DOSECHO 18:6 - Wanaadi A'deddu

⁶ Ñanno judhío eta’se’da cönä’ja’to; Wanaadi a’deddu cönquiiñeme’ca’to. Yääje yeijäcä Paudo töwoomö cuntu’majäätöi, choojonnoiñe töötädö ene’ju’tojooje. Töwö cönä’döaacä chäwwäiñe: —Owoijeiñe dea mä’ja’aato’de, öwö woijatooje’da. Eetonno wöta eduuwa judhíojöncomo wwadäädäiñe; quee cönä’döaacä Paudo chäwwäiñe.

DOSECHO 18:6 ပူးပေါင်းရင်းမြစ်များ

MATEO 10:14

Aashicha ayöödötäiñe’da yeiya’comjäcä, aneecammajäätödööcomo eta’se’da yeiya’comjäcä mmaja, yää maa tacanno ojoncomo’de, yää jataawonno jeiñe mma; ä’juduucomo she’secaadöje mma ñäntäcä’de.

MATEO 21:41

Tönwanno cönä’döa’to chäwwä: —Töja’e ’cännä töja’jai ñaato ñanno conemjöncomo, wentumje aneene’daiñe. Anejjacoomo wwäiñe audaajä edai’chojoojai yaawä, ñanno chu’nädö waadäi tönaatödö ejeedödö u’jai’chomoone; quee cönä’döa’to ñanno judhío edhaajotoncomo Jesuuquidiito wwä.

MATEO 21:43

Yääje yeijäcä edääje äwwäiñe wä’döa: Wanaadi ayu’caato’de tösootoije aweichöcoomo jonno. Anejjacoomo tösootoije nödööaato’de, töwoije tödönnamoone.

MATEO 22:10

Shootoi cöntonto yaawä ääma tai. Soto cöna’dejjaicho yaawä tameedä, edantädööcomo waadäi, aashicha’como mmaja, conemjöncomo mmaja. Yaawä soto cöneejoto jooje, jötaanä ene, maa tutu’canno’joone.

MATEO 27:25

Yaawä tameedä ñanno soto cöneccujä’a’to; cönä’döa’to: —Cone’da määdhä emaadö yeiya’jäcä ñaa näntunaanö’a’de mma’ne, ñaa nnacoomo mmaja; quee.

MATEO 8:11

Yääje wä’döa äwwäiñe, jooje soto ne’aato’de shii weja’catoojo dö’senno, shii womontojo dö’senno mmaja. Tönwanno Wanaadi jataacäi nääwashinchaato’de Aawadán jadä, Isaaca jadä mmaja, Jacoowo jadä mmaja.

DUUCA 22:65

Jooje anejjejaato töwa’deuwödööcomo que mmaja cöneetana’ta’to dea.

DUUCA 9:5

Anejja jataawoncomo aashicha ayöödötäiñe’da yeiya’comjäcä, yää jataawonno ojoncomo’de, ä’juduucomo she’secaadöje mma, eta’se’da yeichöcoomo ene’ju’tojooje; quee cönä’döaacä Jesuuquidiito.

DOSECHO 13:51

Yaawä Paudo tösaajatuichomo cönse’secaicho, yäätoncomo soto eta’se’da yeichöcoomo ene’ju’tojooje. Yaawä Icooniyo ña cöntonto.

DOSECHO 26:11

Aneedawä quedeiyentecoomo tömmaminchaiñe töweiye wä’jaaquene ye’jummato’como waadäi, quedeiyenteje yeichöcoomo e’nomjajoodö wetä. Jooje cone’da töweiye wä’jaaquene chääjäcäiñe, imaaminchadööcomo wetä anejja jataaca töötääne.

DOSECHO 26:20

Awa’deene wecammajä’ne Damaacu ñancomo wwä; yää ’jeje Jeduusadén ñancomo wwä mmaja, tameedä Judheea ñancomo wwä mmaja; judhíojöncomo wwä wecammajä’ne dea. Edääje töwä’döe wä’jaaquene chäwwäiñe: “Ätö’tajäätödööcomo sha’duminchatääcä, Wanaadi wwadäädä ä’jedennacaatäcä. Aashichaato tödöötäcä chö’tajäätödööcomo wesa’dumincha’como weichö nönge deaane;” quee töwä’döe wä’jaaquene chäwwäiñe.

DOSECHO 28:28

Yääje yeijäcä jimmä, odhoowanääcäiñe tödöötäcä eduuwa naadö jonno mädä Wanaadi nutuudu wääwanaacatoojo judhíojöncomo wwä yäätäcammadö. Ñannoone netaato’de; quee cönä’döaacä Paudo judhío Dooma ñancomo wwäiñe.

DOMAANO 3:29

Judhíocoomo Wanaadiyö mmajöönö ñäädä Wanaadi, judhíojöncomo Wanaadiyö mmajaane,

1 TIIMOTEO 5:22

Jadheedä mma ansiyaano maneewaacai’che, choone’nadiiyö jäcä i’wa’täneije mma mei’ño; chäänönge eichä amäädä tameedä aweichö jäcä.

2 TIIMOTEO 2:25

Töwö töwäätuujacoonemjöncomo yäätuujajai ñaato jäduuje chääjäcäiñe töweiyancädä’da, Wanaadi wwä tötö’tajäätödööcomo sha’duminchatoojo edantäiyeto yaawä, chäänöngato dhowaanäcäiñe yä’dödö wetä.

1 PEEDHODO 4:14

Jesuuquidiito ecamjödö jo’tädööje aquiiñeme’ca’comjäcä, ta’cwaiñe eijai maato, Epíiditu Santo aashichaato äjääcäiñe yeijäcä. Tönwanno cone’da töwa’deuwe weneeneto Jesuuquidiito jäcä, änwanno mmaane aashicha chääjäcä töwa’deuwe määnetääne.

1 PEEDHODO 4:4

Ñanno Wanaadi dhowaanojöncomo cone’da töwä’döjo weneeneto chääjadäiñe yää mänseedä dejaato conemjönö ännö’da aweichomjäcä eduuwa. Yääje yeijäcä cone’da äjääcäiñe töwa’deuwe weneeneto.