DOSECHO 18:12 - Wanaadi A'deddu

¹² Yaawä Caadiyón Acaaya ñano acu’shänääje yeichö judhíocoomo cöne’jummaicho Paudo ajäichö wetä. Tönwanno cönaadoicho yaawä ñäädä acu’shänä döiña;

DOSECHO 18:12 ပူးပေါင်းရင်းမြစ်များ

MATEO 27:19

Yaawä äcamma’jonei a’täi ye’wä Pidaato weichö ijiiñamo tanoonö cönaanontäi yöiña, edääje ecamma: “Conemjönö männöi’che ñäädä dhanwa aashichaato jäcä. Wäänetöödö ai weneeanä, cone’da wä’jaanä jooje;” quee ecamma.

JUAN 19:13

Yää eta’jäcä Pidaato Jesuuquidiito cömja’cai yaawä jödo’na. Töwö cönaatajiimai yaawä äcamma’jonei a’täi ye’wä; yää weichojo eetö eewedeeocoomo töne’tä cönä’ja’to Cawaataje; Täju ’Dodoi; quee töwä’dö’se yeichö.

DOSECHO 13:12

Yaawä yää eneeä’jäcä acu’shänä cöneecamjöi, ñäädä Seejiyu Paudo täätö. Töwö yaacö’je cönä’jaacä Cajiichaana Jesuuquidiito jäcä ecammajäätödö etaadö.

DOSECHO 13:50

Yaawä ñanno judhíocoomo cöna’deuwöicho anejjacoomo wodiiñamo täneejuca’como wwäiñe, aashicha’como wwäiñe, dhanwaacomo täneejuca’como wwäiñe mmaja. Tönwanno cöni’jedoicho Paudo, Waanawé jäcäiñe, cone’da yeichöcoomo wetä chääjäcäiñe. Yää ’jeje ñanno täneejuca’como Paudo cönenno’jaicho töjaatadööcomo jonno.

DOSECHO 13:7

Ñäädä Waajesú cönä’jaacä acu’shänä Seejiyu Paudo jadoono. Tösejjecaato ñäädä Seejiyu Paudo cönä’jaacä. Töwö cöna’dejjaicho Waanawé, Saudo mmaja, Wanaadi a’deddu ecammajäätödö eta’se töweijäcä.

DOSECHO 13:8

Ñäädä jöwai, Ediimaje mmaja chäätö cönä’ja’dö, Wanaadi a’deddu etaajo’se’da cönä’jaacä acu’shänä wwä, chäwwä ecamjödö queiñe.

DOSECHO 14:19

Yääje mma yaawä anejjacoomo judhío cöneejoto Antiyooquía ñanno, Icooniyo ñanno mmaja; tönwanno soto cöni’jedoicho yaawä Paudo jäcäiñe. Yaawä ñanno soto Paudo cönwäjäätöicho täju que. Jata tö’cäi cöni’ji’chöicho yaawä, yäämaatäi.

DOSECHO 14:2

Ñanno judhío aneecanö’jöncomo mmane judhíojöncomo cöni’jedoicho cone’da chö’tajäätödööcomo wetä quedeiyente jäcäiñe.

DOSECHO 17:13

Yaawä judhío Teesadoonica ñancomo cöneeta’to Wedeea ña Paudo wwä Wanaadi a’deddu ecammajäätödö. Tönwanno cöntonto yaawä iiña; soto cöni’jedoicho yaawä Paudo jäcäiñe.

DOSECHO 17:5

Yääje yeijäcä ñanno judhío quedeiyentejöncomo tö’neiñe cönä’ja’to. Töjaadäiñe dhanwaacomo conemjöncomo cönaadoicho; i’she’jocoomo ñanno cönä’ja’to. Tönwanno cöneewodoicha’to yaawä jataawä, soto aquimmadööcomooje; cöntonto yaawä Jasón mmai yöiña Paudo, Siida u’cadööcomo wetä jödo’na, soto wwäiñe utuuducoomo wetä yaawä.

DOSECHO 18:11

Yäätä Codinto ña Paudo cönä’jaacä aacä weduuto annai soto owaanomaadöcoomoje Wanaadi a’deddu jäcä.

DOSECHO 18:27

Yää ’jeje Apoodo töötä’se cönä’jaacä Acaaya ña. Ñanno quedeiyentecoomo Eujeeso ñancomo aashicha cönenno’jaicho yaawä. Tönwanno jajeeda cömmennoicho Acaaya ñancomo wwadäädäiñe, Apoodo wwä tadoojoomö, aashicha yeichöcoomo wetä chääjäcä. Yaawä Acaaya ña Apoodo wä’döa’jäcä töwö jooje cöni’wa’toicho ñanno Wanaadi ni’wa’tädö woije ecaanö’nnamo.

DOSECHO 19:21

Yää ’jeje Paudo töötä’se cönä’jaacä Maasedooniya ña, Acaaya ña mmaja, Jeduusadén ña töötädö wetä yaawä. Edääje cöntö’tajä’acä: Jeduusadén ña ööta’jäcä Dooma ña täjai wa yaawä; quee.

DOSECHO 25:10

Yaawä Paudo cönä’döaacä: —Chäänönge dajaane eetä yeecamma’jojai ma, acu’shänä necamma’jotoojo tacaane. Amäädä odhoowanääcä na judhío jäcäiñe conemjönö ännö’da weichö.

DOMAANO 15:26

Ñanno Maasedooniya ñancomo, Acaaya ñancomo mmaja, töjöödataichomo cöni’jummaicho Jeduusadén ñancomo quedeiyente wäntunamjödööcomo i’wa’toto’comooje.

DOMAANO 16:5

Ya’deujödö wadääja dea Pidiisiida, Aquiida e’sacaiñe töweecanta’ñä weneenetoodö wwadäädäiñe mmaja, umjummadö Eepeneeto wwadäädä mmaja, ñäädä Acaaya ñano awa’deene Quidiito ecaanö’nei’jödö.

1 CODINTIYO 16:15

Jimmä, edääje wä’dö’se wa äwwäiñe: Odhoowanääcäiñe Eteujana wä’jimmä’tädö awa’deene quedeiyenteje yääwaacajo’jocoomo Acaaya ña. Tönwanno quedeiyentecoomo töni’wa’tä weneeneto, yeichöcoomoje.

2 CODINTIYO 1:1

Öwö Paudo, Wanaadi woije Jesuuquidiito nanontädö, cöjimmotoncomo Tiimoteeo acä ñaa nimenna äwwadäädäiñe, änwanno ñaa jimmä, Wanaadi ecaanö’nnamo Codinto ñancomo; tameedä Wanaadi sotoi Acaaya ña naatoodö wwadäädä mmaja ñaa nimenna dea.

2 CODINTIYO 11:10

Quidiito a’deddu chäänöngato öwwä naadö wa’cä mmaja chäänönge yääje wä’döa, mädä chääjäcä wä’wa’deme’caadö ijo’quejö’da na’de tameedä Acaaya weichö wa’cäädä.

2 CODINTIYO 11:26

Weiñäje töwäämannä’e wäänene dea; jooje töwäämaichajä’e wäänene, tuna wwä, tämeena’como wwä mmaja, jimmä mmädä wwä mmaja, anejjacoomo wwä mmaja. Jataawä weichawä mmaja töwäämaichajo wäänene, jata ’jemjönö aca weichawä mmaja, dama ’cwai öötädaawä mmaja. Quedeiyenteja’como wätä’tädööcomo wwä mmaja töwäätä’maminchajo wäänene dea.

2 CODINTIYO 9:2

yoowanääcä yeijäcä änwanno deaane tödö’se aweichöcoomo. Mädääje dea aashicha adheecammajä’täiñe wäänene Maasedooniya ñancomo wwä. Edääje töwä’döe wäänene chäwwäiñe: “Ñanno Acaaya ñancomo awa’de wedu cönä’ja’dö awooto’jödöödä chäänönge naato mädä tödöödö jäcä;” quee töwä’döe wäänene äjääcäiñe. Yää tödö’se aweichöcoomo eta’jäcä canno Maasedooniya ñancomo mmaja tödö’se naato dea eduuwa.

1 TEESADOONISENSE 2:14

Änwanno jimmä, ajimmotoncomo wwä äwäätä’maminchajoodawäiñe änwanno mä’ja’quene anejjacoomo Wanaadi ecaanö’nnamo wei’jocoomo nönge mmaja, ñanno Judheea ñancomo, Jesuuquidiito sotoi. Tönwanno mmaja cönäätä’maminchajoicho dea töjimmotoncomo judhío wwäiñe.

1 TEESADOONISENSE 2:16

Tönwanno ñaa wwä aneecammajoojätö’da weneeneto judhíojöncomo wwä, yääwanaacadööcomo queiñe. Mädääje jooje’cä mma töcoone’nadiiyöcoomo nejannä’caato. Eduuwa Wanaadi wwä töwäätä’maminchajoomöje naato.

SANTIYAACO 2:6

Yääje töweiyaamoje yeichaameiñe änwanno wentumja’como tömjöichojoiñe määnetääne. ¿Tönsomaaca’como jönca adhennanö’catäiñe weneeneto? ¿Ñanno jönca acu’shänä wwadäädä adhaadätäiñe weneeneto dea?