DOSECHO 18:19 - Wanaadi A'deddu

¹⁹ Eujeeso ña töwä’döa’comjäcä Paudo cönsancwaicho yaawä Pidiisiida, Aquiida mmaja. Töwö cöntämä yaawä we’jummatoojo taca. Yäätä cöna’deujä’acä judhío we’jumma’como jadäiñe.

DOSECHO 18:19 ပူးပေါင်းရင်းမြစ်များ

DOSECHO 18:20

Ñanno judhío numa’cä jeene töjaadäiñe Paudo yei’she cönä’ja’to. Paudo mmaane töwei’she’da cönä’jaacä.

DOSECHO 18:21

Töwö cönääcammai chäwwäiñe; cönä’döaacä: —Jeduusadén ña wä’dö’se wa, yäätä comjedensiya ne’aadö tödöödö wetä. Yää ’jejeede we’a’dede sadä, Wanaadi woije yeiya’jäcä; quee cönä’döaacä. Eujeeso ñanno Paudo cöntämä yaawä jidaawa awä.

DOSECHO 18:24

Yääje mma yaawä judhío cönä’döi Eujeeso ña, Apoodoje chäätö, Aadejantidía ñano. Töwö towaanojo’ne cönä’jaacä Wanaadi a’deddu imennaajä jäcä; aashicha töneecammajä’e cönä’jaacä.

DOSECHO 18:4

Wäädeetatoojo anooto waadäi Paudo töötä cönä’jaacä we’jummatoojo taca. Iiña töneecammajäätödö que judhíocoomo töncana’caiñe cönä’jaacä, judhíojöncomo mmaja.

DOSECHO 19:1

Yääje mma yaawä Codinto ña Apoodo weichö Paudo cönäämannä’acä aneiñaja; töwö cönä’döi yaawä Eujeeso ña. Yäätä cöneejodöicho anejjacoomo quedeiyentecoomo.

DOSECHO 19:17

Tameedä Eujeeso ñancomo yää jäcä cöneeta’to, judhíocoomo mmaja, judhíojöncomo mmaja; jooje cönääcatoncaicho yaawä. Aashicha töwa’deuwe cönä’ja’to Cajiichaana Jesuuquidiito jäcä.

DOSECHO 19:26

Änwanno meneea’quene, metaatäne dea Paudo necammajäätödö. Töwö töneecammajä’e weneene wanaadije’da yeichö soto namoode’nädö. Mädääje töwö soto ni’jedaato, Eujeeso ñancomo mma’da, tameedä Aasiya weichö waadoinchomo mmajaane.

DOSECHO 19:28

Yää eta’jäcä ñanno chu’täjä’nnamo cönäätömaicho jooje; tönwanno cöncä’tömjä’a’to yaawä: —Adai’joto ñäädä Diyaana, Eujeeso ñancomo wanaadiyö; quee cönä’döa’to.

DOSECHO 19:35

Yaawä acu’shänä jajeedai imennänei soto cöneeta’jöichajoicho yeewodoichadööcomo jonno. Töwö cönä’döaacä chäwwäiñe: —Änwanno Eujeeso ñancomo; tameedä soto dhowaanäcäiñe na Eujeeso ñancomo Diyaana weichojo edhaamoje cöweichöcoomo, Diyaana cu’taajä edhaamoje cöweichöcoomo mmaja, yää caju ñanno cöne’duccaichö.

DOSECHO 20:16

Mädääje ñaa cöntämä, Eujeeso ñano Paudo ija’dätä’se yeijäcä, numa Aasiya ña töweichö queiñe. Töwö Jeduusadén ña töwä’dö’se cönä’jaacä, iiña Pentecoté anootoi’chädö ija’do’jodö wetä.

DOSECHO 20:17

Yaawä Paudo Mideeto ñanno soto cönaanontäi Eujeeso ña, ansiyaano a’dejjaiñe.

DOSECHO 21:29

Tönwanno yääje cönä’döa’to Paudo jadä Todóojimo ene’jödö weijäcä jataawä. Judhíojöönö cönä’jaaca Todóojimo, Eujeeso ñano. Tönwanno cöneecanö’a’to Wanaadi weichojo taca ñäädä amonno’jaatäi Paudo wwä.

1 CODINTIYO 15:32

Eujeeso ña jooje wätä’maminchajoone, odoocoja’como tääde’cwada’como jadä wotoonejaanä töweiye naichö wa’cä. Yääje yeichaame ¿ane’cotoojo mädä wätä’maminchajoonä eichöde’ töwäämaajo jonno waadoncanä ’je’da yieya’jäcä? Yääje yeiya’jäcä edääje chö’tajä’jai caato: “Jooje cääwashinchajä’täiye, cöwoocödööcomo canemjä’täiye, jenamma mma cä’ja’to’no;” queene chö’tajä’jai caato yaawä, anejjacoomo töwä’döe weneenetoodöje.

1 CODINTIYO 16:8

Eetä Eujeeso ña weichojo na Pentecoté anootoi’chädö jona tödööene,

EUJEESIYO 1:1

Öwö Paudo, Wanaadi woije Jesuuquidiito nanontädö, äwwadäädäiñe wimenna, änwanno Wanaadi sotoi Eujeeso ñancomo, Jesuuquidiito ecaanö’nnamo.

1 TIIMOTEO 1:3

Maasedooniya ña wötäänedaawä äwwä wä’döaaquennöje dea wä’döa eduuwa; Eujeeso ña dea eichä’de, anejjacoomo miyäätuujaiyeto chäänöngemjönö wätunnä jäcä onoowanooma’da yeichöcoomo wetä,

2 TIIMOTEO 1:18

Cajiichaana wentumje neneea’de yää anooto awä. Amäädä odhoowanääcä na dea jooje Eujeeso ña cö’wa’to’jocoomo chäwwä.

2 TIIMOTEO 4:12

Tíiquico wanontäne Eujeeso ña.

APOOCADIISI 1:11

Edääje cönäätaacä: —Öwö ñäädä awa’deeto, yaatameedö mmaja. Yää meneea’dedö imennäcä’de jajeeda jäcä; adoojocä’de yaawä Aasiya ñancomo quedeiyentecoomo wwadäädä, ñanno aacä amoojato ijaatadööcomo naadö, ñanno Eujeeso ñancomo, Eesimiidana ñancomo mmaja, Peecamo ñancomo mmaja, Tiiyatiida ñancomo mmaja, Saadisi ñancomo mmaja, Jiidadeujiya ñancomo mmaja, Daodiseea ñancomo wwadäädäiñe mmaja imennaajä adoojocä’dede; quee cönäätaacä a’deu.

APOOCADIISI 2:1

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Eujeeso ñancomo quedeiyente edai’chäneichomo wwadäädä: “Edääje nä’döa ñäädä aacä amoojato’como shidiichä ämu’demjönö dhamäädö jäcoono, ñäädä aacä amoojato adhaawa a’täi yeichö antaiño wäämannäjöödö, yää oodo döaajä: