DOSECHO 19:21 - Wanaadi A'deddu

²¹ Yää ’jeje Paudo töötä’se cönä’jaacä Maasedooniya ña, Acaaya ña mmaja, Jeduusadén ña töötädö wetä yaawä. Edääje cöntö’tajä’acä: Jeduusadén ña ööta’jäcä Dooma ña täjai wa yaawä; quee.

DOSECHO 19:21 ပူးပေါင်းရင်းမြစ်များ

DOSECHO 16:12

Yäätonno ñaa cöntämä Jidiipo ña, domaanocoomo jataadöcoomo, yää jata täneejucaato jaiñoone Maasedooniya ñano. Yäätä ñaa cönä’jaacä äächädä anooto mma.

DOSECHO 18:12

Yaawä Caadiyón Acaaya ñano acu’shänääje yeichö judhíocoomo cöne’jummaicho Paudo ajäichö wetä. Tönwanno cönaadoicho yaawä ñäädä acu’shänä döiña;

DOSECHO 18:21

Töwö cönääcammai chäwwäiñe; cönä’döaacä: —Jeduusadén ña wä’dö’se wa, yäätä comjedensiya ne’aadö tödöödö wetä. Yää ’jejeede we’a’dede sadä, Wanaadi woije yeiya’jäcä; quee cönä’döaacä. Eujeeso ñanno Paudo cöntämä yaawä jidaawa awä.

DOSECHO 19:22

Yaawä towaajo Maasedooniya ña töwö cönaanontäi aacä tö’wa’tännamo: Tiimoteo, Edaasato mmaja. Paudo mmaane Aasiya ña cöno’somjoi numa’cäiche.

DOSECHO 19:29

Yaawä tameedä jataawoncomo cöneewodoicha’to jooje. Tönwanno cönaajoicho Caayo, Adiitaaducu mmaja, ñanno Maasedooniya ñancomo, Paudo jadoncomo. Cöni’jiichöicho yaawä töwe’jummato’como taca.

DOSECHO 20:16

Mädääje ñaa cöntämä, Eujeeso ñano Paudo ija’dätä’se yeijäcä, numa Aasiya ña töweichö queiñe. Töwö Jeduusadén ña töwä’dö’se cönä’jaacä, iiña Pentecoté anootoi’chädö ija’do’jodö wetä.

DOSECHO 20:22

Eduuwa wöta Jeduusadén ña, Epíiditu Santo nenno’jadö woije, yoowanääcä’da yeichaame iiña jääcä yeeja’do’tojo.

DOSECHO 21:17

Yääje mma yaawä Jeduusadén ña ñaa wä’döa’jäcä tameedä quedeiyentecoomo ñaa a’dejjaneeto ta’cwaiñe töweichöcoomo que.

DOSECHO 21:4

Yäätä ñaa cönoojodöi quedeiyentecoomo jadä; chääjadäiñe ñaa cönä’jaacä aaca amoojato anooto. Tönwanno Epíiditu Santo woije cönä’döa’to Paudo wwä: —Mötäi’che Jeduusadén ña; quee cönä’döa’to.

DOSECHO 23:11

Yää ’jejaato coijaichawä Cajiichaana Jesuuquidiito cönäänejoi Paudo wwä; cönä’döaacä chäwwä: —Cone’da’da eichä Paudo. Ya’deddu mecammajä’a’de Dooma ña, eetä Jeduusadén ña mecammajä’nedööje mmaja; quee cönä’döaacä.

DOSECHO 27:1

Itaadiya ña ñaa adoojotoojo cu’nädö aca yä’döa’jäcä Paudo cuntuicho yaawä suddau wwä, anejjacoomo jedeeso mmaja cuntuicho dea. Juudiyu täätö cönä’jaacä ñäädä suddau. Töwö cönä’jaacä acu’shänä Awuutu sotoije, töweewänä’taamo jimmä.

DOSECHO 27:24

Edääje ñäädä amoode nä’döaanä öwwä: “Määcatoncai Paudo. Amäädä mä’döa’de domaanocoomo acu’shänäi’chädööcomo döiña. Amäädä äjääcäinchädä Wanaadi newaanacaato’de tameedä ajaadoncomo, jidaawa awoncomo;” quee amoode nä’döaanä öwwä.

DOSECHO 28:16

Yaawä Dooma ña ñaa wä’döa’jäcä ñanno suddau jedeesoja’como cuntuicho waadiya edhaajotoncomo wwä. Paudo mmaane töudäje chä’sadö cöneecammaicho; tooni suddau edai’chäneije cönä’jaacä.

DOMAANO 1:11

Adheene’seiñe wa jooje, quedeiyenteje aweichöcoomo jäcä ä’wa’tädööcomo wetä, äjäädu’täneichomooje mmaja.

DOMAANO 1:13

Jimmä, edääje wä’dö’se wa äwwäiñe: Weiñäje adöiñaiñe öötä’se töweiye wä’jaaquennö’je, yaawääne’ eduuwa naadö jona tödööene täjai’cha töweiye wä’jaaquene. Adöiñaiñe öötä’se wäänene adhantawäiñe quedeiyenteje neewaacadö töweiye yei’she weijäcä, aneiñaja quedeiyenteje önnödö töweiye naadöje mmaja.

DOMAANO 1:15

Yääje yeijäcä öwö tö’tajäätödö na aashichaato wätunnä ecammajäätö’se äwwäiñe, änwanno Dooma ña maatoodö.

1 CODINTIYO 16:5

Adöiñaiñe öötädaawä Maasedooniya chäcä wöta’de; yää ’jeje jeene Codinto ña wöta’de.

1 CODINTIYO 4:19

Eduuwa mma wöta’de adöiñaiñe, Cajiichaana woije yeiyä’jäcä. Yaawä ñanno o’jodha’como tö’tajäätödö a’dedducoomojöönö mma weneea’de, iiñödööcomoone.

2 CODINTIYO 10:16

Yaawä aashichaato wätunnä ecammajä’jai ñaa na ajaatadööcomo mänseedä’cä jeene, anejja tadaawaajui’jödö jäcä töwä’wa’deme’cancädä’da.

CAADATA 2:1

Amoojadooto de’wä aacäichea wedu yä’döa’jäcä Jeduusadén ña wötääne dea yaawä, Waanawé jadä; Tiito mmaja wadääne dea.

1 TEESADOONISENSE 1:7

Mädääje tameedäädä quedeiyentecoomo nene’madööcomooje mä’dötääne, ñanno Maasedooniya ñancomo, Acaaya ñancomo mmaja.