DOSECHO 18:21 - Wanaadi A'deddu

²¹ Töwö cönääcammai chäwwäiñe; cönä’döaacä: —Jeduusadén ña wä’dö’se wa, yäätä comjedensiya ne’aadö tödöödö wetä. Yää ’jejeede we’a’dede sadä, Wanaadi woije yeiya’jäcä; quee cönä’döaacä. Eujeeso ñanno Paudo cöntämä yaawä jidaawa awä.

DOSECHO 18:21 ပူးပေါင်းရင်းမြစ်များ

MATEO 26:39

Mänseedä’cä Jesuuquidiito cöntämä yaawä; tu’dhe cöne’mo’täi. Wanaadi wwä cöna’deuwöi; cönä’döaacä: —Jaaja, yääje eijai yeiya’jäcä mädä jääcä töweeja’dä’emööje naadö mäiñetuncajoi’che öwwä. Amäädä ätö’tajäätödö woijeene, öwö woije’daane; quee cönä’döaacä Jesuuquidiito.

MAADOCO 6:46

Yaawä soto enno’jadööcomo’jo töwö cöntämä jöö de’cäi, Wanaadi wwä a’deuwe.

DUUCA 9:61

Anejja daja yääje cönä’döa’dea yaawä Jesuuquidiito wwä: —Cajiichaana, ajaadä wei’she wa. Wääcammata’ñojo awa’de jimmä wwäiñe; quee cönä’döaacä.

DOSECHO 15:29

Chu’taajä wwä saaquidiijiisiyooje u’ajä mänäntäi’che; munu mmaja manaametäi’chede; awö’cajä mmaja mänäntäi’che; amaasuduichatäi’chede. Mädä tödööa’jäcä äwwäiñe aashicha maato’de. Mädääje mma töwä’dö’se ñaa nä’jaanä. Aashicha awei’sheiñe ñaa na; quee cömmennoicho ñanno anonta’como.

DOSECHO 18:19

Eujeeso ña töwä’döa’comjäcä Paudo cönsancwaicho yaawä Pidiisiida, Aquiida mmaja. Töwö cöntämä yaawä we’jummatoojo taca. Yäätä cöna’deujä’acä judhío we’jumma’como jadäiñe.

DOSECHO 18:20

Ñanno judhío numa’cä jeene töjaadäiñe Paudo yei’she cönä’ja’to. Paudo mmaane töwei’she’da cönä’jaacä.

DOSECHO 18:24

Yääje mma yaawä judhío cönä’döi Eujeeso ña, Apoodoje chäätö, Aadejantidía ñano. Töwö towaanojo’ne cönä’jaacä Wanaadi a’deddu imennaajä jäcä; aashicha töneecammajä’e cönä’jaacä.

DOSECHO 19:1

Yääje mma yaawä Codinto ña Apoodo weichö Paudo cönäämannä’acä aneiñaja; töwö cönä’döi yaawä Eujeeso ña. Yäätä cöneejodöicho anejjacoomo quedeiyentecoomo.

DOSECHO 19:17

Tameedä Eujeeso ñancomo yää jäcä cöneeta’to, judhíocoomo mmaja, judhíojöncomo mmaja; jooje cönääcatoncaicho yaawä. Aashicha töwa’deuwe cönä’ja’to Cajiichaana Jesuuquidiito jäcä.

DOSECHO 19:21

Yää ’jeje Paudo töötä’se cönä’jaacä Maasedooniya ña, Acaaya ña mmaja, Jeduusadén ña töötädö wetä yaawä. Edääje cöntö’tajä’acä: Jeduusadén ña ööta’jäcä Dooma ña täjai wa yaawä; quee.

DOSECHO 20:16

Mädääje ñaa cöntämä, Eujeeso ñano Paudo ija’dätä’se yeijäcä, numa Aasiya ña töweichö queiñe. Töwö Jeduusadén ña töwä’dö’se cönä’jaacä, iiña Pentecoté anootoi’chädö ija’do’jodö wetä.

DOSECHO 21:14

Ye’wononcajai’cha ñaa weijäcä ñaa cöneeta’jöjäätöi yaawä; edääje mmaane ñaa cönä’döaacä: —Cajiichaana woije nei’ñojo; quee.

