DOSECHO 19:2 - Wanaadi A'deddu

² Paudo cönä’döaacä chäwwäiñe: —¿Epíiditu Santo ’je mä’dötääne yaawä mecaanö’täneedawä? quee cönä’döaacä. Ñanno cönä’döa’to yaawä chäwwä: —Epíiditu Santo töweiye yeichö aneeta’da mmädä ñaa na; quee.

DOSECHO 19:2 ပူးပေါင်းရင်းမြစ်များ

JUAN 7:39

Töwö cöna’deuwacä Epíiditu Santo jäcä, ecaanö’nnamo wwäiñe tu’emö. Eejö’da dea cönä’jaacä ñäädä Epíiditu Santo, Jesuuquidiito tä’da dea yeijäcä caju ña.

DOSECHO 10:44

Peedhodo wwä ecammajä’taame dea Epíiditu Santo cönä’täi yaawä tameedä Peedhodo a’deddu etannamo’jödö jäcäiñe.

DOSECHO 19:5

Yää eta’jäcä ñanno wautisaaje cönä’döjoicho yaawä Jesuuquidiito eetö joi.

DOSECHO 2:17

Wanaadi yääje nä’döa: Anooto ataamejai yä’döa’jäcä Epíiditu Santo wu’a’de tameedä soto wwäiñe; iiñacoomo untudu woije necammajä’aato’de, dhanwaacomo, wodiiñamo mmaja; ääjömannamo töwäänemjönö neneeaato’de; inchoncomo niwäänetööaato’de.

DOMAANO 1:11

Adheene’seiñe wa jooje, quedeiyenteje aweichöcoomo jäcä ä’wa’tädööcomo wetä, äjäädu’täneichomooje mmaja.

1 CODINTIYO 6:19

¿Odhoowanääcäiñe’da ca’ nai Epíiditu Santo weichojooje adheejöcoomo weichö, ñäädä Wanaadi nutuudu ataacaiñe naadö? Ännödööcomoojönö mädä adheejöcoomo;

CAADATA 3:5

Wanaadi wwä Epíiditu Santo u’a’jäcä äwwäiñe, aashichaato adhantawäiñe tödööa’jäcä mmaja, ¿ane’cäämö jäcäinchädä yää tönnöe weneene? Jenaado’jä waanontänä tödöödö jäcäinchädä’da yää nödööa, ta’deddu aneeta’jocoomo ecamjödö jäcäinchädä mmaane.