DOSECHO 18:24 - Wanaadi A'deddu

²⁴ Yääje mma yaawä judhío cönä’döi Eujeeso ña, Apoodoje chäätö, Aadejantidía ñano. Töwö towaanojo’ne cönä’jaacä Wanaadi a’deddu imennaajä jäcä; aashicha töneecammajä’e cönä’jaacä.

DOSECHO 18:24 ပူးပေါင်းရင်းမြစ်များ

MATEO 13:52

Töwö cönä’döaacä chäwwäiñe: —Tameedä owaanomaanei, Wanaadi töcaajichaanaije weiñä jäcä owaanomaajä, dhanwa töjaatuwai töna’duca töweiye naichöje na. Ñäädä dhanwa tönnacoomo wwäiñe nu’jä’a yaawä mösooma, eduuwaato mmaja, jenaado’jä mmaja; quee cönä’döaacä Jesuuquidiito tönoowanoomadö wwäiñe.

DUUCA 24:19

Töwö cönä’döaacä chäwwäiñe: —¿Ane’cäämö mma? Tönwanno cönä’döa’to: —Yää Jesuuquidiito Naasade ñano jäcä cöneeja’dätäichö. Töwö cönä’jaacä Wanaadi wa’deuwödö ecammajä’nei jäduujato. Jäduuje cönä’ja’dea täneemö tödöödö jäcä, tameedä soto neneedöcoomoje, Wanaadi owaadäädä mmaja.

DOSECHO 18:19

Eujeeso ña töwä’döa’comjäcä Paudo cönsancwaicho yaawä Pidiisiida, Aquiida mmaja. Töwö cöntämä yaawä we’jummatoojo taca. Yäätä cöna’deujä’acä judhío we’jumma’como jadäiñe.

DOSECHO 18:21

Töwö cönääcammai chäwwäiñe; cönä’döaacä: —Jeduusadén ña wä’dö’se wa, yäätä comjedensiya ne’aadö tödöödö wetä. Yää ’jejeede we’a’dede sadä, Wanaadi woije yeiya’jäcä; quee cönä’döaacä. Eujeeso ñanno Paudo cöntämä yaawä jidaawa awä.

DOSECHO 18:28

Tameedä soto netaadöcoomoje töwö töneecammajä’e cönä’jaacä judhío wätunnäichomo chäänönge’da yeichö jäcä. Wanaadi a’deddu imennaajä a’de’tancädä töwö töneecammajä’e cönä’jaacä Jesuuquidiito Äwaanacaaneije yeichö, näädä tönwomo’que cönä’ja’todö.

DOSECHO 19:1

Yääje mma yaawä Codinto ña Apoodo weichö Paudo cönäämannä’acä aneiñaja; töwö cönä’döi yaawä Eujeeso ña. Yäätä cöneejodöicho anejjacoomo quedeiyentecoomo.

DOSECHO 27:6

Yäätä suddau cöneedantäi jidaawa Aadejantidía ñano, Itaadiya ñano wötäädö. Töwö ñaa enö’täne yää aca, yää awä ñaa wötäädö wetä.

DOSECHO 6:9

Yaawä anejjacoomo judhío we’jummato’como tacancomo Eteewa jadä cönäätäccujä’a’to. Ñanno cönä’ja’to tanontäjä’aamo wätu’ca’como. Sideene ñancomo mmaja cönäätäccujä’a’to dea Eteewa jadä, Aadejantidía ñancomo mmaja, Sidiisiya ñancomo mmaja.

DOSECHO 7:22

Yääje yeijäcä töwö Moisé cönoowanoomai tameedä Ejiito ñancomo wätunnäichomo jäcä. Jäduuje dha’deddu cönä’jaacä, iiñödö mmaja.

1 CODINTIYO 1:12

Edääje wä’dö’se weichö mädä: Edääje awaadäiñe töwä’döe määnetääne: “Paudo sotoi öwö;” quee; anejja ’quene: “Apoodo sotoi öwö;” quee; dhantai ’chene: “Peedhodo sotoi öwö;” quee; “Quidiito sotoi öwö;” quee daja anejjacoomo.

1 CODINTIYO 16:12

Ñäädä cöjimmotoncomo Apoodo mmaane jooje wiyäätuujaneedö’je adöiñaiñe iichädö wetä anejjacoomo quedeiyente jadäiñe. Yaawääne’ eduuwa töötä’se’da cönääcammaacä; töwö towaanäcä nöta’de.

1 CODINTIYO 4:6

Jimmä, edä wecammajä’a aashicha aweichöcoomo wetä; yääje yeijäcä Apoodo jäcä ya’deuwa, öwö jääcä mmaja, töja’do’joone’daane Wanaadi a’deddu imennaajä woije meichäiye, o’jodhe chö’tajäätö’da aweichöcoomo wetä mmaja tooni odhoowanoomaneichomo jäcä, yeichacoono chiiñeme’taame.

2 CODINTIYO 10:10

Edääje dhantai jääcä töwä’döe määnetääne: “Immennädö weneene cone’da döjootä, jäduuje mmaja. Töwö jaiñoone jäduuje’da, dötä’da mmaja ñeecammajäätödö;” quee.

CODOOSENSE 3:16

Ätö’tajäätödööcomo acaadä Quidiito a’deddu tödöötäcä; yäätä ejannä’catääcä. Ajimmotoncomo owaanomaatäcä, yäätuujatääcäde tameedä asejjedööcomo que. Adheewanööcomo jäcä aashicha Wanaadi jäcä ätö’tajä’ancädäiñe adheecanta’ñätääcä saadomo jäcä, anejja wecanta’ñotoojo jäcä mmaja, ätö’tajäätödööcomo ai mmaja.

TIITO 3:13

Seena i’wa’täcä’de, ñäädä jenaado’jä waanontänä ecammajä’nei, Apoodo mmaja, yäämannäjöödöcomo jäcä, ane’cä’cä imjummadööcomo a’que’da’da eiye.