DOSECHO 21:29

Tönwanno yääje cönä’döa’to Paudo jadä Todóojimo ene’jödö weijäcä jataawä. Judhíojöönö cönä’jaaca Todóojimo, Eujeeso ñano. Tönwanno cöneecanö’a’to Wanaadi weichojo taca ñäädä amonno’jaatäi Paudo wwä.

DOMAANO 1:10

Chäwwä töne’ca’e wäänene töwö yoije adöiñaiñe öötotoojo aneedawä.

DOMAANO 15:32

Yaawä, Wanaadi woije yeiya’jäcä, ta’cwaiñe adöiñaiñe ä’döjai wa; wäädeetaiye yaawä ajaadaiñe.

1 CODINTIYO 15:32

Eujeeso ña jooje wätä’maminchajoone, odoocoja’como tääde’cwada’como jadä wotoonejaanä töweiye naichö wa’cä. Yääje yeichaame ¿ane’cotoojo mädä wätä’maminchajoonä eichöde’ töwäämaajo jonno waadoncanä ’je’da yieya’jäcä? Yääje yeiya’jäcä edääje chö’tajä’jai caato: “Jooje cääwashinchajä’täiye, cöwoocödööcomo canemjä’täiye, jenamma mma cä’ja’to’no;” queene chö’tajä’jai caato yaawä, anejjacoomo töwä’döe weneenetoodöje.

1 CODINTIYO 16:7

Weeja’dätäädöje mma adheene’seiñe’da wa, numa’cäiche ajaadäiñe wei’she weijäcä, Cajiichaana Jesuuquidiito woije yeiya’jäcä.

1 CODINTIYO 16:8

Eetä Eujeeso ña weichojo na Pentecoté anootoi’chädö jona tödööene,

1 CODINTIYO 4:19

Eduuwa mma wöta’de adöiñaiñe, Cajiichaana woije yeiyä’jäcä. Yaawä ñanno o’jodha’como tö’tajäätödö a’dedducoomojöönö mma weneea’de, iiñödööcomoone.

2 CODINTIYO 13:11

Mädääje mma wä’dö’se wä’jaanä, jimmä. Chäänönge aweichöcoomo encano’tätääcä; ä’jädu’tätääcäde; aata’deucwe eichäcä; täncanoode’da eichäcääde. Yaawä Wanaadi ajaadäiñe eijai ña, ñäädä täncanoode’da weiñä edhaajä, wä’jummanä edhaajä mmaja.

EUJEESIYO 1:1

Öwö Paudo, Wanaadi woije Jesuuquidiito nanontädö, äwwadäädäiñe wimenna, änwanno Wanaadi sotoi Eujeeso ñancomo, Jesuuquidiito ecaanö’nnamo.

EEWEDEO 6:3

Chäänöngato tojoodöeene cöötaato, Wanaadi yääje yei’she yeiya’jäcä.

SANTIYAACO 4:15

Edääjeene ä’döjai maato: “Cajiichaana woije yeiya’jäcä nudä ñaa na’de. Mädä ñaa nödööa’de yaawä, yää jeiñe mma;” queene ä’döjai maato.

1 PEEDHODO 3:17

Wanaadi adhentunaanö’jo’se yeiya’jäcä, aashichaato tödö’jödö jo’tädööjeene äntunaanö’täcä, yää täje yeijäcä, conemjönö tödö’jödö jo’tädööje wäntunaanö’nä e’jodhe’cä.

APOOCADIISI 1:11

Edääje cönäätaacä: —Öwö ñäädä awa’deeto, yaatameedö mmaja. Yää meneea’dedö imennäcä’de jajeeda jäcä; adoojocä’de yaawä Aasiya ñancomo quedeiyentecoomo wwadäädä, ñanno aacä amoojato ijaatadööcomo naadö, ñanno Eujeeso ñancomo, Eesimiidana ñancomo mmaja, Peecamo ñancomo mmaja, Tiiyatiida ñancomo mmaja, Saadisi ñancomo mmaja, Jiidadeujiya ñancomo mmaja, Daodiseea ñancomo wwadäädäiñe mmaja imennaajä adoojocä’dede; quee cönäätaacä a’deu.

APOOCADIISI 2:1

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Eujeeso ñancomo quedeiyente edai’chäneichomo wwadäädä: “Edääje nä’döa ñäädä aacä amoojato’como shidiichä ämu’demjönö dhamäädö jäcoono, ñäädä aacä amoojato adhaawa a’täi yeichö antaiño wäämannäjöödö, yää oodo döaajä: