DOSECHO 19:22 - Wanaadi A'deddu

²² Yaawä towaajo Maasedooniya ña töwö cönaanontäi aacä tö’wa’tännamo: Tiimoteo, Edaasato mmaja. Paudo mmaane Aasiya ña cöno’somjoi numa’cäiche.

DOSECHO 19:22 ပူးပေါင်းရင်းမြစ်များ

DOSECHO 13:5

Yaawä Saadami ña töwä’döa’comjäcä Wanaadi a’deddu cöneecammajä’a’to judhío we’jummato’como taca. Juan mmaja chääjadäiñe cönä’ja’dea, i’wa’täneichomooje.

DOSECHO 16:1

Yaawä Paudo, Siida mmaja cönä’döicho Deedewe ña, Diitada ña mmaja; yäätä quedeiyente cöneejodöicho, Tiimoteo täätö. Ñäädä dhenö cönä’jaacä judhío, quedeiyente cönä’jaacä; yuumö ’quene cönä’jaacä quidiiyeeco.

DOSECHO 16:3

Ñäädä Paudo adä’se cönä’jaacä töjaadä. Yääje yeijäcä siicunsidaadoje cönnöi yaawä ñanno töötoto’como ña judhío cönä’ja’todö jäcäinchädäiñe, tameedä dhowaanäcäiñe yeijäcä quidiiyeecoje yuumö weichö.

DOSECHO 18:5

Yaawä Maasedooniya ñanno Siida, Tiimoteo wä’döa’comjäcä Wanaadi a’deddu ecammajäätödö jäcä mma Paudo töweetadaawa’cajo cönä’jaacä. Judhío wwäiñe jooje töneecammajä’e cönä’jaacä Jesuuquidiito Äwaanacaaneije yeichö, ñäädä ñanno judhío tönwomo’que cönä’ja’todö dea.

DOSECHO 19:10

Mädääje töwö cönä’jaacä aacä wedu; tameedä Aasiya ñancomo cöneeta’to Jesuuquidiito a’deddu, judhíocoomo mmaja, judhíojöncomo mmaja.

DOSECHO 19:21

Yää ’jeje Paudo töötä’se cönä’jaacä Maasedooniya ña, Acaaya ña mmaja, Jeduusadén ña töötädö wetä yaawä. Edääje cöntö’tajä’acä: Jeduusadén ña ööta’jäcä Dooma ña täjai wa yaawä; quee.

DOSECHO 19:29

Yaawä tameedä jataawoncomo cöneewodoicha’to jooje. Tönwanno cönaajoicho Caayo, Adiitaaducu mmaja, ñanno Maasedooniya ñancomo, Paudo jadoncomo. Cöni’jiichöicho yaawä töwe’jummato’como taca.

DOSECHO 20:1

Yääje mma yaawä yeewodoichadööcomo wä’ca’jäcä Paudo cöni’jummaicho tameedä quedeiyentecoomo, yäätuujadööcomo wetä. Yaawä ajoojancädäiñe töwö cönääcammaacä chäwwäiñe; cöntäma yaawä Maasedooniya ña.

DOSECHO 20:34

Odhoowanääcäiñe öwö dea töweetadaawa’cajo wei’jödö umjummadö ejeematoojoje, jaadoncomo nijummadö ejeematoojoje mmaja.

DOMAANO 16:23

Caayo mmaja ta’deujödö nadääja dea, ñäädä immai chaca öwö Paudo wä’döaajä waadö; tameedä quedeiyentecoomo wä’döto’comooje mmaja na dea edä Caayo mmai. Edaasato mmaja ta’deujödö nadääja dea äwwadäädäiñe, ñäädä jata jödaatai edhaajä; cöjimmotoncomo Cwaadoto mmaja.

2 CODINTIYO 11:9

Yaawä ajaadäiñe weichö öwwä a’que yeichaame adhaateme’täiñe’da töweiye wä’jaaquene; ñanno quedeiyente Maasedooniya ñancomo we’a’como öwwä a’cato cuntuicho. Mädääje adhaateme’täiñe’da töweiye wä’jaaquene; mädääje dea wa’de eduuwa.

2 CODINTIYO 2:13

yaawääne’ täncanoode’da chö’tajä’jai’cha wä’jaaquene, yäätä weichacoono Tiito aneejodö’da wei’jödö weijäcä. Yääje yeijäcä wääcammane yaawä ñanno Todoowa ñancomo wwä; Maasedooniya ña wötääne yaawä.

2 CODINTIYO 8:1

Jimmä, äwwäiñe ecammajäätö’se wa Wanaadi nutuudu aashichaato quedeiyentecoomo Maasedooniya ñancomo wwä.

2 CODINTIYO 8:19

Quedeiyentecoomo dea ñäädä cönaanontoicho ñaa jadä töwaademaamöje, ñaa ’wa’täneije mmaja edä tadaawaaju aashichaato ñaa nödööaadö jäcä. Yää ñaa nödööa Cajiichaana Jesuuquidiito aashicha yeichö ecaademeecödö wetä, mädä tödö’se aweichöcoomo ecaademeecödö wetä mmaja.

1 TEESADOONISENSE 1:8

Yääje yeijäcä ojonnoiñe Cajiichaana a’deddu cöneecatai Maasadooniya ña, Acaaya ña mma’da. Tameedä yeichö wa’cä tacaade maato, Wanaadi töneecanö’e aweichöcoomo. Yääje yeijäcä adheecadööcomo täcammajä’emje’da ñaa wwä na.

2 TIIMOTEO 4:20

Edaasoto cöno’nomjoi Codinto ña; Todóojimo mmaane wiñänne Mideeto ña, cädäije.