Maasedooniya ña töwö cönaanontäi aacä tö’wa’tännamo: Tiimoteo, Edaasato mmaja. Paudo mmaane Aasiya ña cöno’somjoi numa’cäiche.

DOSECHO 19:32

Yaawä ñanno ye’jumma’como dhantai cöncä’tömjä’a’to anejjeja, anejjacoomo ’quene anejjeja daja; i’jeta’jödö nönge cönä’ja’to. Tönwanno jadä’jödöödä dhowaanäcäiñe’da cönä’jaacä töwe’jumma’jocoomo.

DOSECHO 20:34

Odhoowanääcäiñe öwö dea töweetadaawa’cajo wei’jödö umjummadö ejeematoojoje, jaadoncomo nijummadö ejeematoojoje mmaja.

DOSECHO 20:4

Chääjadä cöntonto Soopateedo, ñäädä Wedeea ñano; Aaditaaducu mmaja cönä’ja’dea; Secuntu mmaja, Teesadoonica ñancomo; Caayo mmaja, Deedewe ñano; Tiimoteo mmaja; Tíiquico mmaja; Todóojimo mmaja, ñanno Aasiya ñancomo.

DOSECHO 21:30

Yaawä tameedä soto cöneewodoicha’to; tujuumä cöneeca’tömöicho Paudo wwadäädä. Tönwanno cönaajoicho yaawä; Wanaadi weichojo tacanno cöni’jiichöicho. Yaawä dea mma Wanaadi weichojo nata’tadö cöna’duicho.

DOSECHO 21:38

¿Ñäädäjöönö ca amäädä yääje yeiya’jäcä, Ejiito ñanoojönö, jenaadä jata ’jemjönö aca cöntännö aacä soto soto emannamo tönwodoichadö jadäiñe? quee cönä’döaacä suddau edhaajotoncomo Paudo wwä.

DOSECHO 27:2

Ñaa cönä’täi yaawä Aadamiitiyo ñano jidaawa aca, Aasiya ñano wötäädö. Aaditaaducu mmaja ñaa jadä cönä’ja’dea, ñäädä Teesadoonica ñano, Maasedooniya ñano jataawono.

DOMAANO 16:23

Caayo mmaja ta’deujödö nadääja dea, ñäädä immai chaca öwö Paudo wä’döaajä waadö; tameedä quedeiyentecoomo wä’döto’comooje mmaja na dea edä Caayo mmai. Edaasato mmaja ta’deujödö nadääja dea äwwadäädäiñe, ñäädä jata jödaatai edhaajä; cöjimmotoncomo Cwaadoto mmaja.

1 CODINTIYO 1:14

Dhamma dha ñanno mma wautisaaje wödööneto, Quidiipo, Caayo mmaja,

1 CODINTIYO 4:9

Ñaa, anonta’como, tameedä dho’näncomooje Wanaadi wwä ñaa dö’jödö nichö’ta. Soto töwäämaamöje e’taajä nönge ñaa tö’tadö na, tameedä täneemöje tödööajä, amoode neneedöcoomoje, soto neneedöcoomoje mmaja.

2 CODINTIYO 8:19

Quedeiyentecoomo dea ñäädä cönaanontoicho ñaa jadä töwaademaamöje, ñaa ’wa’täneije mmaja edä tadaawaaju aashichaato ñaa nödööaadö jäcä. Yää ñaa nödööa Cajiichaana Jesuuquidiito aashicha yeichö ecaademeecödö wetä, mädä tödö’se aweichöcoomo ecaademeecödö wetä mmaja.

CODOOSENSE 4:10

Aaditaaducu, ñäädä yaacä jedeesoje naadö, ta’deujödö nadääja äwwadäädäiñe; Maadoco mmaja, ñäädä Waanawé weichacoono, ta’deujödö nadääja dea. Jenaadä manaanontätääne ñäädä Maadoco tödöötojo jäcä; adöiñaiñe iicha’jäcä aashicha tödöötäcä’de.

JIIDEMÓN 1:24

Maadoco mmaja, Aaditaaducu mmaja, Deema mmaja, Duuca mmaja, ta’deujocoomo nadääjaato dea; tönwanno naato weetadaawa’cajoodö jimmäje.

3 JUAN 1:1

Öwö, ansiyaano, edä wimenna äwwadäädä, amäädä weichacoono umjummadö Caayo, chäänöngato que wijummaadö.