DOSECHO 19:27 - Wanaadi A'deddu

²⁷ Tönoiñe na mädääje yeichö. Mädääje emaacudääjai ña mädä cötaadawaajuichomo. Yaawä soto ämjumma’da eijai ñaato Diyaana, yeichojo amääajä cu’taajä mmaja. Tönwanno nichiiñeme’caato’de yaawä ñäädä tameedä Aasiya ñancomo, tameedä nono weichö wa’co’como wanaadiyööcomooje naadö; quee cönä’döaacä Demeetediiyo ñanno chu’täjä’nnamo wwäiñe.

DOSECHO 19:27 ပူးပေါင်းရင်းမြစ်များ

MATEO 23:13

“Wentumje maato’de änwanno owaanomannamo, jaadiseeocoomo mmaja, yääjönö wa’co’como wäänejoodö. Änwanno Wanaadi sotoije ä’döjai’chomo’jödö töncone’ma määnetääne. Änwanno dea Wanaadi sotoije ei’cha maato, shootoije töwei’sha’como wwä ännöjo’da mmaja.

MATEO 24:14

Aashichaato wätunnä, yää Wanaadi töcaajichaanaije tödöödö jäcoono, nätääcammajä’a’de tameedä jata weichö wa’cä, tameedä sotoocomo netaadöcoomoje. Yaawä jeene na’de anooto wataamedö.

DOSECHO 19:10

Mädääje töwö cönä’jaacä aacä wedu; tameedä Aasiya ñancomo cöneeta’to Jesuuquidiito a’deddu, judhíocoomo mmaja, judhíojöncomo mmaja.

DOSECHO 19:21

Yää ’jeje Paudo töötä’se cönä’jaacä Maasedooniya ña, Acaaya ña mmaja, Jeduusadén ña töötädö wetä yaawä. Edääje cöntö’tajä’acä: Jeduusadén ña ööta’jäcä Dooma ña täjai wa yaawä; quee.

1 TIIMOTEO 6:5

wätäccujä’nä töwä’camjönö mmaja. Tameedä mädä noojodööa chö’tajäätödö wecoone’ma’como jäcäiñe, ñanno chäänöngato ’jemjöncomo. Tönwanno necaanö’aato quedeiyenteje weiñä ane’cä’cä cana’catoojoje yeiyaatäi. Yääja’como shancwacooto.

1 JUAN 5:19

Cönwanno cowaanäcäiñe na Wanaadi sotoije cöweichöcoomo. Cowaanäcäiñe na dea odo’sha tameedä edä nono de’woncomo edhaajotoncomooje yeichö.

APOOCADIISI 13:3

Tooni iju’jä weneeaqueene töwäätunui’chä. Yäämatoojoje eijaicho wa’cä cöntö’taacä yää yäätunui’chä’jödö; töwäädä töwe’jöeene’ cönä’ja’ne’. Ñäädä odoocojaato ncäcä cönta’to nono de’woncomo, töwääcatonca.

APOOCADIISI 13:8

Tameedä nono de’woncomo ñäädä odoocojaato cönwa’deme’ca’to, tameedä ñanno edä nono tödö’jödö jonnoto’jödöödä weichojo jajeedai’chädö jäcä chäätöcoomo ’je’da naadö. Yää weichojo jajeedai’chädö edhaajäje na ñäädä Oweeja nnedö’cä, cönäätämaajoichö.

APOOCADIISI 14:9

Yaawä aaduwaawoto amoode cöntaacä inchäcäiñe. Töcä’de cöna’deuwacä; cönä’döaacä: —Anejja wwä odoocojaato ya’deme’ca’jäcä, chu’taajä mmaja ya’deme’ca’jäcä, chäwwä töjaawä yä’madaaca’ñäja’jäcä mmaja, tamäädö jäcä jeiñe mma,