DOSECHO 18:4 - Wanaadi A'deddu

⁴ Wäädeetatoojo anooto waadäi Paudo töötä cönä’jaacä we’jummatoojo taca. Iiña töneecammajäätödö que judhíocoomo töncana’caiñe cönä’jaacä, judhíojöncomo mmaja.

DOSECHO 18:4 ပူးပေါင်းရင်းမြစ်များ

DUUCA 16:31

Yaawä Aawadán cönä’döaaca chäwwä: “Moisé nimennä’jödö aneeta’da yeiya’comjäcä, Wanaadi wa’deuwödö ecammannamo nimenno’jocoomo mmaja, töwäämaajo jonnoto yaadoncaajä eneetaame töwwäiñe tötö’tajäätödööcomo änsa’dumincha’da dea eijai ñaato;” quee cönä’döaacä Aawadán ñäädä tönsomaacato’jödö wwä; quee cönä’döaacä Jesuuquidiito.

DUUCA 4:16

Naasade ña Jesuuquidiito cöntämä yaawä, töwennejenca’jödö ña. We’jummatoojo taca cönoomomöi wäädeetatoojo anootoi’chädö awä, töweichö nöngeedä. Töwö cönammöi yaawä Wanaadi a’deddu imennaajä a’de’tädö wetä.

JUAN 7:35

Yaawä judhíocoomo tönwannoje dea cönä’döa’to: —¿Äsha tätai’che töwö cönwanno aneejodö’da cöweichöcoomo wetä? ¿Iiñaja ca tätai’che, judhíocoomo wäämecanta’como döiña, quidiiyeecocoomo jadäiñe naatoodö döiña? ¿Quidiiyeecocoomo owaanomaiñe’da tätai’che?

DOSECHO 13:14

Yää ’jeje Peedeje ñanno Paudo cöntonto yaawä Antiyooquía ña, yää Pisiidiya ñano jata. Iiña we’jummatoojo taca cönoomomöicho wäädeetatoojo anooto awä; cönaatajiimaicho yaawä.

DOSECHO 14:1

Yääje mma yaawä Icooniyo ña Paudo wä’döa’comjäcä Waanawé acä a’nädä cönoomomöicho judhío we’jummato’como taca. Yaawä chäwwäiñe jäduuje Wanaadi a’deddu ecammajäätödö weijäcä jooje judhío cöneecamjöicho, judhíojöncomo mmaja.

DOSECHO 17:11

Ñanno judhío cönä’ja’to Teesadoonica ñancomo e’jodhe aashicha yeichöcoomo. Tönwanno aashicha cöneeta’to Wanaadi a’deddu ecammajäätödö. Anooto waadäi tönemmenca cönä’ja’to Wanaadi a’deddu imennaajä, chäänönge Paudo necammajäätödööcomo yeichö eneedö wetä.

DOSECHO 17:17

Yääje yeijäcä we’jummatoojo taca töwa’deuwe töwö cönä’jaacä judhío wwäiñe, anejjacoomo Wanaadi ya’deme’nnamo wwäiñe mmaja. Anooto waadäi töwa’deuwe cönä’ja’dea jödoodo aca, yäätä ye’jumma’como wwäiñe.

DOSECHO 18:13

cönä’döa’to chäwwä: —Määdhä dhanwa imennaajä wä’dödö nönge’da soto tönoowanoomaiñe weneene Wanaadi wwä tödöödö jäcä; quee cönä’döa’to Paudo jäcä.

DOSECHO 18:19

Eujeeso ña töwä’döa’comjäcä Paudo cönsancwaicho yaawä Pidiisiida, Aquiida mmaja. Töwö cöntämä yaawä we’jummatoojo taca. Yäätä cöna’deujä’acä judhío we’jumma’como jadäiñe.

DOSECHO 19:26

Änwanno meneea’quene, metaatäne dea Paudo necammajäätödö. Töwö töneecammajä’e weneene wanaadije’da yeichö soto namoode’nädö. Mädääje töwö soto ni’jedaato, Eujeeso ñancomo mma’da, tameedä Aasiya weichö waadoinchomo mmajaane.

DOSECHO 19:8

Yaawä we’jummatoojo taca Paudo töötä cönä’jaacä aaduwaawä nuunä. Yäätä jäduuje töneecammajä’e cönä’jaacä. Töwö töwa’deuwe cönä’jaacä Wanaadi töcaajichaanaije tödöödö jäcä.

DOSECHO 26:28

Yaawä Aaquidiipa cönä’döaacä Paudo wwä: —Eetä’cä’cä mmädä quedeiyenteje yöödödö meiya; quee cönä’döaacä.

DOSECHO 28:23

Yaawä töwe’jummato’como anooto cuncu’nä’toicho. Yää anooto awä jooje soto cöne’jummaicho Paudo wä’döaajä cönä’ja’dö döiña. Yaawä chäwwäiñe Paudo cöneecammajäätöi Wanaadi töcaajichaanaije tödöödö jäcä; jenaadäne yaajäntä’jödö töco’mannä’eene cöneecammajäätöi. Wanaadi nnedööje Jesuuquidiito yeichö töwö cöneecammajäätöi chäwwäiñe, Äwaanacaaneije yeichö mmaja. Moisé nimennä’jödö ai chea töwö cöneecammajä’acä yääje yeichö, Wanaadi wa’deuwödö ecammannamo nimenno’jocoomo ai mmaja.

DOSECHO 9:20

Yaawä we’jummatoojo waadäi Saudo cönaajäntäi Wanaadi nnedööje Jesuuquidiito weichö ecammajäätödö.

2 CODINTIYO 5:11

Yääje yeijäcä, Cajiichaana Jesuuquidiito tönontämje yeichö ñaa owaanäcä yeijäcä, soto wwäiñe töneecammajä’e ñaa weneene. Töwö Wanaadi dhowaanäcä na ñaa weichö; änwanno mmaja ñaa weichö chö’tamme’jai maato dea.