DOSECHO 18:26 - Wanaadi A'deddu

²⁶ Ñäädä Apoodo jäduuje cöneecammajä’acä we’jummatoojo taca. Yaawä ñeecammajäätödö eta’jäcä, ñanno Pidiisiida, Aquiida mmaja töudäje cönaadoicho. Tönwanno cönsa’duminchaicho chäwwä Wanaadi a’deddu dhowaanojöönö.

DOSECHO 18:26 ပူးပေါင်းရင်းမြစ်များ

MAADOCO 10:15

Chäänönge yääje wä’döa äwwäiñe, mude’cä’cä tönnöe töweiye naichöje Wanaadi acaajichaanaichomooje ännö’da aweiya’comjäcä, Wanaadi sotoije eijai’cha maato; quee cönä’döaacä Jesuuquidiito.

DUUCA 19:26

Yaawä ñäädä cajiichaana cönä’döaacä: “Chäänönge yääje wä’döa äwwäiñe: Ñäädä töweiyato wwä jooje’cä nä’tua’de. Ñäädä a’cato mmaane nätänwajiiñaja’de yää she’caasa töwwä naadö que.

DUUCA 24:27

Töwö cönaajäntäi yaawä chäwwäiñe ecammajäätödö töjääcä Wanaadi a’deddu imennaajä jäcä, Moisé nimennä’jödö jonno tameedä Wanaadi wa’deuwödö ecammannamo nimenno’jocoomo tacoicha tödööene.

JUAN 7:17

Ñäädä Wanaadi woije tödö’sato dhowaanäcä na’de neecammajäätödö Wanaadi woijatooje yeichö, dha’da ’quene öwö woijato mma yeiya’jäcä.

DOSECHO 14:3

Yääje yeijäcä yäätä Paudo cönä’ja’to numa. Cajiichaana ecaanö’ancädä jäduuje töneecammajä’e cönä’ja’to aashicha Wanaadi weichö jäcä. Cajiichaana chäänönge ñeecammajäätödö weichö töneenejo cönä’jaacä ene’ju’tojo tödööjodö que chäwwäiñe, aashichaato tödööjodö que mmaja.

DOSECHO 18:18

Yäätä Paudo cönä’jaacä numa. Yää ’jeje quedeiyentecoomo wwä töwääcammadö’jo, jidaawa awä cöntämä Siidiya ña, Pidiisiida, Aquiida jadäiñe. Yaawä Senquedea ña tuju’jä töde’caiche cöncajoi, töwääcamma’jödö nönge tödöödö wetä.

DOSECHO 18:25

Cajiichaana Jesuuquidiito jadä weiñä jäcä yoowanoomaajä cönä’jaacä töwö. Jäduuje dha’deddu cönä’jaacä; sa’donna töneecammajä’e cönä’jaacä Jesuuquidiito jäcä. Töwö töneecammajä’e cönä’jaacä wautisaaje wä’döjoonä jäcä Juan Wautiita töneecammajä’e cönä’ja’döje mmaja.

DOSECHO 19:8

Yaawä we’jummatoojo taca Paudo töötä cönä’jaacä aaduwaawä nuunä. Yäätä jäduuje töneecammajä’e cönä’jaacä. Töwö töwa’deuwe cönä’jaacä Wanaadi töcaajichaanaije tödöödö jäcä.

DOSECHO 28:23

Yaawä töwe’jummato’como anooto cuncu’nä’toicho. Yää anooto awä jooje soto cöne’jummaicho Paudo wä’döaajä cönä’ja’dö döiña. Yaawä chäwwäiñe Paudo cöneecammajäätöi Wanaadi töcaajichaanaije tödöödö jäcä; jenaadäne yaajäntä’jödö töco’mannä’eene cöneecammajäätöi. Wanaadi nnedööje Jesuuquidiito yeichö töwö cöneecammajäätöi chäwwäiñe, Äwaanacaaneije yeichö mmaja. Moisé nimennä’jödö ai chea töwö cöneecammajä’acä yääje yeichö, Wanaadi wa’deuwödö ecammannamo nimenno’jocoomo ai mmaja.

DOSECHO 8:31

Ñäädä Eetiyoopía ñano cönä’döaacä yaawä: —Aaquene mmaja yoowanääcä eichö deeade’, yoowanoomanei töweiye yeichöjöönö; quee cönä’döaacä. Yaawä ñäädä Eetiyoopía ñano Jediipe cönaajimaajoi tönnäcä tadaada de’wä.

1 CODINTIYO 12:21

Edääje adheenudu ä’döjai’cha na adhaamädö wwä: “Tujunne’da öwwä ma;” cajai’cha. Aju’jä edääje ä’döjai’cha mmaja ä’judu wwä: “Tujunne’da öwwä ma;” quee ä’döjai’cha na.

1 CODINTIYO 3:18

Mätäncu’tojootäi’che; anejja adhantawäiñe edä nono de’wono jäcä towaanojo’ne yääcanö’a’jäcä, töwoinchadääne nä’dö’ñojo ñäädä yääjato, towaanojo’ne ä’döiye yaawä, ñeene queene.

1 CODINTIYO 8:2

Anejja towaanojo’ne töwääcanö’a’jäcä towaanojo’ne yeichöjöönö yää.

EEWEDEO 6:1

Yääje yeijäcä tooniye quiija’dä’täiye yää awa’deene Quidiito jäcä woowanoomanä; sö’jato jona tödööene cöötätäiye. Awa’deene woowanooma’jä jona mmaja ennaca’da queichäiye, yää weicho’jönö weiñä jonno tötö’tajäätödö sha’duminchadö jäcä ecammajäätödö, Wanaadi ecamjödö jäcä ecammajäätödö mmaja,

2 PEEDHODO 3:18

Töwaatö’nä’eene aatö’nä’täcä Cädhaajotoncomo Jesuuquidiito nutuudu aashichaato que, ñäädä Cäwaanacaaneichomo, töwö odhoowanääcäiñe tödöödö que mmaja. Aashicha wa’deutojooje töwö na, eduuwa yeichö jonno yeichöödäje. Amén.