DOSECHO 17:4 - Wanaadi A'deddu

⁴ Yaawä anejjacoomo judhío cöneecamjöicho; Paudo, Siida jadäiñe cönä’ja’to yaawä. Jooje quidiiyeecocoomo Wanaadi nontännamo cöneecamjöicho dea, wanna wodiiñamo täneejuca’como mmaja.

DOSECHO 17:4 ပူးပေါင်းရင်းမြစ်များ

JUAN 7:35

Yaawä judhíocoomo tönwannoje dea cönä’döa’to: —¿Äsha tätai’che töwö cönwanno aneejodö’da cöweichöcoomo wetä? ¿Iiñaja ca tätai’che, judhíocoomo wäämecanta’como döiña, quidiiyeecocoomo jadäiñe naatoodö döiña? ¿Quidiiyeecocoomo owaanomaiñe’da tätai’che?

DOSECHO 13:43

Yaawä we’jummatoojo tacanno tameedä soto weja’ca’comjäcä jooje judhío cöntonto Paudo, Waanawé jadäiñe, jooje mmaja judhíoje yääwaaca’como cöntonto dea; ñanno cönä’ja’to chäänönge judhío wätunnäichomo tödönnamo. Yaawä Paudo ñanno cönwätuujaicho ejääduqueejö’da töweiyancädäiñe aashicha Wanaadi weichö ecamjödö wetä chäwwäiñe.

DOSECHO 13:50

Yaawä ñanno judhíocoomo cöna’deuwöicho anejjacoomo wodiiñamo täneejuca’como wwäiñe, aashicha’como wwäiñe, dhanwaacomo täneejuca’como wwäiñe mmaja. Tönwanno cöni’jedoicho Paudo, Waanawé jäcäiñe, cone’da yeichöcoomo wetä chääjäcäiñe. Yää ’jeje ñanno täneejuca’como Paudo cönenno’jaicho töjaatadööcomo jonno.

DOSECHO 14:1

Yääje mma yaawä Icooniyo ña Paudo wä’döa’comjäcä Waanawé acä a’nädä cönoomomöicho judhío we’jummato’como taca. Yaawä chäwwäiñe jäduuje Wanaadi a’deddu ecammajäätödö weijäcä jooje judhío cöneecamjöicho, judhíojöncomo mmaja.

DOSECHO 14:4

Yää jataawoncomo äänönge’da chö’tajäätödööcomo cönä’jaacä; dhantai cöneecamjöicho judhío a’dedducoomo, dhantai ’chene anonta’como a’dedducoomo daja.

DOSECHO 15:22

Yaawä ñanno anonta’como, ansiyaano mmaja, tameedä quedeiyentecoomo mmaja, cöna’deuwöicho anejjacoomo töjimmotoncomo enno’jadööcomo wetä Antiyooquía ña, Paudo, Waanawé jadäiñe. Juudha cöne’toicho yaawä töötäämöje, ñäädä Waasawaaje mmaja chäätö cönä’ja’dö. Siida mmaja cöne’toicho dea. Ñanno cönä’ja’to täneejuca’como quedeiyentecoomo wwäiñe.

DOSECHO 15:27

Äwwadäädäiñe ñaa nanonta Juudha, Siida mmaja. Tönwanno jaiñoone tameedä mädä necammajä’aato’de äwwäiñe.

DOSECHO 15:32

Ñanno Juudha, Siida mmaja töneecammajäätödööcomo que quedeiyentecoomo cönwätuujaicho, cömjädu’ta’to dea, Wanaadi wa’deuwödö ecammannamooje töweijäcäiñe.

DOSECHO 15:40

Paudo mmaane Siida cönnöi töweichacoonoje. Yaawä Cajiichaana wwä töjääcäiñe quedeiyentecoomo wa’deuwö’jocomje tönwanno cönääma’toicho yäätonno.

DOSECHO 16:3

Ñäädä Paudo adä’se cönä’jaacä töjaadä. Yääje yeijäcä siicunsidaadoje cönnöi yaawä ñanno töötoto’como ña judhío cönä’ja’todö jäcäinchädäiñe, tameedä dhowaanäcäiñe yeijäcä quidiiyeecoje yuumö weichö.

DOSECHO 17:10

Yaawä coijai yä’döa’jäcä Wedeea ña quedeiyentecoomo Paudo cönenno’jaicho, Siida mmaja. Iiña Paudo wä’döa’comjäcä judhío we’jummato’como taca cönoomomöicho yaawä.

DOSECHO 17:12

Wanna cöneecamjöicho tönwanno; wanna mmaja quidiiyeecocoomo, wodiiñamo täneejuca’como mmaja, dhanwaacomo mmaja.

DOSECHO 17:14

Yaawä dea mma quedeiyentecoomo Paudo cönaanontoicho dama jacäi. Siida mmaane cöno’somjoi Wedeea ña, Tiimoteo acä.

DOSECHO 17:17

Yääje yeijäcä we’jummatoojo taca töwa’deuwe töwö cönä’jaacä judhío wwäiñe, anejjacoomo Wanaadi ya’deme’nnamo wwäiñe mmaja. Anooto waadäi töwa’deuwe cönä’ja’dea jödoodo aca, yäätä ye’jumma’como wwäiñe.

DOSECHO 17:34

Dhantai etannamo’jödö chääjadä cöntonto. Tönwanno ñeecammajäätödö cöneecamjöicho. Ñanno antawäiñe cönä’jaacä dhanwa Diiyoniisiyo täätö; Aadeoopaco edhaamo jimmäje cönä’jaacä töwö. Wodi cönä’ja’dea, Dáamadi täätö; anejjacoomo soto cönä’ja’to dea.

DOSECHO 18:4

Wäädeetatoojo anooto waadäi Paudo töötä cönä’jaacä we’jummatoojo taca. Iiña töneecammajäätödö que judhíocoomo töncana’caiñe cönä’jaacä, judhíojöncomo mmaja.

DOSECHO 19:10

Mädääje töwö cönä’jaacä aacä wedu; tameedä Aasiya ñancomo cöneeta’to Jesuuquidiito a’deddu, judhíocoomo mmaja, judhíojöncomo mmaja.

DOSECHO 2:44

Ñanno ecaanö’nnamo aata’deucwe töweiye cönä’ja’to; tameedäädotooje tönnödööcomo tönnöe cönä’ja’to.

DOSECHO 21:28

töcä’de cöna’deuwa’to; cönä’döa’to: —Änwanno iisadaaediitacoomo, ñaa ’wa’tätääcä. Määdhä dhanwa tameedä jata weichö wa’cä cone’da soto tönoowanoomaiñe weneene judhío jäcäiñe, jenaado’jä waanontänä jäcä mmaja, Wanaadi weichojo jäcä mmaja. Eduuwa Wanaadi weichojo taca judhíojöncomo namonno’joicho; mädääje Wanaadi weichojo nichoone’ma; quee cönä’döa’to ñanno Paudo jäcä.

DOSECHO 28:24

Anejjacoomo aashicha cöneeta’to ñeecammajäätödö; anejjacoomo ’quene aneecamjö’da cöneiya’to.

DOSECHO 4:23

Yääje mma yaawä tonno’ja’comjäcä ñanno Peedhodo, Juan cöntonto töjimmotoncomo döiñaiñe. Chäwwäiñe cöneecammajäätöicho töwwäiñe tameedä Wanaadi wwä töwa’deuwaamo edhaajotoncomo wa’deuwö’jocoomo, inchoncomo wa’deuwö’jocoomo mmaja.

2 CODINTIYO 8:5

Ñaa nichö’tammecöödö e’jodhe’cä mmaja cönnöicho yaawä. Awa’de Wanaadi woije cönä’tuicho Cajiichaana Jesuuquidiito wwä, yää ’jeje ñaa wwä mmaja.