DOSECHO 18:3 - Wanaadi A'deddu

³ Töwö chääjadäiñe cönä’jaacä yaawä, yää dea tötaadawaajuichomo weijäcä. Tujuumä töweetadaawa’cajo cönä’ja’to yaawä doona acaajödö jäcä.

DOSECHO 18:3 ပူးပေါင်းရင်းမြစ်များ

1 CODINTIYO 4:12

Töquincha ñaa wä’döaajä na töweetadaawa’cajootö. Soto wwäiñe ñaa quimmajäätödö töneccujä’e ñaa weneene aashicha wa’deunä que. Chäwwäiñe ñaa maminchadö tönshinchä ñaa weneene.

1 CODINTIYO 9:14

Mädääje mmaja Cajiichaana Jesuuquidiito waanontädö na dea ñanno aashichaato wätunnä ecammajäätödö jäconcomo wetaadawa’cajoodö jäcäiñe; mädä tötaadawaajuichomo que dea töweicho’como chaana’cajai ñaato.

1 CODINTIYO 9:15

Yaawääne’, yääje eijai weichaame, yääje’daane wäänene öwö. Ane’cä’cä äntuiyeto öwwä, quee öucwadööje’da mmaja edä wimennäi. Wäämadööne awa’de’cä ijummajai wa mädä wa’deutojo que yenwajiiñadö owaajodä’cä.

1 CODINTIYO 9:18

Yääje yeijäcä yeeje’jödööje weneene yää ejeemajancädä’da aashichaato wätunnä ecammajäätödö öwwä, ejeemojoojai weichaame, yää wäädai’chäjoodö que, wääwashinchäjoodö que mmaja.

2 CODINTIYO 11:7

¿Chäänöngemjönö ja ca’ yää cönä’jaacä täje’da aashichaato wätunnä äwwäiñe wecammajä’aquennö? Öwö odho’näiñato nönge töweiye wä’jaaquene, ye’jodhe aweichöcoomo wetä.

2 CODINTIYO 11:9

Yaawä ajaadäiñe weichö öwwä a’que yeichaame adhaateme’täiñe’da töweiye wä’jaaquene; ñanno quedeiyente Maasedooniya ñancomo we’a’como öwwä a’cato cuntuicho. Mädääje adhaateme’täiñe’da töweiye wä’jaaquene; mädääje dea wa’de eduuwa.

2 CODINTIYO 12:13

Anejjacoomo quedeiyentecoomo o’näiñe ayöödötäiñe’da wä’jaaquene. Yää mma äwwäiñe ännöjo’da weiyaqueene, äwwäiñe wäädai’chojoodö mma. Yääje yeijäcä encwanno’jotääcä yää chäänöngemjönö nönge wei’jödö.

1 TEESADOONISENSE 2:9

Änwanno jimmä, odhoowanääcäiñe na jooje töwäntunamjödö que töweetadaawa’cajo ñaa wei’jödö, täwanshiñö cana’catoojo ejoodödö jäcä. Töweetadaawa’cajo ñaa cönä’jaacä ano, coijai’jödöödä, ännödööcomo anaatameecö’da ñaa weichö wetä, ñaa wwä Wanaadi wätunnäi aashichaato ecammajäätödaawä äwwäiñe.

1 TEESADOONISENSE 4:11

Täncanoode’da aweicho’como encano’tätääcä. Äwwäädäiñe ännödööcomo jäcääne ätö’tajä’täcä, awaadäiñe ataadawaajuichomo tödööancädä mmaja, ñaa odhoowanoomatäänedööje dea.