DOSECHO 18:5 - Wanaadi A'deddu

⁵ Yaawä Maasedooniya ñanno Siida, Tiimoteo wä’döa’comjäcä Wanaadi a’deddu ecammajäätödö jäcä mma Paudo töweetadaawa’cajo cönä’jaacä. Judhío wwäiñe jooje töneecammajä’e cönä’jaacä Jesuuquidiito Äwaanacaaneije yeichö, ñäädä ñanno judhío tönwomo’que cönä’ja’todö dea.

DOSECHO 18:5 ပူးပေါင်းရင်းမြစ်များ

DUUCA 12:50

Töweiye na wautisaaje wä’döjootojo, yää wäntunaanö’tojo tödheetuncaamö. Jooje cone’da wäänene yeeja’do’tojo cu’nädö aca yä’dödö wa’cä.

DUUCA 16:28

ijaatoodea’como yaacontomo döiñaiñe mmaja, chäwwäiñe ecammaiye, sadä mma eejö’notoode, wäntunaanö’tojo aca mmaja;” quee cönä’döaacä.

JUAN 1:41

Yaawä dea mma töwö tudui Simón ujiiye cöntämä; cönä’döaacä chäwwä: —Ñaa cöneedantäi Mesía; quee cönä’döaacä. Äwaanacaanei, quee töwä’dö’se yeichö yää Mesía.

JUAN 10:24

Judhío chäwwadäädä cöntonto yaawä; cönä’döa’to chäwwä: —¿Ächännauwä’coto mädä ñaa wwä ääcamma’da maadö? Äwaanacaaneije aweiya’jäcä tooniye ääcammacä; quee cönä’döa’to.

JUAN 15:27

Änwanno mmaja jääcä mecammajä’ato’dede, yaajäntä’jödö jonnoto’jödöödä jaadä aweichomjäcä.

JUAN 3:28

Änwanno odhoowanääcäiñe wääcamma’jödö: “Äwaanacaaneijönö öwö, dhowaajo anontaajäje mma;” quee wä’dö’jödö.

DOSECHO 10:42

Töwö Jesuuquidiito ñaa anontäne soto wwäiñe ecammajä’e soto emmencaneichomooje tödö’jödö yeichö Wanaadi wwä, nudo’como emmencaneichomooje, yä’ja’a’como mmaja.

DOSECHO 15:22

Yaawä ñanno anonta’como, ansiyaano mmaja, tameedä quedeiyentecoomo mmaja, cöna’deuwöicho anejjacoomo töjimmotoncomo enno’jadööcomo wetä Antiyooquía ña, Paudo, Waanawé jadäiñe. Juudha cöne’toicho yaawä töötäämöje, ñäädä Waasawaaje mmaja chäätö cönä’ja’dö. Siida mmaja cöne’toicho dea. Ñanno cönä’ja’to täneejuca’como quedeiyentecoomo wwäiñe.

DOSECHO 16:1

Yaawä Paudo, Siida mmaja cönä’döicho Deedewe ña, Diitada ña mmaja; yäätä quedeiyente cöneejodöicho, Tiimoteo täätö. Ñäädä dhenö cönä’jaacä judhío, quedeiyente cönä’jaacä; yuumö ’quene cönä’jaacä quidiiyeeco.

DOSECHO 16:12

Yäätonno ñaa cöntämä Jidiipo ña, domaanocoomo jataadöcoomo, yää jata täneejucaato jaiñoone Maasedooniya ñano. Yäätä ñaa cönä’jaacä äächädä anooto mma.

DOSECHO 16:9

Iiña coijai Paudo cönwäneetöi. Dhanwa cönääneaacä, Maasedooniya ñano; ñäädä cönä’döaacä Paudo wwä: “Maasedooniya ña ä’cäde; ñaa ’wa’täta;” quee cönä’döaacä ñäädä dhanwa.

DOSECHO 17:3

Wanaadi a’deddu imennaajä jäcä ecammajä’ancädä töwö cöneecammajä’acä chäwwäiñe jenaado’jä jonnoto’jödöödä Quidiito wäntunaanö’tojo dea yei’jödö, töwäämaajo jonno yaadoncatoojo mmaja. Töwö töwä’döe cönä’jaacä chäwwäiñe: —Ñäädä dea Jesuuquidiito, äwwäiñe töneecammajä’e wääneneedö, Äwaanacaaneije na; quee Paudo töwä’döe cönä’jaacä.

DOSECHO 18:28

Tameedä soto netaadöcoomoje töwö töneecammajä’e cönä’jaacä judhío wätunnäichomo chäänönge’da yeichö jäcä. Wanaadi a’deddu imennaajä a’de’tancädä töwö töneecammajä’e cönä’jaacä Jesuuquidiito Äwaanacaaneije yeichö, näädä tönwomo’que cönä’ja’todö.

DOSECHO 2:36

“Yääje yeijäcä tameedä iisadaaediitacoomo chäänönge towaanäcäiñe tödööjai ñaato ñäädä dea Jesuuquidiito cajiichaanaje tödö’jödö yeichö Wanaadi wwä, Äwaanacaaneije mmaja, ñäädä cuduusa jäcä majoijotäänedö dea; quee cönä’döaacä Peedhodo soto wwäiñe.

DOSECHO 20:21

Öwö töneecammajä’e wä’jaaquene judhío wwäiñe, judhíojöncomo wwäiñe mmaja Wanaadi owaadäädä tötö’tajäätödööcomo sha’duminchajai yeichöcoomo, Cajiichaana Jesuuquidiito ecaanö’jai yeichöcoomo mmaja.

DOSECHO 20:23

Edä mma yoowanääcä na, tameedä jataaca öötädö waadäi Epíiditu Santo töneecamma weneene öwwä jedeesoje wääwaacajootojo, wäntunaanö’tojo mmaja.

DOSECHO 20:24

Cone’da yöödö’da na mädääje yeichö; oowontä’da mmaja wa dea. Ta’cwaiñe wä’ca’se mmaane wa öwwä tödööemö jäcä, yää Cajiichaana Jesuuquidiito taadawaajuije cuntuichö, aashichaato wätunnä ecammajäätödö aashicha Wanaadi weichö jäcä.

DOSECHO 4:20

E’nomjajai’cha ñaa na töneene’jödö ecammajäätödö, töneeta’jödö mmaja; quee cönä’döa’to Peedhodo, Juan mmaja.

DOSECHO 9:22

Yääje yeichaame Saudo jooje’cä mma töneecammajä’e cönä’jaacä Jesuuquidiito Äwaanacaaneije yeichö. Töwö judhío Damaacu ñancomo töneeta’jöichajoojä’eiñe cönä’jaacä.

2 CODINTIYO 1:19

Ñäädä Jesuuquidiito, Wanaadi nnedö, ñaa cöneecammajäätöi äwwäiñe, Siidawaano mmaja, Tiimoteo mmaja, öwö mmaja. Ñäädä Jesuuquidiito a’deddu töweiye cönä’jaacä “ee” queeto de’wä “ng’jn” quee töwä’döancädä’da. Töwö Quidiito töwa’deuwö’jödö nönge ännö’da’da weneene;

2 CODINTIYO 11:9

Yaawä ajaadäiñe weichö öwwä a’que yeichaame adhaateme’täiñe’da töweiye wä’jaaquene; ñanno quedeiyente Maasedooniya ñancomo we’a’como öwwä a’cato cuntuicho. Mädääje adhaateme’täiñe’da töweiye wä’jaaquene; mädääje dea wa’de eduuwa.

2 CODINTIYO 5:14

Quidiito wwä ñaa jummadö yeijäcä anejjeja eijai’cha ñaa na. Ñaa owaanäcä na tooniyaano dhanwa wääma’jödö tameedä soto jäcäinchädo’comooje; yääje yeijäcä tameedä naato yä’ja’a’como nönge.

JIDIIPENSE 1:23

Aacä weichojo antawä wa. Öwö tö’tajäätödö ööta’se, Quidiito jadä weichö wetä yaawä, yää aashichaato jaiñoone.

1 TEESADOONISENSE 3:2

Adöiñaiñe ñaa cönaanontäi töweichacoono Tiimoteo. Töwö na Wanaadi anoonöje, ñaa jadoono wetaadawa’cajoodö Quidiito wätunnäi aashichaato ecammajäätödö jäcä. Yääje yeijäcä ñaa cönaanontäi adöiñaiñe, äjäädu’täneichomooje, äwäätuujaneichomooje mmaja ecamjödö jäcä,

1 TEESADOONISENSE 3:6

Eduuwa Tiimoteo töwä’döe na adöiñancomo’jödö. Töwö adheecammajä’täne aashicha töneecanö’e aweichöcoomo, wä’jummanä ’je aweichöcoomo mmaja. Töwö cöneecammajäätöi chea adha’cwaniiyöcoomo que ñaa jäcä tötö’tajä’e aweichöcoomo, jooje ñaa ene’se aweichöcoomo mmaja. Ñaa mmaja adheene’seiñe na dea.

1 PEEDHODO 5:12

She’caasa edä jajeeda wimennäjoi Siidawaano wwä, ñäädä quedeiyente chäänöngato öwö chö’tadö naadö. Öwö wimennäi äwäätuujato’comooje, ecammadö wetä mmaja chäänönge yeichö mädä Wanaadi nutuudu aashichaato. Jäduujeedä eichäcä mädä jäcä.